شينجياڭداعى ءار ۇلت حالقى ءبىر نيەتپەن ىنتىماقتاسىپ، بارعان سايىن باقىتتى كۇن كەشۋدە
حالىق گازەتىنىڭ ءتىلشىسى لۋ شياۋلين، لي يانان
2019.03.11 15:10 كەلۋ قاينارى : حالىق تورابى
شينجياڭ ۇيعۇر اۆتونوميالى رايونى كەريا اۋدانىنداعى قۇربان تۇلىم ەسكەرتكىش سارايىنىڭ ءتۇسىندىرۋشىسى، مەملەكەتتىك حالىق قۇرىلتايىنىڭ ۋاكىلى رۋقيام ءماتسادى: «وتكەن ءبىر جىلدا، مەملەكەت حالىققا ءتيىمدى كوپتەگەن جاقسى ساياساتتاردى ورتاعا قويدى، اتا – مەكەنىمىزدىڭ وزگەرىسى جىلدان – جىلعا كوبەيۋدە، كوپشىلىك باس شۋجي شي جينپيڭگە، پارتيا ورتالىق كوميتەتىنە شىن جۇرەكتەن العىس ايتادى»، — دەدى.
بىرنەشە كۇننەن بەرى، ۇكىمەت قىزمەتىنەن باياندامادا ورتاعا قويىلعان «ۇلتتار ىنتىماعى، العا باسارلىعى جونىندەگى تاربيەنى تەرەڭدەتىپ، ءار ۇلتتىڭ بەرەكەسى مەن ىنتىماعىن، ءبىر نيەتتە بولۋىن، جاراسىمدى دامۋىن ىلگەرىلەتۋ كەرەك» دەگەن دارىپتەمەنى شينجياڭ ۋاكىلدەر ۇيىرمەسى مەن شينجياڭداعى ءار ۇلت حالقى قىزۋ قولدادى. ولار مىنانى ءبىلدىردى: ۇلتتار ىنتىماعى دامۋدىڭ ىرگە تاسى، ۇلتتار ىنتىماعىن كوزىمىزدىڭ قاراشىعىن ايالاعانداي ايالاۋىمىز كەرەك.
قازىر رۋقيام كۇن سايىن شار – تاراپتان كەلگەن ساياحاتشىلارعا ءوز وتباسىنىڭ ءتورت ۇرپاقتان بەرى باستان كەشىرگەن حيكايالارىن اڭگىمەلەيدى. رۋقيام بىلاي دەيدى: شينجياڭداعى ءار ۇلت كادرلارى مەن جۇرتشىلىعى ۇلتتار ىنتىماعىن توتەنشە قاستەرلەيدى، ۇلتتار ىنتىماعى ولاردىڭ كۇندەلىكتى تۇرمىسى، مەكتەپتەگى وقۋ – اعارتۋ، وتباسىنداعى ءتالىم – تاربيە، قوعامدىق ءتالىم – تاربيە قاتارلى سان – سالالى جاقتارمەن توعىسىپ جاتادى.
«‹ۇعىسۋ، تيىمدىلىك جەتكىزۋ، توعىستىرۋ› (حالىق تىلەگىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ) سىندى قىستاقتا تۇرۋ قىزمەتى ءار ۇلت جۇرتشىلىعىنىڭ كوكەيىنە ۇيالادى»، — دەيدى اۆتونوميالى رايوندىق تۇرعىن ءۇي جانە قالا – اۋىل قۇرىلىسى مەڭگەرمەسىنىڭ ءپايزاۋات اۋدانى قىزىلسۋ اۋىلى اياعلانعان قىستاعىندا تۇراتىن «ۇعىسۋ، تيىمدىلىك جەتكىزۋ، توعىستىرۋ» قىزمەت اترەتىنىڭ باستىعى، ءبىرىنشى شۋجيى، چىن لياڭ ۋاكىل. ول قىستاقتا تۇرعان 3 جىل ىشىندە قىستاقتىڭ دامۋ وزگەرىستەرىنە كۋا بولدى، ول: «اياعلان قىستاعىندا ‹ۇلتتار ىنتىماعىنىڭ بەرەكەلى شاڭىراعى› قيىمىلى ۇزدىكسىز ىشكەرىلەي اتقارىلىپ، تۋىستاسقان كادرلار قىستاق تۇرعىندارىنىڭ 100دەن استام قيىنشىلىقتارى مەن تالاپتارىن شەشىم ەتتى»، — دەيدى.
چىن لياڭ بىلاي دەپ تانىستىردى: «ۇعىسۋ، تيىمدىلىك جەتكىزۋ، توعىستىرۋ» سىندى قىستاقتا تۇرۋ قىزمەتى باستالعاننان بەرى، اۆتونوميالى رايونداعى ءار دارەجەلى ورگاندار جىلىنا 70 مىڭنان استام كادردى قىستاقتا تۇرۋعا جىبەردى، بۇل بارىستا بۇكىل قىستاقتار (الەۋمەتتىك رايوندار) قامتىلىپ، كادرلەردەن جيىنى 35 مىڭ ادام – رەت تاڭداپ جىبەرىلدى. 2019 – جىلى جيىنى 12 مىڭ قىزمەت اترەتى بويىنشا 77 مىڭ كادر شينجياڭنىڭ جەر – جەرىنە تارالىپ، اۋىل – قىستاقتا تۇرۋ قىزمەتىنىڭ قالالار مەن اۋىلداردى تۇگەل قامتۋىن ىسكە اسىردى.
2018 – جىلدىڭ سوڭىنا دەيىن، بۇكىل شينجياڭ بويىنشا ءبىر ميلليون 120 مىڭ كادر، جۇمىسشى – قىزمەتكەرلەر مەن ءبىر ميلليون 690 مىڭ ءار ۇلت بۇقاراسى جۇپ قۇراپ، تۋىستاستى. اۆتونوميالى رايون بويىنشا كادرلار مەن جۇمىسشى – قىزمەتكەرلەر جۇرتشىلىققا 15 ميلليون 130 مىڭ رەت امانداسا باردى جانە ولاردان حال سۇرادى، 7 ميلليون 160 مىڭ رەت ناقتى ءىس جانە جاقسى ءىس ىستەدى، ۇلتتار ىنتىماعى بىرلەسكەن ساۋىق قيمىلىنان 7 ميلليون 810 مىڭ مايدان – رەت ويىن – ساۋىق قويدى. اۆتونوميالى رايوندىق پارتكوم بىرلىكساپ ءبولىمى باستىعىنىڭ ورىنباسارى، «ۇلتتار ىنتىماعىنىڭ بەرەكەلى شاڭىراعى» قيمىلىنا باسشىلىق ەتۋ گرۋپپاسى كەڭسەسىنىڭ جاۋاپتىسى ۋاڭ كىيۇڭ: «ۇلتتار ىنتىماعىنىڭ بەرەكەلى شاڭىراعى» اتتى قيمىلدار ءار ۇلت جۇرتشىلىعىنىڭ ۇلتتار ىنتىماعىن بەلسەندى تۇردە ىلگەرىلەتۋ ىنتاسىنا شابىت بەردى، — دەدى.
10 نەشە جىلدان بۇرىن، شينجياڭ ءوندىرىس – قۇرىلىس بيڭتۋانى 1 – ديۆيزياسى 13 – تۋانى 11 – ليانىنىڭ جۇمىسكەرى يوۋ لياڭيڭ ۋاكىل حوتان ايماعى گۇما اۋدانىنداعى ۇيعۇر دوسى مامەتتۇرۇپ مۇساقپەن تانىسادى، ەكەۋى سودان باستاپ تەرەڭ اپەكە – باۋىرلىق قارىم – قاتىناس ورناتادى؛ ول تاعى 13 – تۋاندەگى 16 جۇمىسشى – قىزمەتكەرمەن بىرگە ارال شەكارالىق قىزىل الما اۋىل شارۋاشىلىعى كاسىپتىك كوپەراتيۆىن قۇرادى، ول: وڭتۇستىك شينجياڭداعى از ۇلت جۇرتشىلىعىنىڭ كاسىپتەنۋىن ىسكە اسىرۋىنا كومەكتەسىپ، كەدەيلىكتەن ارىلتىپ، كىرىستەرىن ارتتىرۋ بارىسىندا، ءبىز ۇلتتار ىنتىماعىنىڭ كۇش – قۋاتىن سەزىندىك، — دەيدى.
گۇما اۋدانىنداعى مامەتتۇرۇپ مۇساق ەكى ءماجىلىس مەزگىلىندە تەلەۆيزوردان يوۋ لياڭيىڭدى كورىپ، كوپ جىلدان بەرى يوۋ لياڭيىڭ اپەكەسىمەن اراداعى وتكەن – كەتكەن ىستەردى ەسكە الدى، ول: اپەكەم ماعان ءار ۇلت ادامدارىمەن دوستاسۋدى ۇيرەتتى. قازىر مەن دە قىستاق كادرىمىن، كوپشىلىكتىڭ ورتاق قۇلشىنۋىنىڭ ارقاسىندا، تۇرمىسىمىزدىڭ كۇننەن – كۇنگە جاقسارا تۇسەتىنىنە سەنىمىمىز كامىل، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
