عىلىم – تەحنيكا جاعىندا شينجياڭعا كومەكتەسۋگە بارعان جوعارى دارەجەلى ينجەنەر لي شىيىڭ جۇمىس مەرزىمىن ۇزارتۋدى 5 رەت ءوتىنىش ەتتى
«شينجياڭنىڭ دامۋى ءۇشىن ۇلەس قوسسام دەگەن ءۇمىت ۇنەمى كوكەيىمدە تۇرادى»
گازەتىمىز ءتىلشىسى ۋاڭ جينحاي
2019.04.03 14:49 كەلۋ قاينارى : حالىق تورابى
جۋىردا جۇڭگو عىلىم اكادەمياسى داليان حيميا – فيزيكا زەرتتەۋ بولىمشەسىنىڭ جوعارى دارەجەلى ينجەنەري لي شىيىڭ شينجياڭعا كومەكتەسۋ جۇمىس مەرزىمىن ۇزارتۋعا تاعى دا ءوتىنىش بەردى، بۇل ونىڭ جۇمىس مەرزىمىن ۇزارتۋعا بەسىنشى رەت ءوتىنىش بەرۋى.
لياۋنيڭ ولكەسى داليان قالاسىنىڭ شينجياڭ ءوندىرىس – قۇرىلىس بيڭتۋانى 4 – ديۆيزياسى شىحىزى قالاسىنا باعىتتامالى كومەكتەسەتىنىنەن حابارلى بولعاننان كەيىن لي شىيىڭ دەرەۋ تىزىمدەلىپ، 2011 – جىلدىڭ باسىندا لياۋنيڭنىڭ ءبىرىنشى توپتاعى شينجياڭعا كومەكتەسەتىن كادرلەرى قاتارىنا قوسىلىپ، شينجياڭ تيانيە توبى شەكتى سەرىكتەستىگىنىڭ باس ينجەنەرى مىندەتىن اتقاردى. عىلىم – تەحنيكا جاعىندا شينجياڭعا كومەكتەسۋدەگى باستاپقى ويى جونىندە لي شىيىڭ: كوپ جىلداردان بەرى حيميا ونەركاسىبى عىلىم – تەحنيكاسىن زەرتتەپ كەلدىم، شينجياڭنىڭ دامۋى ءۇشىن ۇلەس قوسسام دەگەن ءۇمىت ۇنەمى كوكەيىمدە جۇرەتىن، — دەدى.
شينجياڭ تيانيە توبى ەلىمىزدەگى حلور ءسىلتىسى حيميا ونەركاسىبى سالاسىنداعى كوشباسشى كاسىپورىن، سونىمەن بىرگە، بۇكىل ەلىمىز بويىنشا اينالىمدى ەكونوميكاداعى سىناق ءتۇيىنى ەسەپتەلەتىن كاسىپورىن، تەحنيكالىق جاڭالىق جاراتۋدا ۇلگى كاسىپورىن، كوپ جىل بويى جۇڭگونىڭ جاساۋ كاسىبىندەگى 500 مىقتى كاسىپورنى قاتارىنان كورىنىپ كەلەدى. 2011 – جىلى شينجياڭ تيانيە توبى عىلىم – تەحنيكا جاعىندا تىڭ دامۋعا ىزدەنىس جاساپ، حيميا ونەركاسىبى ءوندىرىس جەلىسىن كەڭەيتىپ، وسىزاماندانعى كومىر - حيميا ونەركاسىبى ءوندىرىسىن وركەندەتپەكشى بولعان، لي شىيىڭ سياقتى تەحنيكانى مەڭگەرگەن، تيجاراتقا ىسىلعان بەساسپاپ دارىندىلارعا مۇحتاج ەدى.
شينجياڭعا بارىسىمەن لي شىيىڭ شينجياڭ تيانيە توبى پارتكومىندا ماڭىزدى مىندەتكە تاعايىندالىپ، عىلىم – تەحنيكانىڭ الدىڭعى لەگىندەگى قيىن ماسەلە — كاربون گازىنەن پايدالانىپ، گليكول ءوندىرۋ جاعىندا نەگىزگى ۇمتىلىس جاساۋعا باسشىلىق ەتتى. لي شىيىڭ تەحنيكا قىزمەتكەرلەرىن باستاپ، كۇندىز – ءتۇنى قاجىماي ەڭبەك ەتتى، وسى بارىستا ونىڭ ۇلى اۋىرىپ، ەمحاناعا جاتىپ قالادى، قىزمەتتەستەرى وعان داليانعا قايتىپ، ۇلىن كورىپ كەلۋگە كەڭەس بەردى. سوندا لي شىيىڭ: «گليكول نىسانىنان قامال الۋ قازىر قىسىلتاياڭ كەزەڭدە تۇر، داليانعا باراتىنداي ۋاقىت قايدا!» — دەگەن. ول وسىلايشا ەلىمىزدىڭ تەحنيكالىق جاقتاعى بوستىعىن تولتىرۋعا، شينجياڭعا اناعۇرلىم زور ەكونوميكالىق ونىمدىلىك جاراتۋعا بار كۇش – قايراتىمەن كىرىستى.
عىلىم – تەحنيكا جاعىندا قامال الۋدا قات – قابات قيىنشىلىقتارعا جولىعادى، ءبىر ءتۇرلى جوبانى اتقارۋ بارىسىندا ساتسىزدىككە ۇشىراعان سوڭ، لي شىيىڭ ۇجىم مۇشەلەرىن باستاپ، تاعى ءبىر ءتۇرلى جوبانى جاسادى. ءبىر جارىم جىل ۋاقىتتا لي شىيىڭ شينجياڭ تيانيە توبىندا دۇنيە ءجۇزى بويىنشا تۇڭعىش رەت كاربون گازىن ىشكەرىلەي تازارتۋ ارقىلى گليكول جاساپ شىقتى ءارى 2013 – جىلدىڭ باسىندا كاربون گازىنەن پايدالانىپ، 50 مىڭ توننا گليكول ءوندىرۋ نىسانى ىسكە قوسىلدى.
لياۋنيڭ ولكەسىنىڭ شينجياڭعا باعىتتامالى كومەكتەسۋگە جىبەرەتىن دارىندىلارىنىڭ قىزمەت مەرزىمى ءبىر جارىم جىل. شينجياڭعا كومەكتەسەتىن كادرلەردىڭ ءبىر توبى قايتىپ، تاعى ءبىر توبى الماسىپ كەلىپ جاتىر، الايدا، لي شىيىڭ باستان – اقىر تاباندىلىقپەن تاپجىلماستان جالعاستى قىزمەت ىستەپ كەلەدى. قىزمەتتەستەرى لي شىيىڭعا: «بۇل كەزەكتى شينجياڭعا كومەكتەسۋ ۋاقىتى اياقتادى، سەن دە ۇيىڭە قايتىپ، وتباسىڭداعىلارمەن باس قوس!» دەپ كەڭەس بەرەدى، لي شىيىڭ: «عىلىم – تەحنيكا جاعىنداعى ماسەلەلەر شەشىمىن تاپپاسا، مەنىڭ كوڭىلىم ورنىقپايدى، ماسەلە شەشىلگەن سوڭ كورەيىك»، — دەيدى. ونىڭ ىستەرى تيانيە توبىنداعى 15 مىڭ جۇمىسشى – قىزمەتكەردى اسەرلەندىردى. پارتكوم شۋجيى، القالار باستىعى سۇڭ شياۋليڭ: «لي شىيىڭ تيانشانعا تامىر تارتىپ، اۋىر مىندەتتى ارقالاپ، بارلىق جۇمىسشى – قىزمەتكەرلەردىڭ القاۋىنا بولەندى. بيىل لي شىيىڭ ميلليون توننا گليكول جەلىلەس ونىمدەرىن ءوندىرۋ جاعىنداعى عىلىم – تەحنيكادا قامال الۋ سىندى ماڭىزدى نىساندى بەلسەندىلىكپەن ارقالادى»، — دەدى.
لي شىيىڭنىڭ زايىبى ۋاڭ يان كوزىنە ىستىق جاس الا: «باستابىندا مەن ونى داليانعا قايتۋعا قۋزادىم، ول شىن ىقىلاسىمەن شينجياڭعا تامىر تارتىپ، ءوزىنىڭ ءبىلىمىن ىسكە جاراتاتىن جەردى تاپقانىن ايتتى. شارشاۋدان ونىڭ دەنساۋلىعىنا اقاۋ تۇسۋىنەن الاڭداپ، مەن دە ونىمەن بىرگە شينجياڭعا كەلدىم»، — دەيدى. 2016 – جىلى لي شىيىڭ ىرىقتىلىقپەن ۇسەن اتتى ۇيعۇر ازاماتتىڭ وتباسىمەن تۋىستاستى. 2017 – جىلى لي شىيىڭ ورتالاۋ مەكتەپ وقۋشىسى نۇرمانگۇلمەن تۋىستاستى.
عىلىم – تەحنيكا جاعىندا شينجياڭعا كومەكتەسۋ ناتيجەسى كورنەكتى بولعاندىقتان، لي شىيىڭ مەملەكەتتىك شينجياڭعا كومەكتەسكەن ۇزدىك دارىندى كادر، شينجياڭ ءوندىرىس – قۇرىلىس بيڭتۋانىنداعى «ەڭ سۇيىكتى بيڭتۋاندىق» قاتارلى داڭقتى اتاقتارعا يە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
