بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ ۇيعۇر اۆتونوميالى رايونى بيىل ەمتيحان ارقىلى 2747 ۇكىمەت قىزمەتكەرىن اشىق قابىلدايدى

2019.03.26 15:24     كەلۋ قاينارى : حالىق تورابى

  حالىق تورابى، 3 – ايدىڭ 26 – كۇنى، بەيجيڭ. شينجياڭ ۇيعۇر اۆتونوميالى رايونى ەمتيحان ارقىلى 2747 ۇكىمەت قىزمەتكەرىن قوعامىنان اشىق قابىلداۋ قىزمەتى جوسپارىن باستادى. ەمتيحانعا تىزىمدەلۋ ۋاقىتى 3 - ايدىڭ 25 - كۇنىنەن 3 - ايدىڭ 31 - كۇنىنە دەيىن، جازباشا ەمتيحان ۋاقىتى 4 - ايدىڭ 20 - كۇنى، 21 - كۇنى، 5 - ايدىڭ سوڭىندا جازباشا ەمتيحاننىڭ ناتيجەسى جاريالانادى.

  بيىل شينجياڭ ەمتيحان الىپ، قوعامنان ۇكىمەت قىزمەتكەرىن اشىق قابىلداۋدا نوپوس شەكتەمەسىن لايىقتى كەڭەيتىپ، ازداعان قىزمەت ورنىنا قىزمەتكەردى بۇكىل مەملەكەتتەن قابىلداۋدى جوسپارلادى. ۇكىمەت قىزمەتكەرلەرىن ەمتيحان الىپ قابىلداۋدا نەگىزگى ساتى ءبىرىنشى شەبىنە بەيىمدەلۋ جالعاستىرىلىپ، اۋدان، اۋىل ورگاندارىنا قابىلداۋ جوسپارى جالپى ساننىڭ 67 پايىزىن يەلەيدى.

  ەمتيحان بەرۋشىلەرگە ەسكەرتە كەتەر ءجايت: ءبىرىنشى، 2019 - جىلى جوعارى مەكتەپ تاۋىساتىن ستۋدەنتتەردىڭ دە ەمتيحانعا تىركەلۋىنە بولادى، ءبىراق تولىمدىلىعىن تەكسەرۋدە قاتىستى ماعلۇمات انىقتاماسىن تاپسىرۋى، سونداي - اق تىركەلگەن قىزمەت ورنى اشىق جاريالانۋدان بۇرىن ماعلۇمات كۋالىگىن كورسەتۋى كەرەك. ەكىنشى، ماماندىقتار مەملەكەتتىڭ وقۋ - اعارتۋ تاراۋلارىنىڭ ءپان - ماماندىق تىزىمىندەگىلەر نەگىز ەتىلەدى، ەمتيحان بەرۋشىلەر ەمتيحانعا تىركەلگەن كەزدە، وقۋ تاۋىسۋ كۋالىگىندە جازىلعان ماماندىعىنىڭ تولىق اتالۋى بويىنشا، مەملەكەتتىڭ وقۋ - اعارتۋ تاراۋلارىنىڭ اسپيرانتتار تىزىمىندەگى، تولىق كۋرس تىزىمىندەگى، ارناۋلى كۋرس تىزىمىندەگى جانە تولىقتاما تىزىمدەگى ماماندىق جانە ماماندىق ءتۇرى تالابىمەن سايكەستىرىپ، ۇكىمەت قىزمەتكەرىن قابىلداۋداعى «قىزمەت ورنى كەستەسىنە» قاراعان سوڭ، ءوز شارت - جاعدايىنا ۇيلەسەتىن قىزمەت ورنىن تاڭداپ تىركەلۋى كەرەك. ءۇشىنشى، ەمتيحان بەرۋشى ەمتيحان بەرۋدى تاڭداعان قىزمەت ورنىن تۇراقتاندىرىپ، جۇيە تىركەلۋدىڭ ءساتتى بولعانىن ەسكەرتكەن سوڭ، قايتا وزگەرتۋگە بولمايدى. جۇيە ءساتتى تىركەلىپ بولعانداردىڭ قايتالاي تىركەلۋىن اۆتوماتتى تۇردە توسادى، ەمتيحان بەرۋشىلەردىڭ ەمتيحان بەرەتىن قىزمەت ورنىن مۇقيات تاڭداۋىن سۇرايمىز. ءتورتىنشى، جاڭادان قابىلدانعان قىزمەتكەرلەر قىزمەتكە قابىلدانۋ رەسمياتتارىن ءبىتىرىپ، قىزمەت ورنىنا بارعان سوڭ، تاڭداپ الىنعان ستۋدەنتتەردەن، حالىق ساقشىلارىنان جانە وڭتۇستىك شينجياڭنىڭ 4 ايماق - وبلىسىنىڭ اۋىل - قالاشىقتارىنداعى ۇكىمەت قىزمەتكەرلەرىنەن باسقالارىنىڭ بارلىعى وڭتۇستىك شينجياڭداعى 4 ايماق - وبلىستاعى اۋىل - قىستاق بالا باقشالارىنا بارىپ ءبىر جىل وقۋ - اعارتۋعا كومەك بەرۋى كەرەك.

  شينجياڭ ۇيعۇر اۆتونوميالى رايوننىڭ ۇكىمەت قىزمەتكەرلەرىن باسقارۋ تاراۋىنىڭ قاتىستى جاۋاپتىسى مىنانى ءبىلدىردى: ەمتيحان الۋ، قابىلداۋ قىزمەتىنە قاتىناساتىن ەمتيحان الۋشىلاردىڭ نەمەسە قىزمەتكەرلەردىڭ ەمتيحان بەرۋشىلەرمەن تۋىستىق قارىم - قاتىناسى، سونداي - اق ەمتيحانعا ىقپال جاسايتىن باسقا دا مۇددەلىك قارىم - قاتىناسى بارلارىنا ۇكىمەت جۇمىسى بويىنشا تايساپ تۇرۋ قاتاڭ اتقارىلادى. سونىمەن بىرگە، ۇكىمەت قىزمەتكەرلەرىن باسقارۋ تاراۋى ينتەرنەتتى باقىلاۋ - باسقارۋ تاراۋلارىمەن بىرلەسىپ، كەيبىر قوعامدىق قۇرىلىمداردىڭ ەمتيحان تۋرالى راستالماعان ينفورماتسيالاردى كەلسە - كەلمەس تاراتۋى، ەمتيحان تارتىبىنە ىقپال جاساۋى، ەمتيحان بەرۋشىلەردىڭ ۇقىق - مۇددەسىن زيانداۋ سياقتى جاعدايلاردى تازالايدى جانە ولارعا سوققى بەرەدى.

  شينجياڭ ۇيعۇر اۆتونوميالى رايونىنىڭ ۇكىمەت قىزمەتكەرلەرىن باسقارۋ تاراۋى مىنانى قاتاڭ ەسكەرتەدى: بۇل رەتكى ەمتيحاندا پىسىقتاۋعا پايدالانىلاتىن كىتاپ كورسەتىلمەيدى، ۇكىمەت قىزمەتكەرىن قابىلداۋ ەمتيحانىنىڭ پىسىقتاۋ كلاستارىن نەمەسە كۋرستارىن اشپايدى، سونداي - اق وندايدى وتكىزۋدى ەشقانداي قۇرىلىمعا تاپسىرمايدى. قازىر قوعامدا وتكىزىلىپ جاتقان ۇكىمەت قىزمەتكەرلەرىن قابىلداۋ ەمتيحانى كۋرستارىنىڭ جانە تاراتىلعان باسىلىمداردىڭ بارلىعى وسى رەتكى ەمتيحانمەن قاتىسسىز. ەمتيحان بەرۋشىلەردىڭ ساقتىقتى كۇشەيتىپ، ءوز مۇددەسىنىڭ زياندالۋىنان ساقتانۋىن ەسكەرتەمىز.

  ەمتيحان الىپ قىزمەتكەر قابىلداۋ تۋرالى حابارلاندىرۋ مەن قىزمەت ورىندارىنىڭ ناقتى ءمان - جايىن شينجياڭ پارتيا قۇرىلسى تورابىنان (http://www.xjkunlun.cn)، شينجياڭ ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ تورابىنان(http://www.xjrs.gov.cn)، شينجياڭ كادرلار ەمتيحانى ورتالىعى تورابىنان (http://www.xjrsks.com.cn) قاراۋعا بولادى.

  كەلۋ قاينارى: حالىق تورابى

  
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار