شەتەلدىك تىلشىلەر شينجياڭدا ساپاردا بولدى
شينجياڭنىڭ ەكونوميكاسىنىڭ دامۋى مەن قوعامىنىڭ ورنىقتىلىعىنا ريزا بولدى
شينحۋا اگەنتتىگىنىڭ ءتىلشىسى يۇي تاۋ
2019.01.17 13:36 كەلۋ قاينارى : حالىق تورابى
جەتىنشى كەزەكتى «جىبەك جولىنداعى ايگىلى ادامداردىڭ جۇڭگوعا ساپارى» اتتى قيمىل 1 – ايدىڭ 9 – كۇنىنەن 16 – كۇنىنە دەيىن شينجياڭدا وتكىزىلدى. ەگيپەت، تۇركيا، پاكيستان، افعانستان، بانگلادەش، سريلانكا قاتارلى 6 مەملەكەتتەن كەلگەن 12 ايگىلى ءتىلشى شينجياڭدا ساپاردا بولىپ، جەرگىلىكتى ورىنداعى جۇرتشىلىقتىڭ كۇندەلىكتى تۇرمىسىن ۇعىسىپ، كاسىپتىك ونەرگە تاربيەلەۋ جانە جەتىلدىرۋ ورتالىعىنىڭ كۋرسانتتارىنان سۇحبات الدى. ولار مىنانى ءبىلدىردى: قازىر شينجياڭنىڭ ەكونوميكاسى جەدەل دامۋدا ەكەن، قوعامى جاراسىمدى دا ورنىقتى ەكەن، جۇڭگو ۇكىمەتىنىڭ شينجياڭدى باسقارۋداعى تابىستى تاجىريبەلەرى باسقا مەملەكەتتەردىڭ نازار اۋدارۋىنا جانە ۇلگى الۋىنا تاتيدى.
ءبىر بەلدەۋ، ءبىر جول وزەكتى رايونىمەن توعىسقاندىقتان، شينجياڭ تەز كوركەيۋ جولىنا ءتۇستى
شينجياڭ ەجەلگى جىبەك جولىنداعى شىعىس پەن باتىستى بايلانىستىراتىن ماڭىزدى جول، بۇگىنگى تاڭدا دا ءدال سولاي «ءبىر بەلدەۋ، ءبىر جول» قۇرىلىسىندا كەم بولسا بولمايتىن رول اتقارۋدا، وتە – موتە، «جىبەك جولى ەكونوميكالىق بەلدەۋى» وزەكتى رايونىنىڭ تۇراقتاندىرىلۋى شينجياڭعا ماڭىزدى تاريحي وراي جاراتىپ بەردى، بۇل ارانىڭ ەكونوميكاسىندا، قوعامىندا، ادامدارىنىڭ كۇندەلىكتى تۇرمىسىندا اسا زور وزگەرىستەر تۋىلۋدا.
شەتەلدىك تىلشىلەر جۇڭگو – ەۆروپا كەزەكتى پويەزى ءۇرىمجى شوعىرلاندىرۋ ورتالىعىندا سۇحبات العان كەزدە، جۇڭگودان رەسەيگە باراتىن جۇك پويەزىنىڭ جولعا شىعاتىن ساتىنە ءدال كەلدى. تۇركيا مەن پاكيستاننان كەلگەن جاس تىلشىلەر دەرەۋ پويەزدىڭ باسپالداعىنا شىعىپ، ناق مايداننان حابار تاراتتى.
تەمىر جول قىزمەتكەرلەرىنىڭ تانىستىرۋىنشا، ءۇرىمجى شوعىرلاندىرۋ ورتالىعى ىسكە قوسىلعان ەكى جىلدان بەرى، جۇڭگو – ەۆروپا جۇك پويەزى كۇنىنە ءبىر كەزەكتى
قاتىناۋدان كۇنىنە 3 كەزەكتى پويەز قاتىنايتىن بولعان، وسى ارادان جولعا شىققان حالىقارالىق جۇك پويەزدەرى ورتا ازيا مەن ەۆروپاداعى 19 ەلدىڭ 26 قالاسىنا بارادى. جوتكەلەتىن زاتتار دا باستاپتاعى كۇندەلىكتى ءتۇرلى بۇيىمدار مەن كيىم – كەشەك بۇيىمداردان ماشينا جابدىقتارى، سۋمەن جىلىتۋ قۇرىلىس ماتەريالدارى، ەلەكتروندىق زاپشاستار قاتارلى 200دەن استام بۇيىم تۇرىنە كەڭەيگەن، تاسىمالداۋ قوسىمشا قۇنى كورنەكتى ارتقان.
بانگلادەش ەلىنىڭ «كۇندەلىكتى كۇن گازەتىنىڭ» اتقارۋشى رەداكتورى شيحاب راحمان: «شينجياڭ جۇڭگونىڭ باتىسقا ەسىك اشۋىنىڭ الدىڭعى شەبى، جۇڭگو – ەۆروپا جۇك پويەزىنىڭ قاتىناۋى شينجياڭ مەن دۇنيە ءجۇزىنىڭ بايلانىسىن اناعۇرلىم قويۋلاستىردى، شينجياڭنىڭ ەكونوميكاسىنىڭ دامۋى بولاشاقتا بارعان سايىن جاقسارادى»، — دەدى.
«ءبىر بەلدەۋ، ءبىر جول» دارىپتەمەسى شينجياڭدىقتارعا حالىقارالانعان وي ءورىسى مەن تۇرمىس ءتاسىلىن الا كەلدى. ءۇرىمجىنىڭ بەلگى سيپاتتى ورنى، ءجۇز جىلدىق تاريحقا يە شينجياڭ حالىقارالىق ۇلكەن بازارىن كەڭەيتۋ بارىسىندا اناعۇرلىم مول حالىقارالىق جاڭاشا فاكتورلار قوسىلدى. بۇل رەتكى «جىبەك جولىنداعى ايگىلى ادامداردىڭ جۇڭگوداعى ساپارى» اتتى قيمىل بارىسىندا دۇنيە ءجۇزىنىڭ جەر – جەرىنەن كەلگەن تىلشىلەر بۇل ارانىڭ كوشەلەرىندە سەرۋەندەپ، ۇمىتىلماستاي اسەرلەندى، ەرەكشەلىككە يە ءان – ءبيدى، كوركەم كورىنىستەردى، ءدامدى تاعامداردى توڭىرەكتەي وتىرىپ، كوپتەگەن قويىلىمداردى ءتۇسىردى.
افعانستاننىڭ كانداحار قالاسىنداعى «ورباند اپتالىق گازەتىنىڭ» باس رەداكتورى ابدۋل ماتىن ءامري: «بۇل اراداعى ءار ۇلت جۇرتشىلىعى اناردىڭ دانىندەي تىعىز توپتاسىپ، ىنتىماقتى دا بەرەكەلى، كوڭىلدى تۇرمىس كەشىرىپ جاتىر ەكەن. بۇل ارانىڭ جاعدايى باتىستىڭ ءىشىنارا اقپارات قۇرالدارىنىڭ حابارلاعانىنان بۇكىلدەي باسقاشا ەكەن، شينجياڭ جۇڭگو ۇكىمەتىنىڭ باسشىلىعىندا ويداعىداي دامىپ كەلەدى ەكەن، قالالارى بارىنشا گۇلدەنگەن، جۇرتشىلىق دوڭگەلەك داۋلەتتى تۇرمىس وتكىزىپ جاتىپتى»، — دەدى.
شەتەلدىك تىلشىلەر اقتاۋ اۋدانىنداعى كۇنلۇن جيايۋان تۇرعىندار اۋلاسىنداعى كەدەي وتباسى بولات راشيدتىڭ ۇيىنە باردى، قىرعىز قارت بولات ءوزىنىڭ تۇرمىسىنداعى وزگەرىستەردى ەسىنە تۇسىرگەندە جانارىنا جاس الىپ: «بۇرىن تاۋ قويناۋىندا كەدەي مالشى بولىپ كۇن كەشتىم، 2018 – جىلى ۇكىمەت كەدەيلەردى سىرت جەرگە كوشىرىپ سۇيەمەلدەۋ الەۋمەتتىك اۋماعىن سالىپ، كوپشىلىكتى تاۋ قويناۋىنان كوشىرىپ اكەلدى، ءبىز سۋى، توگى، پارى بار جاڭا ۇيگە ‹ءبىر تيىن تولەمەي جايعاسىپ›، قالاداعىلاردىڭ وسىزامانعى تۇرمىسىنا ءبىر – اق كۇندە قول جەتكىزدىك»، — دەدى.
تۇركيا ATV تەلەۆيزياسىنىڭ ءتىلشىسى ەردال كۋرۋشاي: «مەن كەدەي ادامداردىڭ جۇزىنەن شاتتىققا تولى باقىت لەبى ەسكەنىن بايقادىم، ولاردىڭ وتىرىقتانۋ ورتاسىندا عانا تۇپكىلىكتى وزگەرىس تۋىلىپ قالماستان، ونىڭ ۇستىنە، ۇكىمەت ولارعا جىلى پارنيك پەن ساۋدا دۇكەنى قاتارلى كاسىپتەنۋ قۇرىلعىلارىن دا ازىرلەپ بەرىپتى، بۇل شينجياڭنىڭ ەكونوميكاسىنىڭ جەدەل دامىعانىن، كەدەيلەردى دالمە – ءدال سۇيەمەلدەۋ پارمەنىنىڭ اسا زور بولعانىن كورسەتەدى»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
