شاۋەشەك قالاسى «ءنومىر جيناۋ ءتۇزىمى» بويىنشا باسقارۋ جۇرگىزىپ، نەگىزگى ساتىنى جونگە سالۋدا تىڭ بەينە بايقاتتى
2018.05.17 14:09 كەلۋ قاينارى : شينجياڭ گازەتى
ەرىكتى تىلشىلەر ۋىن بو، جاڭ مەي شاۋەشەكتەن حابارلايدى. «كىشكەنتاي قىزىل تۋدى قولىما العانىمدا قاباعات قۋاندىم». 4 - ايدىڭ 23 - كۇنى شاۋەشەك قالاسى قاراقاباق اۋىلى ابىلا قىستاعى كوميتەتىنىڭ مەڭگەرۋشىسى جاڭ شينشىڭ ءوزى يە بولعان كىشكەنتاي قىزىل تۋعا قۋانعانىنان قايتا - قايتا قاراي بەردى.
پارتيا مۇشەلەرىن، كادرلاردى، قىستاق تۇرعىندارىن ءنومىر جيناۋ تۇزىمىمەن باسقارۋ بويىنشا سالىستىرۋ تاقتاسى قىستاق كوميتەتى اۋلاسىنىڭ كورنەۋ جەرىنە ىلىنگەن. تاقتاداعى كوپتەگەن ادامنىڭ اتىنىڭ جانىنا كىشكەنتاي قىزىل تۋلار جاپسىرىلعان.
شاۋەشەك قالالىق پارتكوم ۇيىمداستىرۋ ءبولىمىنىڭ ورىنباسار باستىعى ۋاڭ پەيگاڭ تانىستىرىپ بىلاي دەدى: بىلتىردان باستاپ، شاۋەشەك قالاسى تۇتاس قالاداعى اۋىل - قىستاقتاردا، الەۋمەتتىك اۋماقتاردا ءنومىر جيناۋ بويىنشا سالىستىرۋ قيمىلىن ورىستەتىپ، پارتيا مۇشەلەرىن، كادرلاردى، جۇرتشىلىقتى اي سايىن دارەجەگە ءبولىپ باعالاپ، قىزىل تۋمەن ماقتاۋ، سارى شىراقپەن ەسكەرتۋ بەرۋ سياقتى تاسىلدەر ارقىلى وزاتتاردى شابىتتاندىرىپ، ارتتا قالعانداردى قامشىلادى. ءنومىر جيناۋ بويىنشا باعالاۋدىڭ مازمۇنى قىزمەت بەينەسى، وقىتۋ - تاربيەلەۋ، ورنىقتىلىقتى قورعاۋ، بورىشىن وتەۋ، تارتىپكە، زاڭعا بويسۇنۋ سياقتى مازمۇنداردى قامتدى، ايىنا 80نەن ارتىق ءنومىر العاندارعا قىزىل تۋ بەرىلەدى، 60 نومىرگە جەتپەگەندەرگە سارى شىراقپەن ەسكەرتۋ جاسالادى. نەگىزگى ساتى ۇيىمدارى ءنومىر جيناۋ بويىنشا سالىستىرۋ جاعدايىن اي سايىن جاريالاپ وتىرادى ءارى ونى پارتيا مۇشەلەرىن، كادرلاردى جىل سوڭىندا باعالاۋدىڭ، ناتيجە ەڭبەكاقى بەرۋدىڭ، وزاتتىقا باعالاۋدىڭ ماڭىزدى نەگىزى ەتەدى.
جۋىقتا وسى قالانىڭ ىرگۇڭ قالاشىعى تۋگۇڭ قىستاعى پارتيا ياچەيكاسى پارتيا مۇشەلەرى ءماجىلىسىن اشتى. ماجىلىستە پارتيا مۇشەلەرى قىستاق ىستەرىن باسقارۋ، كوللەكتيۆ شارۋاشىلىقتى دامىتۋ جونىندە ۇسىنىس بەردى.
ماجىلىستەن كەيىن، پارتيا مۇشەسى سۇن رۇيگو قاتتى قۋاندى، ويتكەنى ونىڭ ورتاعا قويعان كوللەكتيۆ شارۋاشىلىقتى زورايتۋ ۇسىنىسىن قىستاق تۇرعىندار كوميتەتى قابىل العان ەدى، مىنە وسىلاردىڭ بارلىعى ءنومىر قوسىلاتىن تۇرلەر سانالادى. دەسەدە پارتيا مۇشەسى ياڭ شياۋحۋدىڭ كوڭىل كۇيى ايتارلىقتاي بولمادى، ويتكەنى ول الدىڭعى رەتكى توپتىق قيمىلعا قاتىناسپاعان، رۇقسات تا سۇراماعان ەدى، نايتجەدە ونى قىستاقتىڭ ءبىرىنشى شۋجيى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ باستىعى جارقىن ءشارىپقان ۇلى جەكە شاقىرىپ سويلەسىپ، الداعى جەردە بۇلاي ىستەسە، سارى شىراق ەسكەرتۋى جاسالاتىندىعىن ەسكەرتكەن - دى. تۋگۇڭ قىستاعى پارتيا ياچەيكاسىنىڭ شۋجيى ۋاڭ شيڭدۇڭ: قىستاقتىڭ دامۋىنا پايدالى ءىس ىستەگەندەرگە تۇگەلدەي ءنومىر قوسىلادى. بىلتىر بىرنەشە پارتيا مۇشەسى جوعارى ءنومىر جيناپ، زاپاس كادرلار قاتارىنا كىردى. قازىر قىستاقتىڭ جۇمىسىن كوپشىلىك تالاسا - تارماسا ىستەيتىن بولدى، - دەدى.
بيىل كوكتەمدە تۋگۇڭ قىستاعى قىستاق تۇرعىندارىن ۇلكەن تازالىق قيمىلىنا ۇيىمداستىردى، قىستاق ءۇنحاتتا حابارلاندىرىپ، 2 - كۇنى 400گە تارتا قىستاق تۇرعىنى تازالىق قيمىلىنا كەلىپ قاتىناستى. قىستاق تۇرعىنى لياڭ جيجيە: باعالاۋ تاقتاسى داڭق تاقتاسى ىسپەتتى، قازىر كوپشىلىك بەلسەنە ءنومىر جيناپ، كوپ تۋ الۋعا تالپىناتىن بولدى، - دەدى.
قازىر قىستاق تۇرعىندارى قىستاق كادرلارىنىڭ جۇمىس ىستەۋ بەلسەندىلىگىنىڭ جوعارىلاپ، پارتيا ۇيىمىنىڭ ۇيىستىرۋ قۋاتىنىڭ كۇشەيگەندىگىن، قىستاقتىڭ بەت - بەينەسىنىڭ دە جاقسارعاندىعىن سەزىندى.
«ءنومىر جيناۋ ءتۇزىمى اتقارىلعان ءبىر جىلدان بەرى، نەگىزگى ساتى پارتيا مۇشەلەرىنىڭ، كادرلارىنىڭ مىندەتىن، جاۋاپكەرلىگىن تولىق وتەۋ تانىمى كۇشەيىپ قانا قالماستان، ءار ۇلت بۇقاراسىنىڭ نەگىزگى ساتى ىستەرىنە ىرىقتىلىقپەن ات سالىسۋ بەلسەندىلىگى دە جوعارىلادى. ءنومىر جيناۋدى باعالايتىن وسى كىشكەنتاي عانا تاقتا ادامداردىڭ جىگەر - قايراتىن، جاڭا سالتتى، ۇيىستىرۋ قۋاتىن باعالاپ، نەگىزگى ساتىنىڭ قوعامدىق جونگە سالۋ ورەسىن كورنەكتى جوعارىلاتتى»، - دەدى ۋاڭ پەيگاڭ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
