«جاسىل جىبەك جولىن بىرگە سالىپ، كورىكتى شينجياڭ قۇرايىق» اتىنداعى جوعارى دارەجەلى تالقى مىنبەرى ۇرىمجىدە وتكىزىلدى
2018.10.29 13:29 كەلۋ قاينارى : ءتاڭىرتاۋ تورابى
ءتىلشىمىز لي ياڭ 10 - ايدىڭ 27 - كۇنى ۇرىمجىدەن حابارلايدى. 10 - ايدىڭ 27 - كۇنى تۇستەن بۇرىن «جاسىل جىبەك جولىن بىرگە سالىپ، كورىكتى شينجياڭ قۇرايىق» اتىنداعى جوعارى دارەجەلى تالقى مىنبەرى جۇڭگو عىلىم اكادەمياسىنىڭ شينجياڭنىڭ ەكولوگياسىن جانە جاعراپياسىن زەرتتەۋ ورنىندا وتكىزىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين تالقى مىنبەرىنىڭ اشىلۋ سالتىنا قاتىناستى جانە ءسوز سويلەدى. جۇڭگو عىلىم اكادەمياسىنىڭ ورىنباسار باستىعى، اكادەميك جاڭ ياپيڭ، جۇڭگو عىلىم اكادەمياسىنىڭ اكادەميكتەرى چين داحى، چىن فاحۋ تالقى مىنبەرىنە قاتىناستى.
باس شۋجي شي جينپيڭ ورتاعا قويعان «ءبىر بەلدەۋ، ءبىر جول» باستاماسىن، «جاسىل جىبەك جولىن» سالۋ تالابىن دايەكتىلەندىرۋ، تياناقتاندىرۋ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ، كورىكتى شينجياڭ قۇرۋعا قۇلشىنۋ ءۇشىن، وسى رەتكى تالقى مىنبەرى جۇڭگو عىلىم اكادەمياسىنىڭ اكادەميكتەرى، رايونىمىز ءىشى - سىرتىنداعى مامان - وقىمىستىلار قاتارلىلاردى ۇسىنىس ەتىپ، نازاردى شينجياڭنىڭ سۋ بايلىعىن جايعاستىرۋ جانە جاسىل القاپتى جوعارى ءونىمدى باسقارۋ، شولەيتتەنۋدەن ساقتانۋ جانە ونى جونگە سالۋ، سونداي - اق ويراندالعان ەكولوگيالىق جۇيەنى قالپىنا كەلتىرۋ، قۋاڭ ءوڭىردىڭ بايلىعىن اشۋ جانە كاسىپ سالالاندىرۋدان ۇلگى كورسەتۋ، اۋىل - قىستاقتاردى گۇلدەندىرۋ جانە باياندى دامۋ سياقتى نەگىزگى تاقىرىپتارعا ۇسىنىس بەرىپ، ءجون كورسەتۋگە شوعىرلاندىردى.
كەڭەسكە قاتىناسقان مامان - وقىمىستىلارعا اۆتونوميالى رايوندىق پارتكومنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، «كەشەندى شارالاردى» ويداعىداي اتقارىپ، ورنىقتىلىق، دامۋ ىستەرىن ىلگەرىلەتۋدە قول جەتكىزگەن تابىستارىن تانىستىرعاننان كەيىن، لي پىڭشين مىنانى اتاپ كورسەتتى: شينجياڭ − ەلىمىزدىڭ باتىس سولتۇستىگىندەگى ماڭىزدى حاۋىپسىزدىك قورعانى، شىعىسپەن بىرلەسىپ باتىسقا شىعاراتىن كۇرە جول، جىبەك جولى ەكونوميكالىق بەلدەۋى وزەكتى رايونى، شينجياڭ قىزمەتى پارتيا مەن مەملەكەت قىزمەتىنىڭ جالپى تۇلعاسىندا ەرەكشە ماڭىزدى ستراتەگيالىق ورىن الادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم باس شۋجي شي جينپيڭنىڭ ماڭىزدى سوزدەرىنىڭ جانە ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ قىزمەتىن باستان - اياق كورنەكتى ورىنعا قويىپ، تۇنىق سۋ، جاسىل تاۋ − باعالى بايلىق، اق قار، كوك مۇز دا باعالى بايلىق ۇستانىمىن بەرىك ورناتىپ، دامۋ مەن قورعاۋدىڭ قاتىناسىن دۇرىس ءبىر جاقتى ەتىپ، ەكونوميكالىق دامۋ باياۋىراق بولسا بولسىن، استە ەكولوگيالىق ورتانى بۇلدىرمەۋگە تاباندى بولىپ، ءوندىرىسى دامىعان، تۇرمىسى باي، ەكولوگياسى جاقسى وركەنيەتتى دامۋ جولىنان اۋىتقىماي، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىندى. بيىل اۆتونوميالى رايون تۇتاس رايوننىڭ ەكولوگيالىق ورتاسىن قورعاۋ ءماجىلىسىن اشىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تياناقتاندىرىپ، شينجياڭنىڭ ەكولوگيالىق ورتاسىن قورعاۋ قىزمەتىندە ءدوپ كەلگەن جاعداي مەن مىندەتكە مۇقيات تالداۋ جاسادى جانە زەرتتەدى، سونداي - اق لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل ويداعىداي جۇرگىزىپ، ەكولوگيالىق قىزىل سىزىقتى، تومەنگى شەكتى قاتاڭ ساقتاپ، ەكولوگيانى قورعاۋدى، قالپىنا كەلتىرۋدى كۇشەيتىپ، جاسىل دامۋدى جاپپاي ىلگەرىلەتۋ قاتارلى جاقتارداعى قىزمەتتەرگە ورنالاستىرۋ جاسادى. قىزمەت تەبىنىن ءۇرتىس ارتتىرۋ ارقىلى شينجياڭنىڭ ەكولوگيالىق ورتا جاعدايى كورنەكتى وڭالىپ، ساپاسى كورنەكتى جاقساردى.
لي پىڭشين مىنانى ءبىلدىردى: شينجياڭنىڭ ەكولوگيالىق وركەنيەت قۇرىلىسىنىڭ جاڭا باسقىشقا قادام تاستاۋىن ىلگەرىلەتۋدە جۇڭگو عىلىم اكادەمياسىن قامتىعان عىلمي زەرتتەۋ ورگاندارىنىڭ جانە قالىڭ عىلىم - تەحنيكا قىزمەتكەرلەرىنىڭ، ءار سالا ماماندارى مەن وقىمىستىلارىنىڭ كۇش سالا قولداۋىن قاجەت ەتەدى. قالىڭ عىلىم - تەحنيكا قىزمەتكەرلەرىنىڭ، ءار سالا ماماندارى مەن وقىمىستىلارىنىڭ، اكادەميكتەردىڭ وسى رەتكى تالقى مىنبەرىن وراي ەتىپ، تالقى مىنبەرى جەتىستىكتەرىنىڭ شينجياڭدا تەرەڭ تامىر تارتۋىن بەلسەنە ىلگەرىلەتىپ، بارلىق عىلمي زەرتتەۋ ناتيجەلەرى مەن قولدانىلمالى تەحنيكالاردان تولىق پايدالانىپ، ەكولوگيالىق وركەنيەت قۇرىلىسىن ىلگەرىلەتۋدە ءدوپ كەلىپ وتىرعان قيىنشىلىقتار مەن سايىستاردى شەشىپ، ەكولوگيالىق وركەنيەت قۇرىلىسىنا پارمەندى تەحنيكالىق جانە اقىل - پاراساتتىق قولداۋ كورسەتۋىن ءۇمىت ەتەمىن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
