بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

«جاڭاشا بولشەك ساتۋ» ەرەكشە اۋىل شارۋاشىلىق ونىمدەرىن شينجياڭنىڭ سىرتىندا ساتۋ تۇيىندەرىن كوبەيتتى

2018.11.13 16:36     كەلۋ قاينارى : حالىق تورابى

  حالىق تورابى، 11 – ايدىڭ 13 – كۇنى، بەيجيڭ. 11- ايدا شينجياڭعا قىس كىردى، ۋحان، گۋاڭجوۋ سياقتى جەرلەردە اقسۋدىڭ الماسى، كورلانىڭ المۇرتى قاتارلى شينجياڭنىڭ ەرەكشە اۋىل شارۋاشىلىق ونىمدەرىنىڭ بازارى كۇسەت بولىپ، ەلىمىزدىڭ جەر - جەرىندەگى، ءتىپتى، دۇنيە ءجۇزىنىڭ جەر - جەرىندەگى ساپالى اۋىل شارۋاشىلىق ونىمدەرىمەن بىرگە داستارقان تورىنە قويىلدى، تولىق سەنىمى مەن باۋراعىشتىعىن ايگىلەدى.

  شينجياڭنىڭ ەرەكشە اۋىل شارۋاشىلىق ونىمدەرىنىڭ قىس مەزگىلىندە ەل ءىشى بازارىندا ءوتىمدى بولۋىن وزىندىك ساپاسى جاعىنان تۇتىنۋشىلاردىڭ القاۋىنا يە بولۋدان سىرت، ەرەكشە اۋىل شارۋاشىلىق ونىمدەرىن شينجياڭنىڭ سىرتىندا ساتۋ تورى قۇرىلىسىنان بولە قاراۋعا بولمايدى. بۇگىنگى كۇندە «جاڭاشا بولشەك ساتۋ» ۇلگىسىنىڭ تىرەك بولۋىندا، ىشكى جەرلەردە شينجياڭنىڭ ەرەكشە اۋىل شارۋاشىلىق ونىمدەرىن وزدەرى تۇرعان الەۋمەتتىك اۋماقتان ساتىپ الاتىن تۇتىنۋشىلار بارعان سايىن كوبەيە ءتۇستى.

  گۋاڭجوۋ قالاسىنىڭ تۇرعىنى ليۋ شىلين قۋانا بىلاي دەدى: «بۇرىن دوستارىما شينجياڭنان شىلان جىبەرىپ بەرۋدى تاپسىراتىنمىن، كەيىن توراپتان ساتىپ الاتىن بولدىق، ودان جاقىن ماڭداعى ەرەن بازاردا ساتىلدى، ال، قازىر الەۋمەتتىك اۋماقتىڭ وزىنەن تابىلادى، توتەنشە قولايلى بولدى».

  الەۋمەتتىك اۋماقتارعا جەتكىزىلىپ، ساتۋداعى ەڭ سوڭعى ءبىر كيلومەتر تۇتاستى

  گۋاڭجوۋ قالاسىنىڭ تۇرعىنى ليۋ شىلين سەزىنگەن وزگەرىستەر «جاڭاشا بولشەك ساتۋ» ۇلگىسىنىڭ جالپىلاستىرىلۋىنىڭ ناتيجەسى، بۇل شينجياڭ جەمىس - جيدەك كاسىبى توبىنىڭ شينجياڭنىڭ ەرەكشە اۋىل شارۋاشىلىق ونىمدەرىن ساتۋ ارناسىن كەڭەيتۋ جاعىنداعى ءتيىمدى ىزدەنىسى جانە سىناعى سانالادى.

  سوڭعى جىلدارى، شينجياڭ جەمىس - جيدەك توبى «جاقسى ماركا جاراتۋ، جاقسى جەتەكشى بولۋ، ارتىقشىلىقتى جاقسى ساۋلەلەندىرۋ، دامۋدى جاقسى جەبەۋ» تالابىنا ساي، شينجياڭنىڭ ەرەكشە اۋىل شارۋاشىلىق ونىمدەرىن شينجياڭنىڭ سىرتىندا ساتۋدىڭ اناعۇرلىم قولايلى دا جوعارى ءونىمدى تورىن بەلسەنە توقىپ، ساتۋدىڭ جەتەكتەۋ قابىلەتىن ىشكەرىلەي جوعارىلاتتى.

  شينجياڭ جەمىس - جيدەك كاسىبى توبىنىڭ دامۋ جوباسىندا 2018 - جىلدان 2020 - جىلعا دەيىن الەۋمەتتىك اۋماقتا تىكە ساتۋ دۇكەنىنەن 1500 دۇكەن، ساتۋشىسى جوق ەرەن بازاردان 1000 ەرەن بازار، ساۋدا سارايلارىنداعى، ەرەن بازارلارداعى ساتۋ ورنىنان 2500 ساتۋ ورىن قامتىعان 5000 ساتۋ ورنىن قۇرۋ ايقىن العا قويىلعان.

  10 - ايدىڭ سوڭىندا، ۋحان قالاسىنىڭ جيەفاڭ جولىنا ورنالاسقان گوشۋ رۇڭكى تيانچىڭ دۇكەنىنىڭ ساۋداسى ەرەكشە كۇسەت بولدى. كورلا المۇرتىنىڭ، اقسۋ الماسىنىڭ ىركەس - تىركەس بازارعا سالىنعاندىعىنان حابار تاپقان جاقىن ماڭداعى قالا تۇرعىندارى ارت - ارتىنان ساتىپ الۋعا كەلدى.

  كەلۋ قاينارى؛ حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار