بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

بىلتىر جۇڭگو - ەۆروپا كەزەكشى پويەزىنىڭ قاتىناۋ سانى 1000 كەزەكتەن استى

ۇقساس مەزگىلدەگىدەن 41.2 پايىز  ارتتى

2019.01.08 16:17     كەلۋ قاينارى : حالىق تورابى

  حالىق تورابى، 1 – ايدىڭ 8 – كۇنى، بەيجيڭ. ءتىلشىنىڭ 1 – ايدىڭ 6 – كۇنى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، 2018 - جىلى جۇڭگو - ەۆروپا كەزەكشى پويەزى ءۇرىمجى جيناۋ ورتالىعىنان جالپى 1002 كەزەك قاتىناپ، ۇقساس مەزگىلدەگىدەن 41.2 پايىز ارتقان.

  2018 - جىلى شينجياڭنىڭ ءىشى - سىرتىنداعى قاريدارلاردىڭ زات اينالىم تاسىمالى جونىندەگى وزگەشە قاجەتىنە ساي، ءۇرىمجى جيناۋ ورتالىعى جالپى بارىستىق زات اينالىمى جوباسىن جاساپ، ىشكى ولكەدەن ەكسپورت ەتىلەتىن بۇيىمداردى ۇرىمجىگە شوعىرلاندىرۋعا باۋراپ، «تۇتاستاي جونەلتۋ» ارقىلى شينجياڭنىڭ ءىشى - سىرتىنداعى زات قاينارىن تەز ارادا توپتاۋدى ىسكە اسىرىپ، جۇڭگو - ەۆروپا كەزەكشى پويەزىنىڭ تولىق تيەلۋ مولشەرىن ارتتىردى.

  ەلىمىزدىڭ جەر - جەرىندەگى زات اينالىمى كاسىپورىندارىمەن سەلبەستىكتى كۇشەيتىپ، كەزەكشى پويەزدى ۇيىمداستىرۋ ونىمدىلىگى مەن قاتىناۋ جىلدامدىعىن ۇزبەي جوعارىلاتتى. جيناۋ ورتالىعى شەكارا ءىشى - سىرتىنداعى 82 يمپورت - ەكسپورت كاسىپورىنمەن سەلبەسىپ، تاۋار كوتەرىپ الۋ بىرلەستىگىن قۇردى، كەزەكشى پويەزدارىنا زات قاينارىن ۇيىمداستىرۋعا گۋاڭدۇڭ، جىجياڭ، بەيجيڭ، شاڭحاي، چۇڭچيڭ سياقتى 10نان استام ولكە، قالا شارپىلدى.

  تاسىمال ۋاقىتىن ۇزبەي قىسقارتتى. جيناۋ ورتالىعىنان قاتىناعان جۇڭگو - ەۆروپا كەزەكشى پويەزى 48 ساعاتتا قازاقستاننىڭ الماتى قالاسىنا، 72 ساعاتتا وزبەكستان، تاجىكستان سياقتى مەملەكەتتەرگە، 8 كۇندە رەسەيگە، 16 كۇندە نيدەرلاندقا، 19 كۇندە يتالياعا جەتىپ، تاسىمال جاعىنداعى ۋاقىت ونىمدىلىگى زات قاينارىن باۋراۋدىڭ جارقىن تۇيىنىنە اينالدى.

  «جۇڭگو - ەۆروپا كەزەكشى پويەزىنىڭ قاتىناۋ ونىمدىلىگى ۇزدىكسىز ارتىپ، وزىندىك قۇن بىرتىندەپ تومەندەپ، ەلىمىزدەگى جانە دۇنيە ءجۇزىنىڭ كوپ جەرىندەگى زاتتاردى ءۇرىمجى جيناۋ ورتالىعىنا جيناۋعا باۋرادى. 2016 - جىلى جيناۋ ورتالىعى ىسكە قوسىلعاننان قازىرگە دەيىن 1800دەن استام كەزەكشى پويەز قاتىنادى»، - دەدى شينجياڭ شينتيە حالىقارالىق زات اينالىمى شەكتى جاۋاپكەرشىلىك سەرىكتەستىگى مەڭگەرۋشىسىنىڭ ورىنباسارى نان جۇن.

  قازىر ءۇرىمجى جيناۋ ورتالىعىنىڭ كەزەكشى پويەز قاتىناۋ كولەمى باستاپقى اپتاسىنا ءبىر كەزەكتەن كۇنىنە 3 كەزەككە كوبەيىپ، وسى ارادان باتىسقا قاتىنايتىن حالىقارالىق زات تاسىمال كەزەكشى پويەز لەنياسى 20عا جەتىپ، ورتا ازياعا جانە ەۆروپاداعى 19 مەملەكەتتىڭ 26 قالاسىنا قاتىناپ، شينجياڭ ءۇرىمجىنى سەنتر ەتكەن، شىعىستا ەلىمىزدىڭ ىشكى ولكەلەرىندەگى ءارقايسى ۇلكەن قالالاردى، باتىستا ورتا ازياداعى 5 مەملەكەتتى، رەسەيدى، سونداي - اق ەۆروپانى شارپيتىن جۇڭگو - ەۆروپا كەزەكشى پويەزىنىڭ «تەمىر جول قاتىناس شەڭبەرىن» باستاپقى قادامدا قالىپتاستىردى.

  «ءبىز ءۇرىمجى جيناۋ ورتالىعى زات اينالىمىنىڭ شارپۋ اۋماعى مەن قىزمەت وتەۋ قابىلەتىن ۇزدىكسىز ارتتىرىپ، حالىقارالىق زات اينالىمى ۇلكەن ارناسىن اناعۇرلىم ىركىلىسسىزدەندىرىپ، 2019 - جىلى جۇڭگو - ەۆروپا كەزەكشى پويەزىنىڭ قاتىناۋ سانىن تاعى دا تىڭ ورەگە جەتكىزۋگە ۇمتىلامىز»، - دەدى نان جۇن.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار