بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ ءۇرتىس ءۇش جىل قارجى ءبولىپ، ساۋىن سيىر باعىمشىلىق الاڭىنداعى سيىرلاردى «اسىلداندىردى»

2019.01.11 13:39     كەلۋ قاينارى : حالىق تورابى

  حالىق تورابى، 1 – ايدىڭ 11 – كۇنى، بەيجيڭ. قاقاعان قىس مەزگىلىندە شينجياڭنىڭ ىلە وزەنى اڭعارىنا ورنالاسقان شينشىڭيۋان ساۋىن سيىر باعىمشىلىق فەرماسىنا ات باسىن بۇرساڭىز، 100 نەشە حولستەين ساۋىن سيىرىنىڭ ادەمى سيىر قورادا «ماڭ - ماڭ باسىپ جۇرگەنىن» كورەسىز. ۇكىمەتتىڭ قازىنالىق قارجى قوسۋىنىڭ ارقاسىندا، اتالعان سيىر باعىمشىلىق الاڭى ولشەمدەنگەن سيىر قورا سالىپ قانا قويماي، بالىق ومىرتقاسى ءپىشىندى سيىر ساۋۋ جۇيەسىن جانە اۆتوماتتى قي تازالاۋ جۇيەسىن ورناتتى.

  ءۇش جىلدان بەرى، شينجياڭ ورتالىقتىڭ مەجە ەسەبىنەن جىلىنا 60 ميلليون يۋاننان استام قارجى بوساتىپ، شينشىڭيۋان ساۋىن سيىر باعىمشىلىق فەرماسى سياقتى كولەمدەنگەن 215 ساۋىن سيىر فەرماسىن ءتۇيىندى سۇيەمەلدەپ، قيدى، لاس زاتتاردى ءبىر جايلى ەتۋ قۇرىلعىسى، سيىر ساۋۋ قۇرىلعىسى، جابدىعى سياقتىلاردى سالىپ نەمەسە وزگەرتىپ، شينجياڭ ساۋىن سيىرىنىڭ ولشەمدەنگەن كولەمدى باعىمشىلىق ورەسىن جوعارىلاتتى.

  ءسۇت كاسىبى − شينجياڭنىڭ ءداستۇرلى ابزالدىققا يە كاسىپ سالاسى. جەرگىلىكتى ورىندا ءتاڭىرتاۋىنىڭ تەرىسكەيى، ىلە وزەنى اڭعارى، قۇلىستاي ويپاتى، ەرتىس وزەنى اڭعارى، يانجي ويپاتىن ءتۇيىن ەتكەن ءسۇت كاسىبى شارۋاشىلىق بەلدەۋى قالىپتاسقان. تاياۋ جىلداردان بەرى، شينجياڭنىڭ ءسۇت كاسىبى ءداستۇرلى باعىمشىلىقتان كاسىپ سالالانعان بازارعا قاراي دامۋ مەزگىلىنە ءوتتى، دەسە دە، ساۋىن سيىردى كولەمدى باعۋ سالىستىرماسى ءبىرشاما تومەن بولىپ، تاۋار ءسۇت ءونىم مولشەرى شەكتەمەگە ۇشىراپ وتىر.

  «شاعىن، بىتىراڭقى، ءالسىز» ساۋىن سيىر باعىمشىلىق فەرمالارىنىڭ بەت - بەينەسىن جاڭالاۋعا كومەكتەسۋ ءۇشىن، شينجياڭ نەگىزدىك قۇرىلعى قۇرىلىسىن كۇشەيتىپ، سيىر قورانى ولشەمگە ساي وزگەرتىپ سالۋ، سونداي - اق سۋ، ەلەكتر، جول، ىندەتتىڭ الدىن الۋ سياقتى سايكەستى قۇرىلعىلار قۇرىلىسى ارقىلى ساۋىن سيىر باعىمشىلىق فەرمالارىنىڭ شارت - جاعدايىن بارىنشا جاقسارتتى؛ جەم - ءشوپ ەگۋ جانە ساۋىن سيىر باعىمشىلىعىن سايكەستىرۋدى، ۇلاستىرۋدى ىلگەرىلەتىپ، جيىنى 150 مىڭ مۋلىق ءتۇسىمى مول، ساپاسى جوعارى جوڭىشقا ەگۋدەن ۇلگى كورسەتۋ بازاسىن قۇرىپ، سول جەردىڭ وزىندە، تاياۋ ماڭدا جەم - شوپپەن قامتاماسىز ەتۋدى جۇزەگە اسىردى؛ ساۋىن سيىر ساپاسىن جوعارىلاتۋ ينجەنەرياسىن اتقارىپ، ساپالى سيىر ءناسىلىن 70.5 پايىزعا جەتكىزىپ، كولەمدەنگەن ساۋىن سيىر فەرمالارىنىڭ بارلىعى ناسىلدەندىرۋدى جۇزەگە اسىردى.

  2017 - جىلعا دەيىن، شينجياڭنىڭ كولەمدەنگەن ساۋىن سيىر باعىمشىلىق سالىستىرماسى 28.3 پايىزعا جەتىپ، جىلىنا 600 مىڭ توننا مولشەرىندە تاۋار ءسۇت وندىرەدى، مۇندا اۆتوماتتى سيىر ساۋۋ پۋنكتى ساتىپ العان تاۋار ءسۇت جالپى ءسۇت مولشەرىنىڭ 90 پايىزىن ۇستايدى.

  ۇعىسۋعا قاراعاندا، مۇنان كەيىن شينجياڭ ءتاڭىرتاۋىنىڭ تەرىسكەيىندەگى ءسۇت كاسىبىنىڭ دامۋ ابزالدىعىنان پايدالانىپ، حولستەين ءناسىلدى ءسۇتتى سيىر باعىمشىلىعىن نەگىز ەتىپ، شوعىرلى باعىمشىلىقتىڭ كولەمىن كەڭەيتىپ، ورەسىن جوعارىلاتىپ، ءسۇت ونىمدەرىن مانەرلەۋ كاسىپورىندارىنىڭ ابزال بايلىق قاينارىن بىرىكتىرىپ، شينجياڭنىڭ سىرتىنداعى جوعارى دەڭگەيدەگى ءسۇت ونىمدەرى بازارىن اشادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار