شينجياڭنان ەكى ورىنداعى ەجەلگى جۇرت 2018 – جىلعى بۇكىل ەلىمىز بويىنشا ارحەولوگيا سالاسىندا بايقالعان ون ءىرى ەجەلگى جۇرتتىڭ قاتارىنا قوسىلدى
2019.02.26 13:21 كەلۋ قاينارى : حالىق تورابى
حالىق تورابى، 2 – ايدىڭ 26 – كۇنى، بەيجيڭ. «شينجياڭ گازەتىنىڭ» حابارلاۋىنشا، جۇڭگو مەملەكەتتىك مادەني مۇرالار مەكەمەسىنىڭ تاپسىرۋىمەن جۇڭگو مادەني مۇرالار گازەتحاناسى مەن جۇڭگو ارحەولوگيا عىلمي قوعامى ۇيىمداستىرعان 2018 – جىلعى بۇكىل ەلىمىزدەگى ارحەولوگيا سالاسىنداعى ون ءىرى بايقاۋدىڭ العاشقى ناتيجەسى 2 – ايدىڭ 19 – كۇنى جاريالاندى، شينجياڭنان قۇستا ەجەلگى جۇرتى مەن جىرىنتاي ەجەلگى جۇرتى قاتارعا قوسىلدى.
قۇستا جۇرتى اراسان اۋدانىندا بولىپ، جۇڭگو قوعامدىق عىلىمدار اكادەمياسى ارحەولوگيالىق زەرتتەۋ بولىمشەسى مەن شينجياڭ مادەني مۇرالار جانە ارحەولوگيالىق زەرتتەۋ مەكەمەسى، بۇراتالا موڭعۇل اۆتونوميالى وبلىستىق مادەني مۇرالار مەكەمەسى، سونداي – اق، اراسان اۋداندىق مادەني مۇرالار مەكەمەسى بىرلەسكەن ارحەولوگيالىق قازۋ جۇمىستارى ارقىلى كوپ مولشەردەگى قولا بۇيىمداردى، جىلقىنىڭ باس سۇيەگى قاتارلى بۇيىمداردى قازىپ العان، ماماندار قازىپ الىنعان كوپ مولشەردەگى شىنى بۇيىمدار، قولا بۇيىمدار قاتارلىلارمەن بىرلەستىرە وتىرىپ، سونداي – اق، كومىرتەگى 14 تەكسەرۋ ناتيجەسىنە نەگىزدەلىپ، اتالعان ەجەلگى جۇرتتى شينجياڭداعى قولا قۇرالدار ءداۋىرىنىڭ باستاپقى مەزگىلىندەگى كولەمدى ەلدى مەكەننىڭ جۇرتى دەپ قارادى، ۋاقىتى 3600 جىلدان كەم ەمەس، بۇل ارادا تىرشىلىك ەتكەن ادامدار ەگىنشىلىك جۇمىسىن نەگىز ەتىپ، قوسىمشا مال شارۋاشىلىعىمەن شۇعىلدانعان، بۇل بايقاۋ قولا قۇرالدار داۋىرىندەگى ازيا – ەۆروپا ساحاراسىنداعى قوعامنىڭ دامۋ جاعدايى، قوعامنىڭ ۇيىمداسۋ قۇرىلىمى جانە شينجياڭنىڭ تاريحتان بۇرىنعى داۋىردەگى اۋىل شارۋاشىلىعى جانە مال شارۋاشىلىعىنىڭ باستالۋى، سونداي – اق، شىعىس پەن باتىس مادەنيەتىنىڭ اۋىس – كۇيىسى قاتارلىلاردى زەرتتەۋ قىزمەتىن ماڭىزدى ماتەريالدارمەن قامدادى.
شينجياڭ مادەني مۇرالار جانە ارحەولوگيالىق زەرتتەۋ بولىمشەسى ىلگەرىندى – كەيىندى نىلقى اۋدانىنداعى جىرىنتاي ساي اۋىزى ەجەلگى جۇرتىنا ءۇش رەت ارحەولوگيالىق قازۋ جۇمىستارىن جۇرگىزىپ، اتالعان ەجەلگى جۇرتتىڭ قازىرگە دەيىنگى دۇنيە جۇزىندەگى كومىردى ەڭ ەرتە پايدالانعان جۇرت ەكەنىن بايقادى، بۇل ادامزاتتىڭ كومىردى پايدالانۋ تاريحىن 1000 جىل ارىعا قاراي ىلگەرىلەتتى. بۇل ارادان تاعى شينجياڭداعى تاريحتان بۇرىنعى مەزگىلدەگى كولەمى ەڭ زور، ەڭ تولىق ساقتالعان مۇنارا قالدىعى مەن جەر وشاق، كۇرەسىن، قورىتۋ ورنى، كومىر ءۇيىندىسى قاتارلى 200 نەشە قالدىق تابىلىپ، قالدىق زاتتاردان 1000نان استام ۇلگى جينالعان، بۇل ۇلگىلەر تاريحتان بۇرىنعى داۋىردە ىلە وزەنى الابىنىڭ شينجياڭداعى كوپ ءتۇرلى مادەنيەت توعىسقان ماڭىزدى ءوڭىر بولعانىن راستادى، بۇل شينجياڭنىڭ تاريحتان بەرى كوپ ۇلت قونىستانعان ءوڭىر ەكەنىن ايقىنداۋدا ماڭىزدى رەال ءمان الادى.
شينجياڭ مادەني مۇرالار جانە ارحەولوگيالىق زەرتتەۋ مەكەمەسى باستىعىنىڭ ورىنباسارى، زەرتتەرمەنى لي ۋىنيىڭنىڭ ايتۋىنشا، وسىدان بۇرىن ءتورت جىل بويى شينجياڭنىڭ ارحەولوگيالىق زەرتتەۋ نىساندارى سوڭعى باعالاۋ قاتارىنا كىرگەن، بۇل جولى تاعى ەكى نىسان قاتارعا كىردى، بۇل جۋىرداعى جىلداردان بەرى شينجياڭنىڭ مادەني مۇرالار جانە ارحەولوگيا سالاسىنىڭ دامۋ بەتالىسى جاقسى بولعانىن كورسەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
