شينجياڭ ۇيعۇر اۆتونوميالى رايوندىق حالىق ۇكىمەتى ءۇشىنشى جالپى ءماجىلىسىن اشتى
نازاردى باس نىساناعا شوعىرلاندىرىپ، ەكونوميكانىڭ جوعارى ساپالى دامۋىن ىلگەرىلەتەيىك
2019.01.15 15:27 كەلۋ قاينارى : شينجياڭ گازەتى
ءتىلشى جاۋ جىيۇن 1 - ايدىڭ 12 - كۇنى ۇرىمجىدەن حابارلايدى. 1 - ايدىڭ 11 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ ءۇشىنشى جالپى ءماجىلىسىن باسقارىپ اشتى، ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 9 - كەزەكتى پارتكومىنىڭ التىنشى جالپى ءماجىلىسىنىڭ، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، «ۇكىمەت قىزمەتىنەن بايانداماعا (پىكىر الۋ نۇسقاسى)» پىكىر، ۇسىنىس سۇراپ، ۇكىمەتتىڭ ءبىرىنشى توقساندىق جۇيەلىك قىزمەتتەرىن ورنالاستىرىپ، رايونىمىزدىڭ ەكونوميكالىق قىزمەتىندە «ءساتتى باستامانى» جۇزەگە اسىرۋعا كەپىلدىك ەتتى.
ءماجىلىس مىنالاردى اتاپ كورسەتتى: ساياسي دەڭگەيدى جوعارىلاتىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، نازاردى باس نىساناعا شوعىرلاندىرۋ، باس نىسانانى تياناقتاندىرۋ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ دەڭگەيىنەن، جاڭا دامۋ ۇستانىمىن دايەكتىلەندىرۋ، ەكونوميكانىڭ جوعارى ساپالى دامۋىن ىلگەرىلەتۋ دەڭگەيىنەن يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، اۆتونوميالى رايوندىق پارتكومنىڭ قىزمەت تالاپتارىمەن بىرلىككە كەلتىرىپ، اۆتونوميالى رايوندىق پارتكومنىڭ «1 + 3 + 3 + رەفورما جاساۋ، ەسىك اشۋ» قىزمەت ورنالاستىرۋى بويىنشا، «ەكى القا» قىزمەت مەحانيزمىنىڭ رولىن ساۋلەلەندىرىپ، ورنىقتىلىق، دامۋ سىندى ەكى ءىرى ءىستى ءبىر تۇتاس جوسپارلاپ، جاقسى يگەرۋ كەرەك. اسىرەسە، ورنىقتىلىقتان كەلگەن تاماشا ورتانى بارىنشا قاستەرلەپ، ەكونوميكالىق قىزمەتتى مىقتى يگەرۋدىڭ جاۋاپكەرشىلىك سەزىمى مەن كوكەي تەستىلىك سەزىمىن شىن مانىندە كۇشەيتىپ، اۆتونوميالى رايوندىق پارتكومنىڭ ەكونوميكالىق قىزمەتكە قاتىستى ورنالاستىرۋلارىن جىنتىكتەي ءتۇسىنىپ، جاۋاپكەرشىلىكتى ادامعا تياناقتاندىرىپ، شىنايى تياناقتاندىرىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەلەرىمىزبەن قارسى الۋىمىز كەرەك.
ءماجىلىس مىنالاردى باسا دارىپتەدى: اۆتونوميالى رايوندىق پارتكومنىڭ بيىلعى ەكونوميكالىق قىزمەت جونىندەگى ورنالاستىرۋلارىن، تالاپتارىن مىقتاپ يگەرىپ، نازاردى باس نىساناعا شوعىرلاندىرۋ، باس نىسانانى تياناقتاندىرۋ تالابىن باتىلدىقپەن تياناقتاندىرىپ، ورنىقتىلىقتىڭ پايداسىن ۇزدىكسىز جارىققا شىعارۋ؛ ەكونوميكانى جوعارى ساپالى دامىتۋدىڭ تالاپتارىن مىقتاپ يگەرىپ، ەكونوميكالىق قىزمەتتىڭ كوزدەۋ ءتۇيىنى مەن تياناعىن ءدال تابۋ؛ قامداۋ جاعىنداعى قۇرىلىمدىق رەفورمانى نەگىزگى ارقاۋ ەتۋدەن جازباي، «بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ» 8 ارىپتىك باعىتىن تياناقتاندىرۋ؛ ۇكىمەت فۋنكتسياسىنا بۇرىلىس جاساۋدىڭ تالاپتارىن تياناقتاندىرۋدان جازباي، اۆتونوميالى رايوندىق پارتكومنىڭ قىزمەت ورنالاستىرۋلارىن اتقارۋ قۋاتىن، تياناقتاندىرۋ قۋاتىن اناعۇرلىم جوعارىلاتۋ كەرەك.
ءماجىلىس مىنالاردى تالاپ ەتتى: تاراۋلار ءبىرىنشى توقساندىق قىزمەتتى ويداعىداي مۇقيات زەرتتەپ، جوسپارلاپ، رايونىمىزدىڭ ەكونوميكالىق قىزمەتىندە جاقسى جاعداي اشۋعا، ءساتتى قادام باسۋعا قۇلشىنۋى كەرەك. نازاردى باس نىساناعا مىقتاپ شوعىرلاندىرىپ، ورنىقتىلىق قىزمەتىن جاقسى يگەرۋ؛ اۆتونوميالى رايوندىق پارتكومنىڭ قىزمەت ورنالاستىرۋلارىن مىقتاپ ارقاۋ ەتىپ، ءۇش ۇلكەن قامال الۋ شايقاسىن باتىل، ويداعىداي جۇرگىزىپ، «ءۇش ءتۇيىندى» مىقتى ۇستاۋ؛ تاماشا ساياساتتان پايدالانىپ، ورايدى يگەرىپ، نەگىزدىك قۇرىلعىلارداعى ولقىلىقتاردى تولىقتاۋ سياقتى قىزمەتتەردى مىقتى يگەرۋ؛ جوعارى ساپالى دامۋدى كوزدەپ، ناقتى ەكونوميكا، قازىنا - باجى، فينانس، حالىقتىق شارۋاشىلىق سياقتى قىزمەتتەردى مىقتى يگەرۋ؛ ۇكىمەت فۋنكتسياسىنا بۇرىلىس جاساۋدى كوزدەپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسى سياقتى قىزمەتتەردى مىقتى يگەرۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز قاتارلىلار ماجىلىسكە قاتىناستى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين «ۇكىمەت قىزمەتىنەن بايانداما (پىكىر الۋ نۇسقاسى)» نىڭ دايىندالۋى جونىندە تۇسىنىك جاسادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
