مەملەكەتتىك اۋىل شارۋاشىلىق ونىمدەرىن ءوندىرۋ مەن ساتۋدى ۇشتاستىرۋ ساپارىنىڭ شينجياڭ بەكەتى قيمىلى حوتاندا باستالدى
العاشقى بەكەتتە 580 ميلليون يۋاندىق توقتام جاسالدى
2018.11.01 16:00 كەلۋ قاينارى : ءتاڭىرتاۋ تورابى
ءتىلشىمىز ما ينيڭ 10 - ايدىڭ 30 - كۇنى حوتاننان حابارلايدى. 10 - ايدىڭ 30 - كۇنى ساۋدا مينيسترلىگىنىڭ بازار قۇرىلىس مەكەمەسى مەن اۆتونوميالى رايوندىق ساۋدا مەڭگەرمەسى وتكىزگەن «2018 - جىلعى مەملەكەتتىك اۋىل شارۋاشىلىق ونىمدەرىن ءوندىرۋ مەن ساتۋدى ۇشتاستىرۋ ساپارىنىڭ شينجياڭ بەكەتى (جۇڭگو ساتىپ الۋشى ساۋداگەرلەردىڭ تيانشان ساپارى) قيمىلى» حوتاندا باستالدى. قيمىلدىڭ نەگىزگى ماقساتى − اۋىل شارۋاشىلىق ونىمدەرىن ءوندىرۋ مەن ساتۋدى ۇشتاستىرۋ قىزمەتىن اناعۇرلىم كۇشەيتىپ، شينجياڭنىڭ جاسىل، ساپالى، ەرەكشە اۋىل شارۋاشىلىعى ونىمدەرىنىڭ بۇكىل ەلگە بەت الۋىن ىلگەرىلەتىپ، اۋىل - قىستاقتى گۇلدەندىرۋ مەن كەدەيلىكتەن ارىلتۋدان قامال الۋعا دەم بەرۋ.
بۇل رەتكى قيمىلدا شوعىرلى تۇردە كورمەگە قويۋ، ارناۋلى تانىستىرۋ، اتىز باسىمەن ۇشتاستىرۋ، اقىلداسىپ ساتىپ الۋ ءبىر تۇلعالاندىرىلدى، ۇشتاستىرۋ تۇعىرلارىن جاپپاي قۇرىپ، اينالىم بۋىندارىن ازايتۋعا كۇش سالىپ، شارۋالار مەن ساۋداگەرلەردى جاقىنداستىردى، ءوندىرۋ مەن ساتۋدى ۇشتاستىرۋدىڭ باياندى مەحانيزمىن قۇرىپ، اۋىل شارۋاشىلىق ونىمدەرى بازارىنىڭ ىقپالىن ارتتىرىپ، اۋىل شارۋاشىلىق ونىمدەرىن ساتۋدىڭ ارناسىن كەڭەيتتى.
حوتان ايماعى 200دەن ارتىق كاسىپورىن، كاسىپتىك سەلبەستىك كووپەراتيۆ جانە ەگىنشىلىك، باعىمشىلىق، ءوندىرىس، مانەرلەۋ بازاسى قاتارلىلاردى جينالىسقا، كورمەگە قاتىناسۋعا ۇيىمداستىردى. حوتان ايماعىندا وتكىزىلگەن ەرەكشە اۋىل شارۋاشىلىعى ونىمدەرى كورمە زالىندا ولشەمدى كورمە ورنىنان 140ىن قۇرىپ، حوتاننىڭ شىلانى، جاڭعاعى، ءتۇرلى كوكونىس، اتىلاس جەلىلەس ونىمدەرى، كيىم - كەشەك سياقتى 31 ءتۇرلى ءونىم كورمەگە قويىلدى.
قيمىلعا ەلىمىزگە تانىمال اۋىل شارۋاشىلىق ونىمدەرى توپ ساتۋ بازارىنىڭ (توپ ساتۋ ساۋداگەرلەرى)، شيكى ءونىم ەرەن بازارى، اۋىل شارۋاشىلىق ونىمدەرى ەلەكتروندى ساۋدا تۇعىرى، اس - سۋ، اۋىل شارۋاشىلىق ونىمدەرىن مانەرلەۋ كاسىپورنى سياقتىلاردان 61 ساتىپ الۋ ساۋداگەرلەرىن ۇسىنىس ەتتى، ولار جەرگىلىكتى كاسىپورىندارمەن ۇزاق ۋاقىتتىق تۇراقتى ءوندىرۋ - ساتۋ بايلانىسىن ورناتىپ، اۋىل شارۋاشىلىعى ونىمدەرىنىڭ بازارعا شىعۋ ارناسىن ىركىلىسسىزدەندىرىپ، كەدەيلىكتەن ارىلتۋدان قامال الۋدى جەبەدى.
سول كۇنى 29 ساتىپ الۋ ساۋداگەرى حوتانداعى كاسىپورىندارمەن توقتام جاساستى، توقتام سوماسى 580 ميلليون يۋانعا جەتتى. اۆتونوميالى رايوندىق ساۋدا مەڭگەرمەسىنىڭ ورىنباسار باستىعى جوۋ چياڭ بىلاي دەدى: جۋىق جىلداردان بەرى، شينجياڭ اۋىل شارۋاشىلىق ونىمدەرىن ءوندىرۋ مەن ساتۋدى ۇشتاستىرۋدى ۇزدىكسىز كۇشەيتىپ، اۋىل شارۋاشىلىق ونىمدەرى بازارىن كەڭەيتۋ قىزمەتىن ۇزدىكسىز ىشكەرىلەي ىلگەرىلەتتى. اسىرەسە، ساۋدا مينيسترلىگىنىڭ، شينجياڭعا باعىتتامالى كومەكتەسەتىن ولكە - قالالاردىڭ زور كۇشپەن قولداۋىنىڭ ارقاسىندا، شينجياڭنىڭ اۋىل شارۋاشىلىق ونىمدەرىنىڭ اينالىمعا ءتۇسۋى ۇزدىكسىز جاندانىپ، ساۋدا سەلبەستىگى جانە ساۋدا كەڭەسى ۇزدىكسىز تەرەڭدەپ، شينجياڭ اۋىل شارۋاشىلىق ونىمدەرىنىڭ تانىمالدىلىعىن جانە ىقپالىن جوعارىلاتتى. شينجياڭنىڭ اۋىل شارۋاشىلىق ونىمدەرىن تۇتىنۋشىلار قانىق ءبىلىپ، ەل ءىشى - سىرتىنداعى ساتىپ الاتىن ساۋداگەرلەردى باۋراپ، ايگىلى ماركا ىقپالى كۇن سايىن ارتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
