بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

تيانشاننىڭ تۇستىگى مەن تەرىستىگىندە اسەم دە ايبىندى سۋرەت سالدى (شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە — جاڭا ءداۋىر، جاڭا ناتيجە، جاڭا داستان)

— شينجياڭنىڭ باس شۋجي شي جينپيڭنىڭ مەملەكەتتىك ەكى ماجىلىستەگى ماڭىزدى ءسوزىنىڭ رۋحىن تياناقتاندىرۋى جونىندە

گازەتىمىز تىلشىلەرى: ياڭ ميڭفاڭ، ارداق، لي يانان

2019.02.26 14:27     كەلۋ قاينارى : حالىق تورابى

  77 مىڭ


  بيىل شينجياڭ 120 مىڭ قىزمەت اترەتىن تاڭداپ جىبەرىپ، 77 مىڭ پارتيالى كادر قىستاقتاردا تۇرىپ، «حالىقتىڭ جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋداي» قىستاقتا تۇرۋ قىزمەتىنىڭ بۇكىل شينجياڭداعى قالا مەن اۋىلدى تۇگەل قامتۋىن ىسكە اسىردى.


  537 مىڭ ادام


  2018 – جىلى شينجياڭنان جيىنى 537 مىڭ ادام كەدەيلىكتەن ارىلدى، كەدەيلىكتىڭ تۋىلۋ مولشەرى %6.51كە تومەندەدى


  7 ميلليون 160 مىڭ دانا


  2018 – جىلدىڭ سوڭىنا دەيىن، شينجياڭنان جيىنى ءبىر ميلليون 120 مىڭ كادر، جۇمىسشى – قىزمەتكەر ءبىر ميلليون 690 مىڭ وتباسىنداعى ءار ۇلت جۇرتشىلىعىمەن جۇپ قۇراپ، تۋىس بولدى. اۆتونوميالى رايون بويىنشا كادرلار مەن جۇمىسشى – قىزمەتكەرلەر جۇرتشىلىققا 15 ميلليون 130 مىڭ رەت امانداسا بارعان، 7 ميلليون 160 رەت ناقتى ءىس، جاقسى ءىس ىستەگەن، ۇلتتار ىنتىماعى جاعىنداعى بىرلەسكەن قيمىلدان 7 ميلليون 810 مىڭ مايدان – رەت قيمىل وتكىزگەن.


  قىپ - قىزىل قوراپتى شام بيىك ءىلىنىپ، مەرەكەلىك رەڭدى شامدار اينالانى نۇرعا بولەدى. بيىلعى كوكتەم مەرەكەسى مەزگىلىندە تيانشاننىڭ تۇستىگى مەن تەرىستىگى مەرەكە مەرەيىنە شومدى، شينجياڭ ەل ىشىندەگى ساياحاتشىلاردان 3 ميلليون 11 مىڭ 700 ساياحاتشى قابىلدادى، بۇل بىلتىرعى وسى مەزگىلدەگىمەن سالىستىرعاندا %71.33 ارتتى؛ ساياحات سالاسىنىڭ جالپى كىرىسى 3 ميلليارد 616 ميلليون يۋان بولىپ، بىلتىرعى وسى مەزگىلدەگىمەن سالىستىرعاندا %74.42 ارتتى، وسىلايشا قوس – قوستان تاريحي جاڭا رەكوردتى جاراتتى. بۇل شينجياڭنىڭ ورنىقتىلىعىنىڭ تابىسى، وتە – موتە، شينجياڭداعى قالىڭ كادرلار مەن جۇرتشىلىقتىڭ باس شۋجي شي جينپيڭنىڭ ماڭىزدى سوزدەرىنىڭ رۋحىن جەتەكشى ەتە وتىرىپ، جاراتقان ۇزدىك ناتيجەسى ەسەپتەلەدى.


  2017 – جىلى 3 – ايدىڭ 10 – كۇنى باس شۋجي شي جينپيڭ 12 – كەزەكتى مەملەكەتتىك حالىق قۇرىلتايى 5 – ءماجىلىسى شينجياڭ ۋاكىلدەر ۇيىرمەسىنىڭ تالقىسىنا قاتىناسىپ، شينجياڭ ۋاكىلدەر ۇيىرمەسىمەن مەملەكەت ىستەرىن كەڭەسىپ، شينجياڭداعى ءار ۇلت جۇرتشىلىعىنا اسا زور شابىت سيلاعان بولاتىن.


  شينجياڭ ۇيعۇر اۆتونوميالى رايوندىق پارتكومنىڭ شۋجيى چىن چۋانگو: «شينجياڭداعى ءار ۇلت كادرلەرى مەن جۇرتشىلىعى باس شۋجي شي جينپيڭنىڭ تاپسىرماسىن ەستە بەرىك ساقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، قوعامنىڭ ورنىقتىلىعى مەن باياندى تىنىشتىعى سىندى باستى نىساناعا نازاردى شوعىرلاندىرىپ، بىلەكتى سىبانا جۇمىسقا كىرىستى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى باسقارۋ باعىت – ساياساتتارى تيانشاننىڭ تۇستىگى مەن تەرىستىگىنە تەرەڭ تامىر تارتتى»، — دەدى.


  ەكى جىل ىشىندە شينجياڭداعى ءار ۇلت كادرلارى مەن جۇرتشىلىعى بىرگە قۇلشىنۋ بارىسىندا، ەستە قالارلىق ەلەۋلى ناتيجەلەردى جاراتتى. باس شۋجيدىڭ ماڭىزدى تاپسىرىعى ءار دارەجەلى كادرلاردىڭ قىزمەت مىندەتىن ادا ەتۋدەگى بورىشتىلىق سەزىمىنە قانات ءبىتىردى؛ باس شۋجيدىڭ قامقورلىعى كورىكتى شينجياڭدى تاعى ءبىر بيىك بەلەسكە جەتەلەيتىن سارقىلماس قۋاتقا اينالدى.


  «ورنىقتىلىقتى ساقتاۋدى ساياسي جاۋاپكەرشىلىك ەتەيىك»


  «ۇعىسۋ، تيىمدىلىك جەتكىزۋ، توعىستىرۋداي» قىستاقتا تۇرۋ قىزمەتى بۇكىل شينجياڭدى تۇگەل قامتۋدى ىسكە اسىردى


  قيمىل بولمەسىنەن ويناقى مۋزيكا ءۇنى ەستىلىپ، قىستاق كوميتەتىنىڭ اۋلاسىنان پىسقان ەتتىڭ ءيىسى اڭقىدى ... 2 – ايدىڭ 4 – كۇنى تۇستە، وتانىمىزدىڭ باتىس سولتۇستىك شەكاراسىنداعى تارباعاتاي ايماعى قوبىقسارى موڭعۇل اۆتونوميالى اۋدانى شاعانادىر قىستاعىندا 60 جاستان اسقان قارتتار مەملەكەتتىك ەلەكتر تورابى تارباعاتاي ەلەكترمەن قامداۋ سەرىكتەستىگىنىڭ «ۇعىسۋ، تيىمدىلىك جەتكىزۋ، توعىستىرۋ» (حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ) قىزمەتىندەگى قىستاقتا تۇراتىن قىزمەت اترەتىنىڭ قىستاقتا تۇراتىن كادرلارىمەن باس قوسىپ، كونە جىلدى اتتاندىرىپ، جاڭا جىلدى قارسى الدى. 92 جاستاعى قىستاق تۇرعىنى تورعاىجيدىڭ ايتۋىنشا، قىستاقتىڭ ءبىرىنشى شۋجيى، قىستاقتا تۇراتىن قىزمەت اترەتىنىڭ باستىعى ياڭ شيچىڭ ءۇش جىلدان بەرى قىستاقتا تۇرىپ، 3 جىل ۋاقىتىن قىستاقتاعى جۇرتشىلىقپەن بىرگە وتكىزگەن.


  ۇعىسۋعا قاراعاندا، بيىلعى كوكتەم مەرەكەسى مەزگىلىندە شينجياڭداعى قىستاقتا تۇراتىن قىزمەت اترەتتەرىندەگى 77 مىڭ ادام قىزمەت ورىندارىنان تاپجىلماي، قىستاق تۇرعىندارىمەن بىرگە تاماقتانىپ، بىرگە تۇرعان، كونە جىلدى بىرگە اتتاندىرىپ، جاڭا جىلدى بىرگە قارسى العان.


  باس شۋجي شي جينپيڭ شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى اتاپ كورسەتكەن: ورنىقتىلىقتى ساقتاۋدى ساياسي مىندەت ەتۋدە تاباندى بولىپ، ەرتە باستان ۇستاۋ، ۇلعايماي تۇرعاندا ۇستاۋ، تەز دە ويداعىداي ۇستاۋدى تابان تىرەر تياناق ەتىپ، ۇزاق ۋاقىتتىق شارا قولدانىپ، نەگىزدى بەكەمدەۋ شاراسىن اتقارۋ، ۇزاق ۋاقىتتىق تىنىش جاعدايدى قالىپتاستىرۋ، باياندى وڭالتۋ ىستەرىندە ناتيجە جاراتۋ كەرەك.


  اۆتونوميالى رايوندىق پارتكوم ۇيىمداستىرۋ ءبولىمى باستىعىنىڭ ورىنباسارى، بيڭتۋان پارتكومى ۇيىمداستىرۋ ءبولىمى باستىعىنىڭ ورىنباسارى، اۆتونوميالى رايوندىق «ۇعىسۋ، تيىمدىلىك جەتكىزۋ، توعىستىرۋ» قىستاقتا تۇرۋ قىزمەتىنە باسشىلىق ەتۋ گرۋپپاسى كەڭسەسى مەڭگەرۋشىسىنىڭ ۇنەمىلىك ىستەرگە جاۋاپتى ورىنباسارى لين ۋەي: قىستاقتا تۇرۋ قىزمەتىن ورىستەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شيجياڭدى باسقارۋ ستراتەگياسىن دايەكتى تياناقتاندىرۋدىڭ، وتە – موتە، قوعامنىڭ ورنىقتىلىعى مەن باياندى تىنىشتىعى سىندى باستى نىسانانى جۇزەگە اسىرۋدىڭ ماڭىزدى شاراسى بولىپ تابىلادى، — دەيدى.


  «ۇعىسۋ، تيىمدىلىك جەتكىزۋ، توعىستىرۋداي» قىستاقتا تۇرۋ قىزمەتى باستالعاننان بەرى، اۆتونوميالى رايوندىق ءار دارەجەلى ورگاندار جىل سايىن 70 مىڭنان استام كادردى قىستاقتا تۇرۋعا جىبەرەدى، بۇل قىزمەت بارلىق قىستاقتاردى (الەۋمەتتىك رايونداردى) تولىق قامتىدى، جيىنى 350 مىڭ ادام – رەتتەن استام قىزمەتكەردى تاڭداپ جىبەردى. بيىل جيىنى 12 مىڭ قىزمەت اترەتى بويىنشا 77 مىڭ پارتيالى كادردى شينجياڭنىڭ جەر – جەرىنە جىبەرىپ، قىستاقتا تۇرۋ قىزمەتى قالا مەن اۋىلدى تۇگەل قامتىدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار