2019 – جىلعى ەڭبەكشىلەر مەرەكەسىنىڭ دەمالىس ۋاقىتى 5 – ايدىڭ 1 – كۇنىنەن 4 – كۇنىنە دەيىن ءتورت كۇن بولىپ وزگەرتىلدى
2019.03.25 15:13 كەلۋ قاينارى : حالىق تورابى
حالىق تورابى، 3 – ايدىڭ 25 – كۇنى، بەيجيڭ. 3 – ايدىڭ 22 – كۇنى «مەملەكەتتىك كەڭەستىڭ كەڭسە مەڭگەرمەسى 2019 – جىلعى ەڭبەكشىلەر مەرەكەسىنىڭ دەمالىس ورنالاستىرۋى جونىندەگى ۇقتىرۋدى» جاريالادى، مەملەكەتتىك كەڭەستىڭ بەكىتۋىمەن 2019 – جىلعى ەڭبەكشىلەر مەرەكەسىنىڭ دەمالىس ۋاقىتى 5 – ايدىڭ 1 – كۇنىنەن 4 – كۇنىنە دەيىن ءتورت كۇن بولىپ وزگەرتىلدى. 4 – ايدىڭ 28 – كۇنى (جەكسەنبى)، 5 – ايدىڭ 5 – كۇنى (جەكسەنبى) قىزمەتكە شىعادى.
«مەملەكەتتىك جىلدىق مەرەكە جانە ەسكە الۋ كۇندەرىنىڭ دەمالىس بەرۋ ءادىسى» بويىنشا، اپتالىق دەمالىستى تەڭشەۋدىڭ قالىپتى قىزمەت، تۇرمىس ريتىمىنە ىقپال جاساۋىنىڭ الدىن الۋ ءۇشىن، جاڭا جىل مەرەكەسى، كوكشىبىق مەرەكەسى، ەڭبەكشىلەر مەرەكەسى، قياق كۇرىش مەرەكەسى، ورتاڭعى كۇز مەرەكەسى قاتارلى بەس مەرەكە سارسەنبى كۇنگە تۋرا كەلگەندىكتەن تەك سول كۇنى عانا دەمالۋعا تۋرا كەلىپ، دەمالىس تەڭشەلمەگەن. 2019 – جىلعى ەڭبەكشىلەر مەرەكەسى ءدال سارسەنبى كۇنگە تۋرا كەلگەن، اسىلگى ورنالاستىرۋدا دەمالىس تەك ءبىر كۇن عانا بولاتىن.
بۇل جاعدايعا قاراتا، كوپتەگەن جۇرتشىلىق ءبىر قانشا جاقسى پىكىرلەرى مەن ۇسىنىستارىن ورتاعا قويعان، جاڭا عانا اياقتالعان 2019 – جىلعى ەكى ماجىلىستە، ءىشىنارا مەملەكەتتىك حالىق قۇرىلتايىنىڭ ۋاكىلدەرى مەن ساياسي كەڭەستىڭ مۇشەلەرى ەڭبەكشىلەر مەرەكەسىنىڭ وزگەشەلىگى مەن ماۋسىمدىق وزگەشەلىگىن ويلاستىرا وتىرىپ، وزگەرتۋ جانە تەڭشەۋ جونىندە ۇسىنىستى ورتاعا قويعان. مەملەكەتتىك كەڭەس قاتىستى ورىنداردىڭ مۇقيات زەرتتەۋىن، سونداي – اق ءمالىم مولشەردە پىكىردى ويلاستىرۋىن تالاپ ەتكەن، وسى نەگىزدە 2019 – جىلعى ەڭبەكشىلەر مەرەكەسى دەمالىس ۋاقىتى دەمالىستى تەڭشەۋ ءادىسى ارقىلى ءتورت كۇن بولىپ وزگەردى.
مەملەكەتتىك دامىتۋ جانە رەفورمالاۋ كوميتەتىنىڭ قاتىستى جاۋاپتىسىنىڭ ايتۋىنشا، ەڭبەكشىلەر مەرەكەسى كوكتەم مەن جازدىڭ اۋىسار تاماشا مەزگىلى، اۋا رايى جانعا جايلى، كوپتەگەن تۇرعىندار كوكتەم كەلىپ گۇل اشىلعان شاقتا سىرتقا شىعىپ ساياحاتتاۋدى، تۋىسشىلاۋدى، سەيىلدەۋدى ۇناتادى. حالىق بۇقاراسىنىڭ اۋانىنا جاۋاپ بەرۋ ءۇشىن وسىنداي شەشىم جاساۋ، حالىقتى وزەك ەتكەن دامۋ يدەياسىن تولىق ايگىلەدى، قوعام مەن ەل اۋانىن ۇيلەستىرىپ، حالىق بۇقاراسىنىڭ الۋان ءتۇرلى قاجەتىن ءتىپتى دە قاناعاتتاندىرۋعا پايدالى بولىپ، حالىق بۇقاراسىنىڭ تابىس سەزىمى مەن باقىت سەزىمىن ءتىپتى دە جوعارىلاتادى.
كەلۋ قاينارى؛ حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
