ەرەكشە بالىق شارۋاشىلىعىن دامىتىپ، كەدەيلىكتەن ارىلتۋدىڭ تىڭ جىرىن جازدى
2018.10.29 13:30 كەلۋ قاينارى : ءتاڭىرتاۋ تورابى
كەدەيلىكتەن ارىلتۋدان قامال الۋدا رايونىمىزدىڭ جەر - جەرى شارۋاشىلىقتى دامىتۋ ارقىلى ەگىنشى - مالشىلاردىڭ ءبىر توبىن كەدەيلىكتەن قۇتىلدىردى، مۇنىڭ ىشىندە، كەي جەرلەر وزىندىك ارتىقشىلىققا سۇيەنىپ، ەرەكشە بالىق شارۋاشىلىعىن دامىتىپ، جەرگىلىكتى كەدەي ەگىنشى - مالشىلاردى كەدەيلىكتەن ارىلۋعا باستادى.
بۋرىلتوعاي: «ساياحات + بالىق شارۋاشىلىعى» كەدەيلىكتەن ارىلتۋعا دەم بەردى
10 - ايدىڭ 22 - كۇنى تاڭەرتەڭ تولايىم ساتۋشى جاڭ حايجياڭ ەرتەلەتە بۋرىلتوعاي اۋدانى رۇيشۋە بالىق شارۋاشىلىعى ەكولوگيالىق ساياحات ساياجايىنا باردى، ول سۋدان ەندى شىعارىلعان سۋىق سۋ بالىعىن اۋدان قالاشىعىنداعى بالىق اسحاناسىنا تاسىپ اپارماق. ونان ءسال ىلگەرى، بالىقشى ۋاڭ باۋجۋ كاسىپتەستەرىمەن بىرگە قايىققا وتىرىپ، وتكەن ءتۇنى قۇرعان اۋدى جيناپ، سۋىق سۋ بالىقتارىن الىپ قايتقان بولاتىن.
«قازىر كۇنىنە 2 توننا سۋىق سۋ بالىعىن اۋلايمىز، كوپ اۋلاساق، جىل اياعىنداعى ۇلەس پايدامىز دا مول بولادى»، - دەدى ۋاڭ باۋجۋ.
«2010 - جىلى حىنانداعى اۋىلىمنان بۋرىلتوعايعا كەلىپ، بالىق شارۋاشىلىعى بازاسىنان جۇمىس تاپتىم، ايىنا 4000 يۋان كىرىس كىرگىزدىم. 4 جىلدان كەيىن جارنا قوستىم، ءار جىلى ۇلەس پايدا الامىن»، - دەدى ۋاڭ باۋجۋ جايراڭداپ.
بۇگىنگى كۇندە، رۇيشۋە بالىق شارۋاشىلىعى ەكولوگيالىق ساياحات ساياجايىندا ۋاڭ باۋجۋ سياقتى تۇراقتى جۇمىسى بار تاعى 70 نەشە ادام بار، ولاردىڭ اراسىندا كەدەي جاندار دا، مۇگەدەكتەر دە بار.
ەرەكشە بالىق شارۋاشىلىعى بۋرىلتوعاي اۋدانىنداعى ەڭ كومەسكى قۋاتقا يە ەرەكشە شارۋاشىلىققا اينالدى. بۋرىلتوعاي اۋدانى «ساياحات + بالىق شارۋاشىلىعى» توعىسا دامۋىن جىلدام ىلگەرىلەتىپ، سول ارقىلى كەدەيلىكتەن ارىلتۋدان قامال الۋدا ناقتى ناتيجەلەرگە جەتتى. قازىر بۇكىل اۋداندا بالىق شارۋاشىلىعى وندىرىسىمەن شۇعىلداناتىن 1200دەن استام ادام بار، جانامالاي 2000نان استام ادامنىڭ جۇمىسقا ورنالاسۋىنا وراي تۋدىردى، ولاردىڭ اراسىندا كەدەي بۇقارا بەستەن ءبىر ۇلەستى ۇستايدى.
باعراش: كەدەي وتباسىلارىنىڭ كەدەيلىكتەن ارىلۋىنا كەپىلدىك بار
10 - ايدىڭ 23 - كۇنى تۇستە باعراش اۋدانى لاۋحوۋتان قىسقىش شايان باقشاسىنىڭ جاۋاپتىسى ۋاڭ جىگاڭ تورمەن قىسقىش شايان اۋلاۋدا.
ۋاڭ جىگاڭ بىلاي دەدى: «بىلتىر 6 - ايدا مەن قىسقىش شايان شاباقتارىن شاشتىم، قازىر قىسقىش شاياندارىنىڭ كىشكەنەسى 150 گرام، ۇلكەندەرى 300 گرام تارتادى».
بيىل 8 - ايدا ۋاڭ جىگاڭنىڭ قىسقىش شاياندارى بازارعا شىعارىلىپ، كورلا قالاسى مەن ءۇرىمجى قالاسىنا ساتىلۋدان تىس، بەيجيڭ، شاڭحاي، جىجياڭ، چۇڭچيڭ سياقتى جەرلەرگە دە ساتىلىپ، تازا كىرىسى ءبىر ميلليون يۋاننان استى.
بۇگىنگى كۇندە، ۋاڭ جىگاڭ قىسقىش شايان باقشاسىنان شارۋالار شاتتىعى ساياجايىن دا اشتى. الدىمەن بايىعان ول ماڭايىنداعى بالىقشىلاردى بىرگە بايۋعا باستادى. بيىل قىسقىش شايان اۋلاۋ مەزگىلىندە، ول جەرگىلىكتى اۋىل - قىستاقتاعى 25 ارتىق ەڭبەككۇشتى جۇمىسقا جالدادى، 3 اي ىشىندە ءار ادامنىڭ كىرىسى 15 مىڭ يۋانعا جەتتى، ونىڭ شارۋالار شاتتىعى ساياجايى تاعى 6 كەدەي وتباسىنداعى ەڭبەككۇشتى جۇمىسقا الدى.
سوڭعى جىلدارى، باعراش اۋدانى بالىق ءوسىرۋ، اۋلاۋ مەن ەكولوگيالىق ساياحاتتى ۇشتاستىرىپ، باعراش كولىنىڭ ەكولوگيالىق ساياحاتىن قارىشتاپ دامىتتى. ۇكىمەتتىڭ جەتەكشىلىگىندە، بالىق شارۋاشىلىعى باعىمشىلىق كووپەراتيۆى، شارۋالار شاتتىعى ساياجايى سياقتىلار ەڭبەك قۋاتى بار كەدەي وتباسىلارىن الدىمەن جۇمىسقا ورنالاستىرىپ، كەدەي وتباسىلارىنىڭ دامۋىن كەپىلدىككە يە ەتىپ، بايۋعا جول اشتى.
سانجى قالاسى: كەدەيلىكتەن ارىلىپ، كىرىستى ارتتىرۋ جولىن كەڭەيتتى
10 - ايدىڭ 20 - كۇنى سانجى قالاسى ليۋگۇڭ قالاشىعى شياسانگۇڭ قىستاعىنداعى باعىمشى چىڭ لياڭ ءوزى وسىرگەن سۋشاياننىڭ ەڭ سوڭعى ءبىر توبىن ساتىپ بولعاننان كەيىن، كولشىككە سۋ قۇيىپ، زبەست سەۋىپ، زارارسىزداندىرۋ جانە جوندەۋ شارالارىن اتقارىپ، كەلەسى جىلعى باعىمشىلىققا دايىندالدى. بيىل ول 10 بالىق كولشىگىن كوتەرمەگە الىپ، وڭتۇستىك امەريكانىڭ اق سۋشايانىن ءوسىرىپ، پايدا تاپتى.
6 جىلدىڭ الدىنداعى 2 كولشىكتەن قازىرگى 10 كولشىككە دەيىن، چىڭ لياڭ وسىرگەن وڭتۇستىك امەريكانىڭ اق سۋشايانى سانجى، ءۇرىمجى، قارامايلى، قۇمىل سياقتى قالالارداعى تۇرعىنداردىڭ داستارقانىنا شىعارىلدى. كىمدە - كىم چىڭ لياڭنان وڭتۇستىك امەريكا اق سۋشايانىن ءوسىرۋ تەحنيكاسى تۋرالى كەڭەس سۇراسا، ول بۇكپەسىز ۇيرەتىپ، جەتەكشىلىك ەتەدى. ول وڭتۇستىك امەريكانىڭ اق سۋشايانىن ءوسىرۋ ارقىلى ءتىپتى كوپ ادامنىڭ كەدەيلىكتەن ارىلىپ، بايۋىنا جەتەكشىلىك ەتۋدى، سونىمەن بىرگە، كاسىپ قالىپتاستىرىپ، بازاردى ونان ارى ۇلعايتۋدى ءۇمىت ەتەدى.
بيىل سانجى قالاسى بالىق شارۋاشىلىعىنىڭ تۇرلەنۋى مەن جاڭارۋىن كۇش سالا سومدادى، قازىر بۇكىل قالاداعى سەيىل - سەرۋەندىك بالىق شارۋاشىلىعى تيجارات ورنى 32گە، جەكە تيجارات بالىق شارۋاشىلىعى 100گە، بالىق شارۋاشىلىعى كووپەراتيۆى 22گە جەتىپ، سۋ ونىمدەرىن اقاۋسىز وسىرۋدەن ۇلگى كورسەتۋ فەرماسىنان 20سىن قۇرىپ، نەشە مىڭ ادامنىڭ ورنىقتى جۇمىسقا ورنالاسۋىنا جەتەكشىلىك ەتىپ، كەدەي بۇقارانىڭ كىرىستى ارتتىرۋ جولىن كەڭەيتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
