قۇمىل قارلىق مۇزدىعىنىڭ وزەكتى وڭىرىندەگى 572 مىڭ مۋلىق جايىلىمدا مال باعۋعا تيىم سالىندى
2019.04.22 16:15 كەلۋ قاينارى : حالىق تورابى
حالىق تورابى، 4 – ايدىڭ 22 – كۇنى، بەيجيڭ. قۇمىل قالالىق ورمان شارۋاشىلىعى جانە جايىلىم مەكەمەسىنەن ۇعىسۋعا قاراعاندا، شىعىس تيانشاننىڭ ەكولوگيالىق ورتاسىن اناعۇرلىم جاقسى قورعاۋ، قالپىنا كەلتىرۋ ءۇشىن، قۇمىل قالاسى بيىلدان باستاپ شىعىس تيانشان ەكولوگيالىق ورتاسىن قورعاۋ، قالپىنا كەلتىرۋ وڭىرىندەگى قارلىق مۇزدىعى وزەكتى وڭىرىندەگى 9 تۋان - الاڭعا، اۋىل - قالاشىققا قاراستى 572 مىڭ مۋلىق جايىلىمدى مال باعۋعا تيىم سالىپ باسقارۋعا ەنگىزگەن.
قارلىق مۇزدىعىن قورعاۋ ءوڭىرى قۇمىل قالاسى يجوۋ رايونى مەن اراتۇرىك اۋدانىنىڭ شەكاراسىندا، شىعىسى يجوۋ رايونى تاسبۇلاق اۋىلى سۋليسۋ وزەنىنىڭ قاينارىنان باستالىپ، باتىسى ولكە تاس جولى 303 - جەلىسىنە دەيىن، سولتۇستىگى تيانشاننىڭ شىعىس بولىگىندەگى مەملەكەت مەنشىگىندەگى ورمان باسقارۋ مەكەمەسى قۇمىل بولىمشەسىنىڭ ورمان جەتىلدىرۋ ءوڭىرى مەن اراتۇرىك اۋدانى نارىنكىر قازاق اۋىلىنىڭ شەكاراسىنداعى جيانجياپوعا دەيىن، وڭتۇستىگى يجوۋ رايونى ۇلاتاي، يۇيشۋگوۋ، تاسبۇلاق اۋىلىنىڭ انلاگوۋ سايىنا دەيىن. قارلىق مۇزدىعى شىعىس تيانشان تاۋ سىلەمىنە ەندەي جايعاسقان، قۇمىل حالقىنىڭ تىرشىلىك باستاۋى جانە تىرشىلىگىمەن قاتىستى سۋ قاينارى. مۇزدىقتىڭ توڭىرەگىندەگى جايىلىم يجوۋ رايونى مەن اراتۇرىك اۋدانىنىڭ ماڭىزدى جايلاۋى، مال باعۋعا تيىم سالىنعان وڭىردەگى جايىلىمنىڭ كوبى قورشالماعان.
2019 - جىلدان باستاپ قۇمىل قالاسى قارلىق مۇزدىعىنىڭ توڭىرەگىندەگى جايىلىمداردا مال باعۋعا تيىم سالىپ، مال شارۋاشىلىعىنىڭ ءوندىرىس تاسىلىنە بۇرىلىس جاساۋ ارقىلى مۇزدىقتىڭ ەرۋ، جايلىم ەكولوگياسىنىڭ جاپپاي ناشارلاۋ جاعدايىن تەجەپ، مال شارۋاشىلىعىنىڭ تابيعي جايىلىم ەكولوگياسى يقۋاتىن قالپىنا كەلتىرەدى.
كەزەكتە، قۇمىل قالاسى يجوۋ رايونى، اراتۇرىك اۋدانى، بيڭتۋان 13 - ديۆيزياسى جەكە - جەكە وزدەرىنە قاراستى اۋماقتاعى قۇمىل قارلىق مۇزدىعىنىڭ توڭىرەگىندەگى جايىلىمدا مال باعۋعا تيىم سالۋدى اتقارۋ حابارلاندىرۋىن جاريالادى ءارى مال باعۋعا تيىم سالۋ بەلگىسىن ورناتتى. ءارقايسى رايون، اۋدان ەگىنشى - مالشىلاردىڭ كەشكى مەكتەبىنەن جانە دۇيسەنبى كۇنگى مەملەكەت تۋىن شىعارۋ سالتىنان تولىق پايدالانىپ، كەرمە تۋ ءىلۋ، ۇگىت ماتەريالدارىن باسىپ تاراتۋ سياقتى تاسىلدەرمەن بار كۇشپەن ۇگىت جۇرگىزدى.
سونىمەن بىرگە، قۇمىل قالاسى مال باعۋعا تيىم سالىنعان جايىلىمداردا قازىرگى اتقارىلىپ وتىرعان جايىلىم ەكولوگياسىن قورعاۋعا كومەك قاراجات بەرۋ، سيلاۋ مەحانيزمى بويىنشا تولىقتاما قاراجات بەرەدى ءارى تاياۋ ماڭنان باسقارۋ - قورعاۋ پۋنكتىن قۇرىپ، مالشىلاردى ورنالاستىرادى. اراتۇرىك اۋدانى نارىنكىر قازاق اۋىلى مەن تۇركول قالاشىعىنىڭ تۇيىلىسكەن ورنىنان، تۇركول قالاشىعى يۋەحاي سۋ قويماسى مەن تۋحۋلۋ اۋىلىنان 4 باسقارۋ - قورعاۋ پۋنكتىن قۇردى، يجوۋ رايونى 4 باسقارۋ - قورعاۋ پۋنكتىن جاڭادان سالۋدى جانە 3 باسقارۋ - قورعاۋ پۋنكتىن جاڭالاۋدى تۇراقتاندىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
