شينجياڭ لاڭكەستىك پەن ۇشقارىلىقتىڭ تامىرىنا بالتا شابۋ جاعىندا ىزدەنىس جاسادى
اسىلگى تاقىرىبى: لاڭكەستىك پەن ۇشقارىلىقتى تۇبىرىنەن جويۋ ءۇشىن قاينارىنان باستاپ جونگە سالۋ كەرەك
2018.11.01 11:14 كەلۋ قاينارى : حالىق تورابى
لاڭكەستىك پەن ۇشقارىلىق ادامزات وركەنيەتىنىڭ ورتاق جاۋى، حالىقارالىق قوعامنىڭ دا ورتاق جاۋى.
الدىڭعى عاسىردىڭ 90 – جىلدارىنان بەرى، شەكارانىڭ ءىشى – سىرتىنداعى «ءۇش ءتۇرلى كۇش» (ۇلتتىق بولشەكتەۋشى كۇش، ءدىني ۇشقارى كۇش، زورلىقتى لاڭكەستىك كۇش) جۇڭگونىڭ شينجياڭ وڭىرىندە ءبىرقىدىرۋ زورلىقتى كۇش لاڭكەستىك وقيعالارىن جوسپارلادى جانە ۇيىمداستىرىپ جۇرگىزدى. بۇل زورلىقتى لاڭكەس ەلەمەنتتەردىڭ كىسىنى تۇرشىكتىرەتىن قىلمىستىق ارەكەتتەرى شينجياڭنىڭ تىنىش تا بەرەكەلى ءتارتىبىن، ىنتىماقتاسا العا باسۋ جاعدايىن اۋىر دارەجەدە ءبۇلدىرىپ قالماستان، شينجياڭداعى ءار ۇلت حالقىنىڭ ءومىر ءسۇرۋ ۇقىعى، سالاماتتىق ۇقىعى، مال – مۇلىك ۇقىعى جانە دامۋ ۇقىعى سىندى نەگىزدىك كىسىلىك ۇقىقتارىن قيسىنسىز تۇردە اياققا تاپتادى.
لاڭكەستىككە قارسى كۇرەس جاعدايىنىڭ كۇردەلى دە قاتاڭ بولۋى مەن ءار ۇلت بۇقاراسىنىڭ زورلىقتى كۇش لاڭكەستىك قىلمىستارىنا قاتاڭ سوققى بەرۋدى شۇعىل تالاپ ەتكەن كۇشتى ۇندەۋىنە باعىتتاي وتىرىپ، جۇڭگو ۇكىمەتى قاتاڭ شارالاردى باتىل اتقارىپ، زورلىقتى كۇش لاڭكەستىك قىلمىستارىنان زاڭ بويىنشا قاتاڭ ساقتاندى ءارى وعان قاتاڭ سوققى بەردى، لاڭكەستىككە قارسى تۇرىپ، ورنىقتىلىقتى ساقتاۋ كۇرەسىندە كەلەلى كەزەڭدىك جەتىستىكتەرگە قول جەتكىزدى، باياندى تىنىشتىققا كەسىرى تيەتىن تۇپكىلىكتى ماسەلەلەردى تۇبىرىنەن شەشىم ەتۋگە تاماشا نەگىز قالادى.
2016 – جىلى جەلتوقسان ايىندا، بىرىككەن مەملەكەتتەر ۇيىمىنىڭ سول كەزدەگى باس حاتشىسى «زورلىقتى كۇش لاڭكەستىك ارەكەتتەرىنەن ساقتانۋ جوسپارى» دەگەن بايانداماسىندا مىنالاردى ايقىن اتاپ كورسەتكەن: وتكەن 10 جىل ىشىندە، حالىقارالىق قوعام لاڭكەستىكتى وربىتەتىن شارت – جاعدايلاردى تۇبىرىنەن جويۋعا ۇنەمى نەمقۇرايدى قاراپ كەلدى، زورلىقتى كۇش لاڭكەستىك ارەكەتىنەن ساقتانۋدا، ءسوزسىز، توتەپ بەرۋ شارالارىن كەڭەيتىپ، ەرتە باستان ارەكەتكە كەلىپ، زورلىقتى كۇش لاڭكەستىك ارەكەتىنە اپارىپ سوقتىراتىن فاكتورلاردى جويۋ جاعىندا قاجىماي -تالماي كۇرەس جۇرگىزۋ كەرەك دەگەن ۇسىنىس بەرەمىز.
لاڭكەستىك پەن ۇشقارىلىقتى تۋدىراتىن سەبەپتەر مەن ونىڭ استارى وتە كۇردەلى، كەدەيلىك — وسىلاردىڭ ىشىندەگى باستى فاكتورلاردىڭ ءبىرى. لاڭكەستىك جاعدايىنىڭ اۋىر جانە كۇردەلى بولۋى جونىندە كوپتەگەن ەلدەردىڭ ساياسي قايراتكەرلەرى، حالىقارالىق ۇيىمداردىڭ باسشىلارى كەدەيلىكتى جويۋ ارقىلى وشپەندىلىك پەن زورلىقتى كۇش قىلمىستارىنان ساقتانۋعا، لاڭكەستىكتىڭ تامىرىنا بالتا شابۋعا ۇندەۋ تاستاعان بولاتىن.
حالىقارالىق قوعامنىڭ لاڭكەستىككە قارسى تۇرۋ تاجىريبەلەرىنەن ۇلگى الا وتىرىپ، جۇڭگو جۋىرداعى جىلداردان بەرى ءىس جۇزىندىك جاعدايدى نەگىز ەتە وتىرىپ، لاڭكەستىك پەن ۇشقارىلىقتى تۋدىراتىن شارت – جاعدايلاردى تۇبىرىنەن جويۋ جاعىندا ءونىمدى ىزدەنىستەر جاسادى. شينجياڭ كاسىپتىك - تەحنيكالىق جاقتان تاربيەلەۋ مەن جەتىلدىرۋ قىزمەتىن زاڭ بويىنشا ورىستەتتى، مۇنداعى ماقسات: لاڭكەستىك پەن ۇشقارىلىقتى تۋدىراتىن ورتا مەن توپىراقتى تۇبىرىنەن الاستاۋ بولىپ تابىلادى. شينجياڭدا اۋدان دارەجەلىدەن جوعارى ءىشىنارا ۇكىمەت تاراۋلارى كاسىپتىك -تەحنيكالىق جاقتان تاربيەلەۋ جانە جەتىلدىرۋ ورتالىقتارىن اشىپ، لاڭكەستىك پەن ۇشقارىلىقتىڭ ىقپالىنا ۇشىراعان، قىلمىستىق ارەكەت كۇمانىن تۋدىرعان، دەگەنمەن كىناسى جەڭىل بولعان، زاڭ بويىنشا قىلمىستىق ءىس جازاسىنا ۇكىم ەتۋ قاجەتتى بولماعان نەمەسە قىلمىستىق ءىس جازاسى كەشىرىم ەتىلگەن تاربيەلەنۋشىلەردىڭ مەملەكەتتىڭ ورتاق ءتىلىن، زاڭىن جانە قىزمەت ونەرىن ۇيرەنۋىنە كومەكتەسۋ، ولاردىڭ قالىپتى قوعامدىق تۇرمىسقا قايتا ورالۋىنا جەبەۋشى بولۋ. ءامالياتتا راستالعانىنداي، بۇل شارالار شينجياڭنىڭ جاعدايىن ورنىقتىرۋدا شەشۋشى رول اتقاردى.
قازىرگى تاڭدا، شينجياڭ ءىس جۇزىندىك جاعدايعا نەگىزدەلە وتىرىپ، «ءبىر جاعىنان سوققى بەرىپ، ءبىر جاعىنان ساقتانىپ»، زورلىقتى كۇش لاڭكەستىك قىلمىستارىنا سوققى بەرۋ مەن كىسىلىك ۇقىققا كەپىلدىك ەتۋدى ۇشتاستىرىپ، ءبىر جاعىنان، از ساندى اۋىر زورلىقتى كۇش لاڭكەستىك قىلمىستارىنا زاڭ بويىنشا قاتاڭ سوققى بەرىپ، ازاماتتاردىڭ نەگىزدىك كىسىلىك ۇقىعىنىڭ لاڭكەستىك پەن ۇشقارىلىقتىڭ زيانداۋىنا ۇشىراماۋىنا ەڭ جوعارى دەڭگەيدە كەپىلدىك ەتتى؛ ءبىر جاعىنان، قاينارىنان باستاپ وڭالتۋدى قانات جايدىرىپ، كومەكتەسىپ -تاربيەلەۋ قىزمەتى ارقىلى زاڭعا جەڭىل دارەجەدە قايشىلىق جاساۋ قىلمىستىق ارەكەتىن وتكىزگەن مۇلدە كوپ سانداعى ادامداردى ىنتىماققا شاقىرىپ، تاربيەلەپ، اراشالاپ، ولاردىڭ لاڭكەستىك پەن ۇشقارىلىقتىڭ زيانكەستىگىنە ۇشىراۋشىلار نەمەسە قۇرباندىعى بولۋىنان ساقتاندى.
شينجياڭنىڭ ءامالياتى: لاڭكەستىك پەن ۇشقارىلىقتى تۇبىرىنەن جويۋدا قىلمىس وتكىزگەننەن كەيىن قىلمىستىق ءىس بويىنشا جازالاۋ عانا قاجەتتى بولىپ قالماستان، قىلمىس وتكىزۋدەن بۇرىن ساقتانۋعا دا نازار اۋدارۋ قاجەت ەكەنىن دالەلدەدى. قازىرگى تاڭدا، شينجياڭدا جالپى اۋقىم ورنىقتى، جاعداي مەڭگەرىلگەن، بەتالىس جاقسارىپ كەلەدى، 21 اي بويى زورلىقتى كۇش لاڭكەستىك دەلوسى تۋىلمادى، ءار ۇلت بۇقاراسىنىڭ حاۋىپسىزدىك سەزىمى كورنەكتى كۇشەيدى. شينجياڭداعى ءار ۇلت حالقىنىڭ قول جەتكىزۋ سەزىمى، باقىتتى سەزىنۋى، حاۋىپسىزدىك سەزىمى ۇزدىكسىز كۇشەيەتىنىنە سەنىمىمىز كامىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
