شينجياڭنىڭ كەدەيلىكتەن ارىلتۋدان قامال الۋ قىزمەت ءماجىلىسى اشىلدى
العاشقى ارىننان قايتپاي، شايقاسقا مىعىم قايراتپەن اتتانىپ، اۋىر كەدەي وڭىرلەردىڭ كەدەيلىكتەن ارىلتۋدان قامال الۋ شايقاسىندا باتىل جەڭىسكە قول جەتكىزۋ كەرەك
2019.02.18 15:52 كەلۋ قاينارى : شينجياڭ گازەتى
ءتىلشى لي ياڭ 2 - ايدىڭ 14 - كۇنى ۇرىمجىدەن حابارلايدى. 2 - ايدىڭ 13 - كۇنى تۇستەن كەيىن اۆتونوميالى رايوندىق پارتكوم كەدەيلىكتەن ارىلتۋدان قامال الۋ قىزمەتى ءماجىلىسىن اشتى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ، كەدەيلەردى سۇيەمەلدەۋ - وركەندەتۋ قىزمەتى جونىندەگى مەملەكەتتىك ءماجىلىستىڭ، «3 رايوننىڭ، 3 وبلىستىڭ» كەدەيلىكتەن ارىلتۋدان قامال الۋ جونىندەگى اڭگىمە ءماجىلىسىنىڭ، ورتالىقتىڭ 6 - شارلاۋ گرۋپپاسىنىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋ جۇرگىزۋدەن اڭىس ەتكەن پىكىرلەرىنىڭ رۋحىن دايەكتىلەندىرىپ، تياناقتاندىرىپ، باس نىسانانى مىقتاپ ارقاۋ ەتىپ، 2018 - جىلعى كەدەيلىكتەن ارىلتۋدان قامال الۋ قىزمەتىن قورىتىندىلاپ، 2019 - جىلعى قىزمەتتەر جونىنەن ورنالاستىرۋلار جاسادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ - وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ءماجىلىستى باسقاردى.
ءماجىلىس مىنانى اتاپ كورسەتتى: 2018 - جىل − شينجياڭنىڭ كەدەيلىكتەن ارىلتۋدان قامال الۋدا نىق قادام تاستاپ، ەلەۋلى جەتىستىكتەرگە قول جەتكىزگەن ءبىر جىل بولدى. ءبىر جىلدان بەرى، ءبىز پارتيانىڭ كەدەيلىكتەن ارىلتۋدان قامال الۋ قىزمەتىنە جاپپاي باسشىلىعىنان جازباي، قوعام ورنىقتىلىعى مەن كەدەيلىكتەن ارىلتۋدان قامال الۋدى ءبىر تۇتاس جوسپارلاپ، كەدەيلىكتەن ارىلتۋدىڭ جىلدىق نىسانا مىندەتتەرىن جاپپاي ورىنداپ، اۋىر كەدەي وڭىرلەردى كەدەيلىكتەن ارىلتۋدان قامال الۋدىڭ العاشقى شايقاسىن ءساتتى جۇرگىزدىك، كەدەي بۇقارانىڭ ءوندىرىس، تۇرمىس شارت - جاعدايى كورنەكتى جاقسارىپ، كەدەيلەردى سۇيەمەلدەۋ سالاسىنىڭ ستيل قۇرىلىسىندا تىڭ تىنىس بايقالدى، ءبىز تاريحتاعى ءارقايسى كەزەڭمەن سالىستىرعاندا، جالپى قامال الۋ نىساناسىنا اناعۇرلىم جاقىنداي تۇستىك. ءجۇز شاقىرىمدىق جولدىڭ توقسان شاقىرىمىن باسساڭ دا، ءالى جولدامىن دەپ ءبىل دەگەندەي، كەدەيلىكتەن ۋاعىندا ارىلتۋ مىندەتى ءالى دە جاپالى ءارى اۋىر، ءسوز جوق، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، العاشقى تەبىننەن قايتپاي، شايقاسقا مىعىم قايراتپەن اتتانىپ، ءىس جۇزىندىك ارەكەت ارقىلى پارتياعا شارتسىز ادالدىقتى امالياتتا ايگىلەۋ كەرەك.
ءماجىلىس بىلاي دەپ باسا دارىپتەدى: ورتالىقتىڭ ارناۋلى شارلاۋ جۇرگىزۋدەن اڭىس ەتكەن ماسەلەلەردى رەتتەۋ - تۇزەتۋدى وراي ەتىپ، قىزمەت دەڭگەيىن جاپپاي جوعارىلاتۋ كەرەك. باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، شىن مانىندە جەتە ۇيرەنىپ، جەتە يگەرىپ، شىنايى تياناقتاندىرۋ كەرەك. يدەيا مەن ارەكەتتى ورتالىقتىڭ ارناۋلى شارلاۋ جۇرگىزۋدەن اڭىس ەتكەن پىكىرلەرىمەن شىنايى بىرلىككە كەلتىرىپ، رەتتەۋ - تۇزەتۋدى، تياناقتاندىرۋدى قاز - قالپىندا ويداعىداي يگەرۋ كەرەك. جالپى قامال الۋ نىساناسىنان جازباي، وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەردى نەگىزگى شايقاس مايدانى ەتىپ، نازاردى بىتىراتپاۋ، نىسانادان اۋىتقىماۋ كەرەك. قازىرگى ولشەمدى قاتايتىپ، ولشەمدى تومەندەتپەۋمەن بىرگە، اراندى اشتىرىپ جىبەرمەۋ كەرەك. دالمە - ءدال شارا اتقارۋدى كۇشەيتىپ، «جەتى ءبىر توپتى» ناقتىلاندىرىپ، اشالاپ، ءاربىر قىستاققا، ءاربىر وتباسىنا، ءاربىر ادامعا دەيىن جەتكىزىلۋىنە كەپىلدىك ەتۋ كەرەك. ولقىلىقتاردى تولىقتاپ، وقۋ - اعارتۋ جاعىنان سۇيەمەلدەۋ، سالاماتتىق جاعىنان سۇيەمەلدەۋ جانە نەگىزدىك قۇرىلعىلار قۇرىلىسى سەرپىنىن اناعۇرلىم ارتتىرىپ، كەدەيلەردىڭ كەدەيلىكتەن ورنىقتى ارىلۋىن پارمەندى تىرەكپەن قامداۋ كەرەك. اۆتونوميالى رايوننىڭ كەدەيلىكتەن ارىلتۋدان قامال الۋ ۇلكەن ساندى مالىمەت تۇعىرىنان پايدالانۋ دەڭگەيىن جوعارىلاتىپ، كەدەيلىكتەن دالمە - ءدال ارىلتۋعا دەم بەرۋ كەرەك. قامال الۋ بىرىككەن كۇشىن ۇيىستىرىپ، ءتىپتى دە كوپ كۇشتىڭ كەدەيلىكتەن ارىلتۋدان قامال الۋعا ات سالىسۋىنا قول جەتكىزۋ كەرەك.
ءماجىلىس بىلاي دەپ اتاپ كورسەتتى: ورنىقتىلىقتى قورعاۋ مەن كەدەيلىكتەن ارىلتۋدان قامال الۋدى ءوزارا بىرلىككە كەلتىرۋگە، ءتۇيىن مەن جالپىنى ءوزارا بىرلىككە كەلتىرۋگە، كەدەيلىكتەن ارىلتۋدان قامال الۋدى بەكەمدەۋمەن، جوعارىلاتۋمەن ءوزارا بىرلىككە كەلتىرۋگە، كەدەيلەردى سۇيەمەلدەۋدى ەرىك - جىگەر جانە اقىل - پاراسات جاعىنان سۇيەمەلدەۋمەن ءوزارا بىرلىككە كەلتىرۋگە تاباندى بولىپ، كەدەيلىكتەن ارىلتۋدان قامال الۋدىڭ سايكەستى، جان - جاقتى ىلگەرىلەتىلۋىنە كەپىلدىك ەتۋ كەرەك. قىزمەت جاۋاپكەرشىلىگىن ناقتىلاندىرىپ، قۋزاۋ - تەكسەرۋدى، باعالاۋدى كۇشەيتىپ، ستيلدى جونگە سالۋدى تەرەڭدەتىپ، تاماشا ورتا قالىپتاستىرىپ، كەدەيلىكتەن ارىلتۋدان قامال الۋ شايقاسىندا جوعارى ساپامەن ۋاعىندا جەڭىسكە جەتۋ كەرەك.
ءماجىلىس 2018 - جىلى اۆتونوميالى رايوننىڭ كەدەيلىكتەن ارىلتۋدان قامال الۋ سيلىعى بويىنشا ماراپاتتالعان جەكەلەر مەن ورىنداردى ماداقتاپ سيلادى. 13 ايماق، وبلىس، قالا، 16 ارناۋلى گرۋپپا اۆتونوميالى رايوندىق پارتكومنىڭ كەدەيلىكتەن ارىلتۋدان قامال الۋ جاۋاپكەرشىلىك حاتىنا، سونداي - اق ورتالىقتىڭ 6 - شارلاۋ گرۋپپاسى اڭىس ەتكەن پىكىرلەرى بويىنشا رەتتەۋ - تۇزەتۋ جاۋاپكەرشىلىك حاتىنا قول قويدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
