شينجياڭ كەدەيلەردى سۇيەمەلدەۋ سالاسىندا – شىرىكتەسۋ جانە ستيل ماسەلەسىنە ساياتىن 8 تيپتىك دەلونى حابارلاندىردى
2018.07.09 14:11 كەلۋ قاينارى : حالىق تورابى
حالىق تورابى، 9 – شىلدە، بەيجيڭ. شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ كوميتەتى كەدەيلەردى سۇيەمەلدەۋ سالاسىندا – شىرىكتەسۋ جانە ستيل ماسەلەسىنە ساياتىن 8 تيپتىك دەلونى اشىق جاريالادى. بۇل 8 تيپتىك دەلو مىنالار:
1. اراسان اۋدانى اڭگىرلىك قالاشىعى تولى قىستاعى پارتيا ياچەيكاسىنىڭ بۇرىنعى شۋجيى ما شىنحۋانىڭ كەدەيلەردى سۇيەمەلدەۋگە بەرىلگەن كومەك قاراجاتتى باسقاعا جۇمساۋ، يەمدەنىپ الۋ ماسەلەسى. 2014 - جىلى ما شىنحۋا قوي ساتىپ الۋ رەسمياتىن جالعاننان جاساۋ تاسىلىمەن ەنەلىك مالداردى اسىلداندىرۋ كومەك قاراجاتىنان 60 مىڭ يۋاندى الداپ العان، سونداي - اق ونى ءوزى يەمدەنگەن؛ كەدەيلەردى سۇيەمەلدەۋ وندىرىسىندە سيىر باعىمشىلىعى نىسانى قاراجاتىنان 86 مىڭ يۋان ىركىپ قالىپ، ونى سيىر ساتىپ الۋ بارىسىنداعى تاماق، جاتىن ورىن، قاتىناس سياقتى اقىلاردى تولەۋگە جۇمساعان؛ 2017 - جىلى – تامىزدا ما شىنحۋا كەدەيلەرگە سيىر بەرىپ سۇيەمەلدەۋ قاراجاتىنان 166 مىڭ 200 يۋان قىمقىرىپ، ونىڭ 110 مىڭ يۋانىن قىستاق كوميتەتىنىڭ كۇندەلىكتى شىعىسىنا جۇمساعان، 56 مىڭ 200 يۋانىن ءوزى يەمدەنىپ العان. مۇنان سىرت، ما شىنحۋانىڭ تارتىپكە، زاڭعا اۋىر دارەجەدە قايشىلىق جاساعان ماسەلەلەرى دە بار. 2018 - جىلى – ساۋىردە ما شىنحۋاعا پارتيادان ايداۋ جازاسى بەرىلدى، ونىڭ زاڭعا قايشىلىق جاساعان قىلمىسىنا ساياتىن ماسەلەسى ءادىليا ورگانىنىڭ زاڭ بويىنشا ءبىرجايلى ەتۋىنە تاپسىرىلدى.
2. حوتان ايماعى ساعىزكول اۋىلدىق پارتكومنىڭ بۇرىنعى مۇشەسى، اۋىل باستىعىنىڭ بۇرىنعى ورىنباسارى ياڭ ميننىڭ كەدەيلەردى سۇيەمەلدەۋ نىسان ينجەنەرياسىنان پايدا ٴتۇسىرۋ ماسەلەسى. 2017 - جىلى – مامىردا ياڭ مين 2016 - جىلعى بەيقۇت ءۇي سالىپ كەدەيلەردى سۇيەمەلدەۋ ينجەنەرياسى قاراجاتىن ەسەپتەۋ قولايلىلىعىنان پايدالانىپ، ءمالىم ينجەنەريا قوجايىنىنان 60 مىڭ يۋان پايدا العان (ءار ۇيدەن 1000 يۋان دەسەك، 60 ءۇي). مۇنان سىرت، ياڭ ميننىڭ تارتىپكە، زاڭعا اۋىر دارەجەدە قايشىلىق جاساعان باسقا دا ماسەلەلەرى بار. 2018 - جىلى مامىردا ياڭ مينگە پارتيادان ايداۋ، ۇكىمەت قىزمەتىنەن قالدىرۋ جازاسى بەرىلدى، ونىڭ زاڭعا قايشىلىق جاساعان قىلمىسىنا ساياتىن ماسەلەسى ءادىليا ورگانىنىڭ زاڭ بويىنشا ءبىرجايلى ەتۋىنە تاپسىرىلدى.
3. توقسۋ اۋدانى ىشكى ارىق قالاشىعى وي ءمالى قىستاعى پارتيا ياچەيكاسىنىڭ بۇرىنعى شۋجيى قۇربان مامەتتىڭ بەيقۇت ءۇي سالىپ كەدەيلەردى اۋقاتتاندىرۋ ينجەنەرياسى بويىنشا سالىناتىن ۇيلەرگە بەرىلگەن كومەك قاراجاتتى قىمقىرۋ ماسەلەسى. 2014 - جىلدان 2015 - جىلعا دەيىن، قۇربان مامەت ەرەجەگە قايشىلىق جاساپ، كەدەيلەردى سۇيەمەلدەۋگە ارنالعان قۇنى 45 مىڭ 400 يۋاندىق زاتتىق ماتەريالداردى كەدەي ەمەس وتباسىلارىنا تاراتىپ بەرگەن. 2016 - جىلى قۇربان مامەت باسقالاردىڭ اتىندا بەيقۇت ءۇي سالىپ كەدەيلەردى سۇيەمەلدەۋ ينجەنەرياسى بويىنشا سالىنعان 2 بەيقۇت ۇيگە بەرىلگەن 61 مىڭ يۋان كومەك قاراجاتتى قىمقىرعان ءارى ءوزى يەمدەنگەن. مۇنان سىرت، قۇربان مامەتتىڭ تارتىپكە، زاڭعا اۋىر دارەجەدە قايشىلىق جاساعان باسقا دا ماسەلەسى بار. 2018 - جىلى – مامىردا قۇربان مامەتكە پارتيادان ايداۋ جازاسى بەرىلدى، ونىڭ زاڭعا قايشىلىق جاساعان قىلمىسىنا ساياتىن ماسەلەسى ءادىليا ورگانىنىڭ زاڭ بويىنشا ءبىرجايلى ەتۋىنە تاپسىرىلدى.
4. مەكىت اۋدانى قۇرما اۋىلى تام ءدوڭ قىستاعى پارتيا ياچەيكاسىنىڭ بۇرىنعى شۋجيى داۋىت اۋىتتىڭ بەيقۇت ۇيگە ءوسىمى قازىنادان تولەنەتىن قارىزدى بەلگىلەمەگە قايشى ءبىتىرۋ سياقتى ماسەلەلەرى. 2013 - جىلدان 2014 - جىلعا دەيىن داۋىت اۋىت قىزمەت قولايلىلىعىنان پايدالانىپ، بەلگىلەمەگە قايشى تۇردە 5 كەدەي وتباسىنىڭ اتىنان بەيقۇت ءۇي سالۋعا ءوسىمى قازىنادان تولەنەتىن 140 مىڭ يۋان قارىز الىپ، وعان مال قورا سالىپ العان. مۇنان تىس، داۋىت اۋىتتىڭ تارتىپكە، زاڭعا اۋىر دارەجەدە قايشىلىق جاساعان تاعى باسقا ماسەلەلەرى بار. 2018 - جىلى – ساۋىردە داۋىت اۋىت پارتيادان ايدالىپ، ونىڭ زاڭعا قايشىلىق جاساعان قىلمىس ماسەلەسى ءادىليا ورگانىنىڭ زاڭ بويىنشا ءبىرجايلى ەتۋىنە تاپسىرىلدى.
5. شەريا اۋدانى ۇلىساي اۋىلدىق پارتكومنىڭ شۋجيىنىڭ بۇرىنعى ورىنباسارى، اۋىل باستىعى مامەتجان ءماتتۇردىنىڭ بەيقۇت ءۇي سالۋعا پايدالاناتىن قارجىنى باسقاعا جۇمساۋ، يەمدەنىپ الۋ ماسەلەلەرى. 2016 - جىلى – جەلتوقساندا مامەتجان ءماتتۇردى باسقالارمەن سەرىكتەسىپ جالعان تالون جاساپ، ۇلىساي اۋىلىنىڭ 2015 - جىلعى سالىناتىن بەيقۇت ءۇي قۇرىلىسىنىڭ نەگىزدىك قۇرىلعى نىسانىنداعى 118 مىڭ يۋاندى قىمقىرىپ، ونىڭ 108 مىڭ يۋانىن جەردى تەگىستەۋگە، اۋىلدىق ۇكىمەت اسحاناسىنىڭ كۇندەلىكتى شىعىمى سياقتىلارعا جۇمساپ، 10 مىڭ يۋاندى ءوزى يەمدەنگەن. مۇنان تىس، مامەتجان ءماتتۇردىنىڭ تارتىپكە اۋىر دارەجەدە قايشىلىق جاساعان تاعى باسقا ماسەلەلەرى بار. 2018 - جىلى مامىردا مامەتجان ءماتتۇردىعا پارتيا ىشىندەگى مىندەتىنەن قالدىرۋ، قىزمەت مىندەتىنەن قالدىرۋ جازاسى بەرىلىپ، ورىنباسار ءبولىم دارەجەلى جاي كادر دارەجەسىنە ءتۇسىرىلدى.
6. بۋرىلتوعاي اۋدانى كوكاعاش اۋىلى اقوتكەل قىستاعى پارتيا ياچەيكاسىنىڭ بۇرىنعى شۋجيى قۇداكەلدى ءماجىن ۇلىنىڭ بەلگىلەمەگە قايشىلىق جاساپ، بەيقۇت ۇيگە بەرىلگەن تولىقتاما قاراجاتتان يگىلىكتەنۋ ماسەلەلەرى. 2011 - جىلى – ساۋىردەن 2015 - جىلى – مامىرعا دەيىن، قۇداكەلدى ءماجىن ۇلى قىزمەت قولايلىلىعىنان پايدالانىپ، باسقالاردىڭ اتىن جامىلىپ، ءبىر بەيقۇت ۇيگە بەرىلگەن 35 مىڭ 300 يۋاندى بەلگىلەمەگە قايشى تۇردە ءوزى العان؛ بەيقۇت ۇيدەن يگىلىكتەنۋگە شارتى تولىمسىز 2 تۋىسىنا بەيقۇت ۇيگە بەرىلەتىن تولىقتاما قاراجاتتان جيىنى 72 مىڭ 500 يۋاندى بەلگىلەمەگە قايشىلىق جاساپ ۇستەمەلەپ الىپ بەرگەن؛ 2018 - جىلى ساۋىردە قۇداكەلدى ءماجىن ۇلىنا پارتيادا ءبىر جىل قالدىرىپ بايقاپ كورۋ جازاسى بەرىلدى.
7. موڭعۇلكۇرە اۋدانى اقدالا قالاشىعىنىڭ قالاشىق باستىعىنىڭ بۇرىنعى ورىنباسارى مۇرات جۇمان ۇلىنىڭ اپاتتان قۇتقارۋ ارناۋلى قارجىسىن باسقاعا جۇمساۋ ماسەلەسى. 2014 - جىلدان 2016 - جىلعا دەيىن مۇرات جۇمان ۇلى اقدالا قالاشىعىنىڭ حالىق ىستەرى قىزمەتىنە جاۋاپتى بولىپ تۇرعان مەزگىلدە، قىزمەتكەرلەرگە «اپاتقا ۇشىراعان حالىقتىڭ تۇرمىستىق قۇتقارۋ كومەك قارجىسى تىزىمدىگىن» جالعاننان جاساۋعا ءجون كورسەتىپ، اپاتتان قۇتقارۋ ارناۋلى قارجىسىنان 32 مىڭ 500 يۋاندى قىمقىرىپ، اۋىلدىق ۇكىمەت اسحاناسىنىڭ كۇندەلىكتى شىعىمى سياقتىلارعا پايدالانعان. 2018 - جىلى – ماۋسىمدا مۇرات جۇمان ۇلىنا پارتيادا ءبىر جىل قالدىرىپ بايقاپ كورۋ جازاسى بەرىلىپ، جاي قىزمەتكەر دارەجەسىنە ءتۇسىرىلدى.
8. قارا ءشار حۇيزۋ اۆتونوميالى اۋدانى بەيدالياڭ اۋىلى ليۋشىحۋ قىستاعى پارتيا ياچەيكاسىنىڭ بۇرىنعى ورىنباسار شۋجيى ءۋالي شيرىپتىڭ كەدەيلەردى سۇيەمەلدەۋ ارناۋلى قارجىسىن قىمقىرۋ ماسەلەسى. 2017 - جىلى – قازاندا ءۋالي شيرىپ كەدەيلەردى سۇيەمەلدەۋ بويىنشا قوي ساتىپ الۋ جۇمىسىنا جاۋاپتى بولعان ورايدان پايدالانىپ، باسقالارمەن استاسىپ قوي ساتىپ الاتىن 34 مىڭ 900 يۋاندى قىمقىرىپ، ءوزى 10 مىڭ يۋانىن يەمدەنىپ العان. 2018 - جىلى – مامىردا ءۋالي شيرىپكە پارتيا ىشىندەگى مىندەتىنەن قالدىرۋ جازاسى بەرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
