بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

9 - كەزەكتى شينجياڭ اۋىل شارۋاشىلىق ونىمدەرىنىڭ بەيجيڭ جارمەڭكەسى بەيجيڭدە جابىلدى

شينجياڭ ەرەكشە اۋىل شارۋاشىلىق ونىمدەرى 417 ميلليون يۋاندىق ساتىپ الۋ زاكازىنا قول جەتكىزدى

2018.10.24 14:36     كەلۋ قاينارى : شينجياڭ گازەتى

  حالىق تورابى، 24 – قازان، بەيجيڭ. 22 – قازان 9 - كەزەكتى شينجياڭ اۋىل شارۋاشىلىق ونىمدەرىنىڭ بەيجيڭ جارمەڭكەسى بەيجيڭدەگى مەملەكەتتىك اۋىل شارۋاشىلىق كورمە سارايىندا اياقتالدى. وسى كەزەكتى جارمەڭكە 20 مىڭنان استام تۇتىنۋشىنى جانە ساتىپ الۋشى ساۋداگەردى باۋرادى، كورمە الاڭىندا ورىندالعان ساۋدا سوماسى 13 ميلليون 380 مىڭ يۋان، ساۋدا مولشەرى 254 توننا بولدى؛ 417 ميلليون يۋاندىق، 91 مىڭ 400 توننالىق ساتىپ الۋ تاپسىرىسىنا قول قويىلدى.

  وسى كەزەكتى ساۋدا جارمەڭكەسى «كورىكتى شينجياڭنىڭ ساپالى اۋىل شارۋاشىلىعى» دەگەندى نەگىزگى تاقىرىپ ەتكەن، شينجياڭنىڭ 14 ايماعىنان (وبلىس، قالا) جانە شينجياڭ ءوندىرىس - قۇرىلىس بيڭتۋانىنان كەلگەن 170 كاسىپورىن 8 ۇلكەن ءتۇر بويىنشا 147 سورتتى قامتىعان شينجياڭنىڭ ەرەكشە اۋىل شارۋاشىلىق ونىمدەرىن بەيجيڭ قالاسىنىڭ حالقىمەن جانە ساتىپ الۋشى ساۋداگەرلەرىمەن جۇزدەستىردى.

  شينجياڭ ۇيعۇر اۆتونوميالى رايوندىق اۋىل شارۋاشىلىعى مەڭگەرمەسى پارتگرۋپپاسىنىڭ شۋجيى جۋ گاڭ بىلاي دەپ تانىستىردى: وسى كەزەكتى ساۋدا جارمەڭكەسى − شينجياڭنىڭ بيىلعى «اۋىل شارۋاشىلىق ونىمدەرى بازارىن اشۋ» كەلەلى جەلىلەس قيمىلدارىنىڭ ءبىرى، جارمەڭكەگە قويىلعان ونىمدەردىڭ ءتۇرى مول بولۋمەن بىرگە، ساپاسى دا توتەنشە جاقسى، «زالالسىز ءونىم، جاسىل ازىقتىق، ورگانيكالى اۋىل شارۋاشىلىق ونىمدەرى جانە اۋىل شارۋاشىلىق ونىمدەرىنىڭ جاعراپيالىق بەلگىسى» كۋالىگىن العان ونىمدەر جارمەڭكەگە قاتىناسقان جالپى ءونىمنىڭ 90 پايىزىنان اسادى، شينجياڭنىڭ ماركالى اۋىل شارۋاشىلىق ونىمدەرى شوعىرلى ۇگىتتەلۋمەن بىرگە، شينجياڭنىڭ مول ساياحات بايلىعى مەن ەرەكشە اۋىل شارۋاشىلىق ونىمدەرى دە ۇگىتتەلدى، تانىستىرىلدى.

  ۇيىمداستىرۋ كوميسسياسى «شينجياڭ اۋىل شارۋاشىلىق ونىمدەرىنىڭ بەيجيڭ ساۋدا جارمەڭكەسى» ينتەرنەت تۇعىرىن جانە «كورىكتى شينجياڭنىڭ ساپالى اۋىل شارۋاشىلىعى» جەلىدەگى جارمەڭكە قولفون ابونت سيستەماسىن ارناۋلى ىسكە قوسىپ، جارمەڭكەگە كەلمەگەن تۇتىنۋشىلاردىڭ جارمەڭكە ينفورماتسياسىن ۇعىسۋى، ونىمدەردى «ءبىر بەكەتتە» ساتىپ الۋى ءۇشىن جاڭا ارنا اشتى. جارمەڭكە كەزىندە جارمەڭكەگە قاتىناسقان 300دەن استام كاسىپورىن ۋاكىلى ەلەكتروندى ساۋدا كۋرسىنا قاتىناسىپ، ساۋدا ەسەبىن جابۋ، زات جەتكىزۋدى ۇشتاستىرۋ سياقتى جۇمىستار بويىنشا تاربيەلەنىپ، ەلەكتروندى ساۋدا جۇمىسىن جۇرگىزۋ دەڭگەيىن ءوسىرىپ، جارمەڭكەگە قاتىناسۋ، جارمەڭكە وتكىزۋ ساپاسىن جوعارىلاتتى.

  تانىستىرۋعا قاراعاندا، اۋىل شارۋاشىلىعى، اۋىل - قىستاق مينيسترلىگىنىڭ، بەيجيڭ قالالىق حالىق ۇكىمەتىنىڭ پارمەندى قولداۋىندا، شينجياڭ اۋىل شارۋاشىلىق ونىمدەرىنىڭ بەيجيڭ جارمەڭكەسى قازىرگە دەيىن 8 كەزەك ءساتتى وتكىزىلىپ، ساۋدا كەلىسىم سوماسى 60 ميلليارد يۋاننان اسىپ، شينجياڭنىڭ اۋىل شارۋاشىلىعىنىڭ دامۋىن ۇگىتتەۋ، ايگىلەۋ، اۋىل شارۋاشىلىق ونىمدەرىنىڭ اينالىمىن جانداندىرۋ، ساۋدا سەلبەستىگىن جەبەۋ سياقتى جاقتاردا ماڭىزدى رول اتقارعان.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار