شينجياڭ قامقورلىق جاساۋ وبيەكتىلەرىنىڭ قامقورلىق قاراجاتى مەن تۇرمىستىق قوسىمشا كومەك قاراجاتىن جوعارىلاتتى
2018.08.23 15:02 كەلۋ قاينارى : حالىق تورابى
حالىق تورابى، 23 – تامىز، بەيجيڭ. ءتىلشىنىڭ شينجياڭ ۇيعۇر اۆتونوميالى رايوندىق قازىنا مەڭگەرمەسىنەن ۇعىسۋىنشا، جۋىردا، شينجياڭ ۇيعۇر اۆتونوميالى رايوندىق قازىنا مەڭگەرمەسى، حالىق ىستەر مەڭگەرمەسى اتقارۋ جوباسىن دايىنداپ، شينجياڭنىڭ قامقورلىق جاساۋ وبيەكتىلەرىنە بەرەتىن قامقورلىق قاراجاتى مەن تۇرمىستىق قوسىمشا كومەك قاراجاتىنىڭ ولشەمىن جوعارىلاتتى.
ۇعىسۋعا قاراعاندا، 1 – تامىزدان باستاپ، جارالانىپ مۇگەدەك بولعاندارعا (مۇگەدەك اسكەريلەر، جارالانىپ مۇگەدەك بولعان حالىق ساقشىسى، جارالانىپ مۇگەدەك بولعان مەملەكەتتىڭ قاتىستى ورگان قىزمەتكەرلەرى، جارالانىپ مۇگەدەك بولعان حالىق جاساعى مەن حالىق جۇمىسكەرلەرى) بەرىلەتىن مۇگەدەك قامقورلىق قاراجاتىنىڭ ولشەمى، «ءۇش توپتاعىلارعا» (قۇربانداردىڭ وتباسىنداعىلارىنا، ۇكىمەت قىزمەتى بارىسىندا قازا بولعان اسكەريلەردىڭ وتباسىنداعىلارىنا، اۋرۋدان قازا بولعان اسكەريلەردىڭ وتباسىنداعىلارىنا) مەرزىم بويىنشا بەرىلەتىن قامقورلىق قاراجاتىنىڭ ولشەمى، «ءۇش قىزىلدارعا» (اسكەردەن شەگىنىپ اۋىلعا قايتقان ساقا اسكەري جاۋىنگەرلەر، اۋىلداعى باتىس باعىت ارمياسىنىڭ قىزىل ارميا ساقا جاۋىنگەرلەرى، قىزىل ارميانىڭ ءبىر – بىرىنەن ءبولىنىپ قالعان وتباسى مۇشەلەرى ) بەرىلەتىن تۇرمىستىق قوسىمشا قاراجاتىنىڭ ولشەمى قازىرگى ولشەم نەگىزىندە 10 پايىز جوعارىلاتىلعان. قوسىننان شەگىنگەن اۋىلداعى ساقا جاۋىنگەرلەرگە بەرىلەتىن تۇرمىستىق قوسىمشا كومەك قاراجاتىنىڭ ولشەمى قازىرگى ولشەم نەگىزىندە ادام باسىنا جىل سايىن 1200 يۋان جوعارىلاتىلعان. قۇربانداردىڭ قارتايعان ۇل – قىزدارىنا بەرىلەتىن تۇرمىستىق قوسىمشا قاراجاتى اي سايىن ادام باسىنا 390 يۋاننان 440 يۋانعا جوعارىلاتىلعان، بۇل جوعارىلاتىلعان ولشەم قاراجاتىن ورتالىق قازىنا كوتەرەدى.
شينجياڭ ۇيعۇر اۆتونوميالى رايوندىق قازىنا مەڭگەرمەسىنىڭ قاتىستى جاۋاپتى ادامىنىڭ تانىستىرۋىنشا، ءبىر ءبولىم قوسىننان شەگىنگەندەر مەن باسقا دا قامقورلىق جاسالاتىن وبيەكتىلەرگە بەرىلەتىن قامقورلىق قاراجاتىنىڭ ولشەمىن جوعارىلاتۋ جۇمىسى بۇرىنعى جىلدارى نەگىزىنەن 1 – قازاندا بولاتىن، بيىل جوعارىلاتۋ جۇمىسىن 1 – تامىزعا ىلگەرىلەتكەندەگى ماقسات قالىڭ جاۋىنگەرلەر مەن وتباسىنداعىلارعا جانە ارميادان شەگىنگەندەرگە «1 - تامىز» ارميا مەرەكەسى كەزىندە وزگەشە مەيىردى سەزىندىرۋ، پارتيا مەن ۇكىمەتتىڭ ارميادان شەگىنگەندەر مەن باسقا دا قامقورلىق وبيەكتىلەرىنە بولعان كوڭىل ءبولۋى مەن قامقورلىعىن جەتكىزۋ. بۇل جولعى جوعارىلاتىلعان 16 ميلليون يۋان قوسىمشا قاراجات اي سوڭىنان بۇرىن تاراتىلىپ بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved