شينجياڭ مەملەكەتتىك قۇمدى ءشول باقشاسى ەڭ كوپ ولكە، رايون، قالا قاتارىنا ءوتتى
قۇم شارۋاشىلىعىن كەڭەيتىپ، ساياحات كاسىبىنىڭ دامۋىن ىلگەرىلەتتى
2019.04.17 14:52 كەلۋ قاينارى : حالىق تورابى
حالىق تورابى، 4 – ايدىڭ 17 – كۇنى، بەيجيڭ. كوكتەم كەلىسىمەن ءپىشان مەملەكەتتىك قۇمدى ءشول باقشاسى ايرىقشا دۋمانعا بولەندى. «بۇل قۇمدى ساياحاتتايتىن ەڭ تاماشا مەزگىل، اۋا رايى ىستىق تا، سۋىق تا ەمەس»، «مەن كوپ جەردەن قۇمدى ءشولدى سۋرەتكە تۇسىرەمىن، سوندىقتان شينجياڭعا ۇنەمى كەلەمىن، شينجياڭنىڭ قۇمدى ءشول ءتۇرى وتە تولىق، فوتوگرافتاردىڭ ەڭ جاقسى كورەتىن تاپتىرماس جەرى»، - دەدى 4 - ايدىڭ 15 - كۇنى تاڭ سارىدە انحۇيدان كەلگەن فوتوگراف فۋ فىڭچي تاڭ راۋانداعاندا قۇم توبەگە فوتواپپاراتىن قۇرىپ جاتىپ.
قازىر شينجياڭدا 36 مەملەكەتتىك قۇمدى ءشول باقشاسى بار (شينجياڭ ءوندىرىس - قۇرىلىس بيڭتۋانىن قامتيدى)، ەلىمىزدەگى قۇمدى ءشول باقشاسى ەڭ كوپ ولكە، رايون، قالا قاتارىنا ءوتتى.
«قۇم − شينجياڭ ساياحات بايلىعىنىڭ ماڭىزدى قۇرامداس بولىگى، مەملەكەتتىك قۇمدى ءشول باقشاسى قۇرىلىسىن جۇرگىزۋدەگى ماقسات − ماندىك جاقتان العاندا، قۇمدى ءشولدى تىزگىندەۋ قىزمەتىن اناعۇرلىم ءونىمدى تۇردە جەبەۋ ءۇشىن»، - دەدى شينجياڭ ۇيعۇر اۆتونوميالى رايوندىق ورمان شارۋاشىلىعى جانە جايىلىم مەكەمەسىنىڭ شولەيتتەنۋدەن ساقتانۋ جانە ونى وڭاۋ باسقارماسىنىڭ باستىعى تۇرسۇن توقتى: «وسى نەگىزدە ۇيلەسىمدى قورعاۋ اياسىندا ءتارتىپتى تۇردە اشىپ، قۇم كاسىبىن شينجياڭنىڭ ساياحات كاسىبىن دامىتۋىنداعى ماڭىزدى قوزعاۋشى كۇشكە اينالدىرۋ كەرەك»، - دەدى.
2013 - جىلى شينجياڭ تۇڭعىش توپتاعى مەملەكەتتىك قۇمدى ءشول باقشا قاتارىنا وتۋگە ءوتىنىش تاپسىرادى، كەلەسى جىلى موري ايعايقۇمى سياقتى ءوتىنىش بەرگەن 9 ورىن مەملەكەتتىك قۇمدى ءشول باقشاسى سىناق تۇيىنىنە اينالدى. سودان باستاپ شينجياڭنىڭ قۇمدى ءشول باقشاسى جىل سايىن كوبەيىپ، بۇگىنگى تاڭدا ەلىمىزدەگى قۇمدى ءشول باقشاسى ەڭ كوپ ولكە، رايون، قالاعا اينالىپ، جالپى اۋماعى (بيڭتۋاندى قامتىمايدى) 201 مىڭ 300 گەكتارعا جەتتى.
تۇرسىن توحتىنىڭ تانىستىرۋىنشا، قۇمدى جەردى تىزگىندەۋ جۇيەسى قاتاڭ قورعاۋ رايونى، ەكولوگيالىق تىزگىندەۋ رايونى جانە قورعاپ پايدالانۋ رايونى سىندى 3 بولىككە بولىنەدى ەكەن، مۇنىڭ ىشىندە قورعاپ پايدالانۋ رايونى شولەيتتەنگەن ەكولوگيالىق جۇيەنى قورعاۋدى نەگىز ەتەدى ءارى ۇيلەسىمدى پايدالانىلاتىن ءوڭىر. مۇنداعى ۇستانىم قورعاۋدى الدىمەن ويلاستىرۋ، لايىقتى پايدالانۋ، ءۇرتىس دامۋعا تاباندى بولۋ كەرەك. وسى وڭىردە مەملەكەتتىك قۇمدى ءشول باقشاسىن قۇرۋ قۇمايتتانعان جەردى تىزگىندەۋ جۇيەسىنىڭ قاجەتتى تالابى، سونىمەن بىرگە، شولەيتتەنگەن ەكولوگيالىق جۇيەنى قورعاۋدى، قۇمدى اۋماق بايلىعىن ۇيلەسىمدى پايدالانۋدى جۇزەگە اسىرۋدىڭ باستى ارناسى.
قۇمدا سىرعاناۋ، قۇمدا شاڭعى تەبۋ، قۇمعا قىزدىرىنۋ، بارلىق جەردە جۇرە بەرەتىن اۆتوكولىك ايداۋ، قۇمدا تۇنەۋ، قۇمدا ۆالەيبول ويناۋ، فوتو - كەسكىن جاسامپازدىعى، قۇم ويماسى، بايگە، قالىقتاپ ۇشۋ، تۇيەمەن قۇمدى ءشولدى ارالاۋ... تيانشاننىڭ تۇستىگى مەن تەرىستىگىنە تاراعان مەملەكەتتىك قۇمدى ءشول باقشالارى كوپتەگەن ساياحاتشىلارعا قۇمنىڭ ايرىقشا حيكىمەتىن سەزىندىرىپ، قۇم كاسىبىنىڭ دامۋىن جەبەدى. تۇرپان قالاسى گاۋچاڭ رايونى يار قالاشىعى شاڭحۋ قىستاعىنداعى 100دەن استام وتباسى قوناقجايى تۇرپان قالاسىنداعى قۇممەن ەمدەۋ كاسىبىنىڭ ماڭىزدى قۇرامداس بولەگىنە اينالدى. «وسى بىرنەشە جىلدا قۇممەن ەمدەلۋگە كەلەتىن ساياحاتشىلار بارعان سايىن كوبەيدى، مەن جىلىنا مولشەرمەن 1000نان ارتىق ادام قابىلداپ، 40 تا 50 مىڭ يۋان كىرىس كىرگىزدىم»، - دەدى 16 جىل وتباسى قوناقجايىن اشقان قىستاق تۇرعىنى لاتيپا يسام قۋانىشپەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
