ءۇرىمجى ساقشى جاعى
ۇشاق بەلەتىن قايتارۋ نەمەسە ۋاقىتىن وزگەرتۋدى جەلەۋ ەتكەن تەلەفون الدامشىلىعىنان ساقتانۋدى ەسكەرتتى
2018.05.30 14:19
حالىق تورابى، 30 – مامىر، بەيجيڭ. 17 – مامىردا، ءۇرىمجى قالاسىنىڭ ساقشى جاعى ۇشاق بەلەتىن قايتارۋ نەمەسە ۋاقىتىن وزگەرتۋدى جەلەۋ ەتكەن ءبىر توپ تەلەفون الدامشىلىق دەلوسىن ءساتتى اشىپ، زياندالۋشىنىڭ بانكە كارتوچكاسىن جەدەل مۇزداتۋ ارقىلى، سوڭىندا زياندى تولىقتادى. ساقشى جاق، پارىقتاۋ قابىلەتىن جوعارىلاتىپ، ۇشاق بەلەتىن قايتارۋ نەمەسە ۋاقىتىن وزگەرتۋدى جەلەۋ ەتكەن تەلەفون الدامشىلىعىنان ساقتانۋدى ەسكەرتتى.
حاڭجوۋدان جۇمىس بابىمەن ۇرىمجىگە كەلگەن شى * ٵسىلى 18 – مامىردا حاڭجوۋعا قايتپاقشى بولعان، جۇمىسى ۋاعىندا بىتپەگەن سوڭ، ول 17 – مامىر تەلەفون ارقىلى ءمالىم توراپقا شىعىپ، ۇشاق بەلەتىنىڭ ۋاقىتىن وزگەرتەدى، تور بەتىندە ۋاقىتىن وزگەرتۋ ءساتتى بولدى دەگەن ەسكەرتۋ بەرىلەدى. ءبىر ساعاتتان سوڭ، وعان ءمالىم اۋياتسيا سەرىكتەستىگىنىڭ قىزمەتكەرىمىن دەپ بىرەۋ تەلەفون شالادى، الگى قىزمەتكەر شى* تىڭ ۇشاق بەلەتىن وزگەرتۋىنىڭ ءساتىسز بولعاندىعىن، ٶزىنىڭ وعان كومەكتەسىپ جاڭادان بەلەت الىپ بەرەتىندىگىن، سونىمەن بىرگە 300 يۋان زيان تولەپ بەرەتىندىگىن ايتادى.
شى * قارسى جاقتىڭ ايتۋى بويىنشا، بانكە كارتوچكا ءنومىرى مەن قۇپيا ءنومىرىن ايتىپ بەرەدى، سونداي – اق تەلەفونداعى ەسكەرتۋ بويىنشا باسىپ تۇراقتاندىرادى. كوپ وتپەي ول ٶزىنىڭ الدانىپ قالعاندىعىن سەزىپ، دەرەۋ ساقشىعا مالىمدەيدى. ءۇرىمجى قالالىق قوعام حاۋىپسىزدىك مەكەمەسى سايباق بولىمشە مەكەمەسىنىڭ پيڭديڭشان ساقشى بولىمشەسىنىڭ ساقشىلارى دەلو مالىمدەۋىن تاپسىرىپ العاننان كەيىن، شى *كە اۆتوماتتى اقشا شىعارۋ ماشيناسىمەن قوپيا ءنومىرىن ءۇش رەت قاتە كىرگىزۋ ءتاسىلى ارقىلى كارتوچكاسىن مۇزداتۋعا جەتەكشىلىك ەتىپ، 258 مىڭ يۋان زياننىڭ الدىن الىپ قالادى.
ساقشى جاقتىڭ تانىستىرۋىنشا، ٶزىن اۋياتسيا سەرىكتەستىگىنىڭ قىزمەتكەرىمىن دەپ تەلەفون سوعىپ، قاريدارعا بەلەت ينفورماتسياسىندا قالپسىز جاعداي بايقالعاندىعىن، بەلەتتى قايتارۋ نەمەسە ۋاقىتىن وزگەرتۋ جۇمىسىن ىستەۋ كەرەكتىگىن ايتاتىن، سونداي- اق، قايتارعان اقشانى سىلتاۋراتىپ قاريدارعا ايتىلعان ەسكەرتۋلەر بويىنشا، بانكە كارتوچكا ءنومىرى مەن قۇپيا ءنومىرىن كىرگىزۋدى تالاپ ەتەتىن مۇنداي الدامشىلىق جولى تەلەگراف الدامكوستىگىنىڭ ءبىرى ەكەن.
ساقشى جاق كوپشىلىكتىڭ ۇشاق بەلەتىن قايتارۋ نەمەسە ۋاقىتىن وزگەرتۋ جونىندەگى تەلەفوندى قابىلداعان كەزدە، ينفورماتسيانىڭ شىن – جالعاندىعىن اسىقپاي سالماقتاپ كورۋىن، ەگەر تەكسەرۋ كەرەك بولسا، ءسوزسىز اۋياتسيا سەرىكتەستىگىنىڭ رەسمي تەلەفونىنا تەلەفون جالعاپ ءبىتىرۋىن ەسكەرتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
