بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ ۇيعۇر اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ءماجىلىسى ەكىنشى جالپى جيىنىن وتكىزدى

نۇرلان ءابىلماجىن ۇلى قاتىناستى، لي پىڭشين قاتارلىلار جيىنعا كەلىپ، مۇشەلەردىڭ ءسوزىن تىڭدادى

2019.01.17 15:08     كەلۋ قاينارى : شينجياڭ گازەتى

  ءتىلشى لي ياڭ 1 - ايدىڭ 15 - كۇنى ۇرىمجىدەن حابارلايدى. 1 - ايدىڭ 15 - كۇنى تۇستەن بۇرىن، اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ءماجىلىسى ەكىنشى جالپى جيىنىن وتكىزدى، 9 مۇشە مۇشەلەردىڭ مىندەت وتەۋ ناقتى ونىمدىلىگىن كۇشەيتۋ، اۋىل - قىستاقتى گۇلدەندىرۋ ستراتەگياسىن اتقارۋ، كەدەيلىكتەن ارىلتۋدان قامال الۋعا كۇش ۇستەۋ، حالىقتىق شارۋاشىلىقتىڭ جىلدام دامۋىن جەبەۋ، وڭتۇستىك شينجياڭنىڭ جەمىس ورمانى شارۋاشىلىعىنىڭ جوعارى ساپالى دامۋىنا دەم بەرۋ، ەمدەۋ رەفورماسى ساياساتىنىڭ تياناقتانۋىن ىلگەرىلەتۋ، ساياحات شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ، بۇقارالىق قىزمەتتى ويداعىداي ىستەۋ، جوعارى مەكتەپتەردىڭ يدەولوگيا قىزمەتىن كۇشەيتۋ سياقتى تۇرلىشە جاقتاردان جيىندا ءسوز سويلەدى.



  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى جيىنعا قاتىناستى.



  اۆتونوميالى رايوندىق پارتكومنىڭ ورىنباسار شۋجيى لي پىڭشين، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين، اۆتونوميالى رايوننىڭ ورىنباسار ءتوراعاسى جاۋ چيڭ، اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەسى ۋان حايچۋان قاتارلىلار جيىنعا كەلىپ، ءسوزدى تىڭدادى.



  اۆتونوميالى رايوندىق ساياسي كەڭەستىڭ ورىنباسار ءتوراعاسى ءجۇرات ءيمىن جيىندى باسقاردى. اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ماعاۋ سەيتقامزا ۇلى، جاڭ بو، ءمۇتالىپ وبۇل، كۇڭ شيڭلۇڭ، چيۋ شۋحۋا، ياڭ يۇڭ، ءيلھام سابىر، ما شيۇڭچىڭ، ابدۇرىقىپ ءتومۇرنياز جيىنعا قاتىناستى.



  مۇشە جياڭ پيڭ - ان بىلاي دەپ قارادى: ساياسي كەڭەس مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، نازاردى باس نىساناعا شوعىرلاندىرىپ، بورىشتىلىق سەزىمدى، جاۋاپكەرشىلىك سەزىمدى شىنايى كۇشەيتىپ، اۆتونوميالى رايوندىق پارتكومنىڭ «1 + 3 + 3 +رەفورما جاساۋ، ەسىك اشۋ» قىزمەت ورنالاستىرۋىن تىعىز ارقاۋ ەتىپ، مىندەتتى اتقارىپ، جاۋاپكەرشىلىكتى ادا ەتىپ، «ساياسي كەڭەستى تۇسىنەتىن، كەڭەسە الاتىن، ۇكىمەت ءىسىن كەڭەسۋگە شەبەر، تارتىپكە بويسۇناتىن، قاعيدانى دارىپتەيتىن، مىنەز - قۇلىققا ءمان بەرەتىن» جاڭا ءداۋىر ساياسي كەڭەس مۇشەسى بولۋ كەرەك.



  مۇشە ءامينا ورازعالي بىلاي دەپ قارادى: اۆتونوميالى رايون پارتيا ورتالىق كوميتەتىنىڭ اۋىل شارۋاشىلىعىن قۇدىرەتتەندىرۋ، شارۋالارعا تيىمدىلىك جاساۋ جەلىلەس ساياساتتارىن دايەكتىلەندىرىپ، تياناقتاندىرىپ، اۋىل شارۋاشىلىعى، اۋىل - قىستاق، شارۋالار قىزمەتىندەگى قيىن ماسەلەلەردى كۇش سالا شەشىپ، اۋىل - قىستاقتى گۇلدەندىرۋ ستراتەگياسىن اتقارۋعا نەگىز قالادى. ول اۋىل شارۋاشىلىعىن كاسىپ سالالاندىرۋدا باستاماشى كاسىپورىنداردى بارىنشا جەتىلدىرىپ، شارۋالار كاسىپتىك سەلبەستىك كووپەراتيۆىن زورايتىپ، اۋىل - قىستاقتاردىڭ لاستانۋدان ساقتانۋ جانە ونى تىزگىندەۋ قىزمەتىن ىلگەرىلەتىپ، اۋىل - قىستاقتى گۇلدەندىرۋ ستراتەگياسىن ويداعىداي اتقارۋعا كۇش ۇستەۋدى ۇسىنىس ەتتى.



  مۇشە جيا ديانزىڭ مىنانى ۇسىنىس ەتتى: ەسكى عۇرىپ - ادەتتى وزگەرتۋدىڭ، اۋىل سالتى وركەنيەتىن ساقتاۋدىڭ كەدەيلىكتەن ارىلتۋدان قامال الۋداعى رولىن ساۋلەلەندىرۋ كەرەك. جۇلدىز دارەجەلى وركەنيەتتى وتباسى ولشەمىن كەمەلدەندىرىپ، قىستاق ەرەجەسىن، حالىق شارتىن جاقسارتىپ، اۋىل - قىستاق ساباقحاناسىن ويداعىداي باسقارىپ، گۋمانيتارلىق مايەگىن ساقتاپ، كەدەيلىكتەن ارىلتۋدان قامال الۋدىڭ وتباسى، ءتۇزىم، دارىندى، وسى زامانعى مادەنيەت سياقتى نەگىزىن بەكەمدەپ، كەدەي بۇقارانىڭ كەدەيلىك بەت - بەينەسىن وزگەرتەتىن ىشكى قوزعاۋشى كۇشى مەن ارەكەت سانالىلىعىن ارتتىرۋ كەرەك.



  مۇشە شيە شۋان مىناداي ۇسىنىس بەردى: حالىقتىق كاسىپورىنداردى جەتىلدىرۋ ينجەنەرياسىن قولداپ جانە اتقارىپ، دەربەس جاڭالىق اشۋ قابىلەتى كۇشتى، بازارداعى ىقپال قۋاتى زور ءبىر توپ تىرەكتى كاسىپورىنداردى سومداپ، كاسىپ سالاسىنداعى ءبىر توپ باستاماشى كاسىپورىندار مەن كاسىپورىنشىلاردى جەتىلدىرۋ كەرەك. حالىقتىق كاسىپورىنداردىڭ قارجى قۇراۋ قيىنشىلىعى ماسەلەسىن كۇش سالا شەشىپ، سالىقتى ازايتۋ، اقىنى تومەندەتۋ ساياساتىن جاپپاي تياناقتاندىرىپ، كاسىپورىنداردىڭ وزىندىك قۇنىن تومەندەتۋىن اناعۇرلىم قولداپ، شينجياڭنىڭ حالىقتىق ەكونوميكاسىنىڭ جىلدام دامۋىن جەبەۋ كەرەك.



  مۇشە سۋ بين مىناداي ۇسىنىس بەردى: ايتۋلى ماركا مادەنيەتى قۇرىلىسىن كۇشەيتىپ، جەمىس - جيدەك ونىمدەرىنىڭ تۇتىنۋ بازارىن كەڭەيتۋ كەرەك. ولشەمدەنگەن وسى زامانعى ەكولوگيالىق سەيىل - سەرۋەن جەمىس باقشاسى قۇرىلىسىن كۇش سالا ىلگەرىلەتىپ، وڭتۇستىك شينجياڭداعى 4 ايماق - وبلىستىڭ ەرەكشە جەمىس ورمانىنىڭ تيبىن وزگەرتىپ، دەڭگەيىن كوتەرۋىن جەبەۋ كەرەك. «وڭىرلىك ەرەكشەلىكتى كورنەكتىلەندىرىپ، وڭىرلىك ابزالدىلىقتى ساۋلەلەندىرۋ» پرينسيبى بويىنشا، وڭتۇستىك شينجياڭنىڭ تۇرلىشە وڭىرلەرىنىڭ جەمىس ورمانى ماركا بازاسىن سومداپ، وڭتۇستىك شينجياڭنىڭ جەمىس ورمانى كاسىبىنىڭ جوعارى ساپالى دامۋىنا دەم بەرۋ كەرەك.



  مۇشە مۇقيات ورازقان ۇلى مىنانى ۇسىنىس ەتتى: رايونىمىزدىڭ ەمدەۋ، ەمدەۋ قامسىزداندىرۋى، ءدارى - دارمەك ىستەرىن بىرلەسىپ ىلگەرىلەتۋ رەفورماسىن ءۇرتىس جەبەپ، بەساسپاپ شيپاگەر تاربيەلەۋ تەبىنىن ارتتىرىپ، نەگىزگى ەمدەۋ قامسىزداندىرۋىنىڭ، سالماقتى ناۋقاس قامسىزداندىرۋىنىڭ، ەمدەۋ قۇتقارۋىنىڭ ءبىر تۇلعالانعان ەسەپ جابۋ ينفورماتسيا تۇعىرى قۇرىلىسىن بەلسەنە ىلگەرىلەتىپ، بۇقارانىڭ سالاماتتىق سۇرانىسىن تىعىز ارقاۋ ەتىپ، ەمدەۋ رەفورماسى ساياساتىنىڭ تياناقتانۋىن، ناقتىلانۋىن ۇزدىكسىز ىلگەرىلەتۋ كەرەك.



  مۇشە مىڭ چيڭساي بىلاي دەدى: اۆتونوميالى رايوندىق پارتكوم مەن ۇكىمەت ساياحات ارقىلى شينجياڭدى گۇلدەندىرۋ ستراتەگياسىن كۇش سالا ىلگەرىلەتىپ، تۇتاس رايونىمىزدىڭ ساياحات كاسىبىنىڭ جىلدام دامۋىن جۇزەگە اسىردى. ساياحات بويىنشا الەۋمەتتىك قىزمەت وتەۋدىڭ سايكەستى قۇرىلىسىن تەزدەتىپ، ساياحات ءىرى ساندى مالىمەتىنىڭ قولدانىلۋ اۋماعىن كەڭەيتىپ، ساياحات دارىندىلار قوسىنى قۇرىلىسىن كۇشەيتىپ، ساياحات ىستەرىن باقىلاۋ - باسقارۋدى كەمەلدەندىرىپ، قىزمەت وتەۋ جۇمساق ورتاسىن جاقسارتىپ، شينجياڭنىڭ ساياحات كاسىبىنىڭ ساپاسىن جوعارىلاتىپ، ونىمدىلىگىن ارتتىرۋىن جالپى بەتتىك ىلگەرىلەتۋدى ۇسىنىس ەتەمىن.



  مۇشە ءسارام پازىل مىناداي ۇسىنىس بەردى: نەگىزگى تۇلعالىق كۇشتى كۇشەيتىپ، ءارقايسى كۇشتەردى ءبىر تۇتاس جوسپارلاپ، اۋىل - قىستاقتى گۇلدەندىرۋ ستراتەگيا جۇلگەسىندە اۋىل - قىستاق ءوندىرىسىنىڭ، تۇرمىسىنىڭ جاڭا ۇلگىسىن قاراستىرىپ جانە جاڭالىق اشىپ، نازاردى نەگىزگى ساتىنىڭ ءىس جۇزىندىك قيىنشىلىعى مەن ماسەلەلەرىنە شوعىرلاندىرىپ، ۇزدىكسىز كۇش سالىپ، اۆتونوميالى رايوندىق پارتكومنىڭ حالىققا تيىمدىلىك جاساۋ ينجەنەريالارىنىڭ تياناقتانۋىن ىلگەرىلەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتۋ كەرەك.



  مۇشە جياڭ جيانرىن بىلاي دەدى: جوعارى مەكتەپتەردىڭ يدەولوگيا قىزمەتىن ويداعىداي ىستەۋدىڭ ايرىقشا ماڭىزدىلىعىن جەتە تانىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مەكتەپكە ەنۋىن، وقۋلىققا ەنۋىن، وي - ساناعا ءسىڭۋىن كۇش سالا ىلگەرىلەتىپ، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىن تۋى ايقىن تۇردە ۇزدىكسىز ورىستەتىپ، قوعام ورنىقتىلىعىن قورعاۋدىڭ قۇدىرەتتى وڭ ەنەرگياسىن قالىپتاستىرۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار