جۇڭگولىق – شەتەلدىك تىلشىلەر شينجياڭعا بارىپ، جىبەك جولى قۇرىلىسىنىڭ تىڭ جەتىستىكتەرىنەن اسەرلەندى
2019.04.30 15:01 كەلۋ قاينارى : حالىق تورابى
شينحۋا اگەنتتىگى، 4 – ايدىڭ 29 – كۇنى، ءۇرىمجى (ءتىلشى: ساۋ كاي، جياڭ يوۋلين) مەملەكەتتىك كەڭەس اقپارات كەڭسەسى 4 – ايدىڭ 21 – كۇنىنەن 29 – كۇنىنە دەيىن جۇڭگولىق – شەتەلدىك تىلشىلەردىڭ «جىبەك جولى ەكونوميكالىق بەلدەۋىنىڭ وزەكتى وڭىرىنە» قادام تاستاۋ اتىنداعى تىلشىلىك جاساۋ قيمىلىن وتكىزدى، 24 مەملەكەتتەن كەلگەن 39 ءتىلشى شينجياڭنىڭ جەر – جەرىنە ءبولىنىپ بارىپ، اۆتونوميالى رايون ەكونوميكاسىنىڭ دامۋى، مادەني مۇرالاردى قورعاۋ، ءدىني سەنىم ەركىندىگى، ەكولوگيانى جونگە سالۋ جانە كەدەيلىكتەن ارىلتۋدا قامال الۋ قاتارلى تاقىرىپتاردا تىلشىلىك ورىستەتتى.
«ءبىر بەلدەۋ، ءبىر جول» قۇرىلىسىنىڭ ىلگەرىلەۋىنە ىلەسە، شينجياڭنىڭ وڭىرلىك ورنى مەن ساياساتتىق جاقتاعى باسىمدىلىعى كۇن سايىن كورنەكتىلەنە ءتۇسىپ، شينجياڭ قارجىلاندىرۋدىڭ قىزۋ تۇيىنىنەن اينالدى. جياڭسۋ جينشىڭ توبىنىڭ شينجياڭدا تۇراقتى مۇلىككە قوسقان قارجىسى جيىنى 10 ميلليارد يۋانعا جەتتى، شينجياڭدا جەرگىلىكتى تۇرعىنداردان كاسىپتەندىرگەن ادام سانى 10 مىڭ ادامعا جەتتى. سەرىكتەستىكتىڭ قاراماعىنداعى جولاڭ شينجياڭ زەدەرلى ماشينا شەكتى سەرىكتەستىگى وندىرگەن 70 مەترلىك ۇزىندىقتاعى جوعارى ورەدەگى زەردەلى ءجىپ ءيىرۋ ماشيناسىن ەكسكۋرسيالاعان كەزدە، ماروككولىق ءتىلشى رۋان ماحاگۋب اۋىز جاپپاي ماقتادى.
بايىرعى جىبەك جولىنداعى توعىز جولدىڭ تورابىنا ورنالاسقان شينجياڭنىڭ ۇزاق تاريحى ءار ۇلتتىڭ كوز سۇرىندىرەرلىك ۇزدىك ءداستۇرلى مادەنيەتىن قالىپتاستىرىپ، كوپتەگەن باعالى مادەني مۇرالاردى ساقتاپ قالعان. تىلشىلەر شينجياڭ كوركەمونەر تەاترحاناسىندا مۇقام ۇيىرمەسىنىڭ ورىنداۋىنداعى ون ەكى مۇقامنىڭ ايرىقشا تارتىمدىلىعىن سەزىندى؛ قاشقار بايىرعى قالاسىندا ەرەكشەلىككە يە بالشىق قىش، مىس قۇرال، تاقيا جانە مۋزيكا اسپاپتارى بازارى قاتارلىلاردى ەكسكۋرسيالادى؛ قاشقار كونەشار اۋدانىندا شينجياڭ ۇلتتىق مۋزيكا اسپاپتارى قىستاعىندا ۇلتتىق مۋزيكا اسپاپتارىن جاساۋ بارىسىن كورىپ، قولونەرشىلەرمەن اڭگىمەلەستى. شۆەتساريانىڭ جەنەۆا قالاسىنان كەلگەن ءتىلشى احمەت الار كىشكەنتاي ەكى دۋتاردى ەستەلىك ءۇشىن ساتىپ الدى.
تىلشىلەر اقسۋ، كورلا قاتارلى جەرلەرگە بارىپ، ەكولوگيانى جونگە سالۋ ينجەنەرياسىمەن تانىستى. كورلا قالاسىنداعى توراڭعى ورمانىمەن كومكەرىلگەن لۇڭشان باقشاسى 20 نەشە جىلدىڭ الدىندا تاقىر تاۋ بولىپ، قالانى باساتىن قۇمدى بوراننىڭ باستالاتىن جەرى بولاتىن. 83 جاستاعى ۋاڭ چىڭباڭ قارت تىلشىلەرگە ەرىكتى تۇردە اعاش ەككەن 20 جىلدان بەرگى حيكايالارىن اڭگىمەلەپ بەردى. لوس – انجەلەس ۋاقىت گازەتىنىڭ ءتىلشىسى روبين ديكسون اسەرلەنە: قارتتىڭ ىستەگەن ىستەرى كوپتەگەن ادامداردى شابىتتاندىرىپ، كەيىنگى ۇرپاققا قىمباتتى بايلىق قالدىرىپتى، — دەدى.
مۇنان سىرت، جۇڭگولىق – شەتەلدىك تىلشىلەر ءىسىلام ينستيتۋتىنا، مەشىتتەرگە جانە كاسىپتىك ونەرگە تاربيەلەۋ ورتالىعىنا بارىپ، شينجياڭنىڭ ءدىني ەركىندىك جانە لاڭكەستىككە قارسى تۇرىپ، ۇشقارىلىقتى الاستاۋ قىزمەتىنە قاتىستى جاعدايلاردى ۇعىستى.
قاشقارداعى ايتىكار مەشىتىن ەكسكۋرسيالاعان سوڭ، تۇركيالىق ءتىلشى فارۋح توكات نەگىزگى ساتىداعى ءدىني ورىنداردىڭ قۇرىلىسىنا جانە باسقارۋىنا ماقتاۋ ايتتى. ا ق ش «حالىقاراعا نازار» جۋرنالىنىڭ جاۋاپتىسى ۆالۆە تومسون قاشقار مەن اتۇشتاعى كاسىپتىك ونەرگە تاربيەلەۋ ورتالىعىن ەكسكۋرسيالاعان سوڭ بىلاي دەدى: ءبىز ۇشقارى يدەيانىڭ ىقپالىنا ۇشىراعان جاستاردىڭ ۇزدىكسىز وزگەرگەنىن كوردىك، ءبىلىم الۋ مەن تەحنيكالىق شەبەرلىكتەرىن جەتىلدىرۋ ولاردىڭ تاماشا تۇرمىسقا قول جەتكىزۋىنە كومەكتەسەتىن بولادى، — دەدى.
ورنىقتى «تابىستىڭ» ۇزدىكسىز تاراتىلۋىنا بايلانىستى، شينجياڭنىڭ ساياحات كاسىبىنىڭ تەبىنى دە تاماشا بولدى. 2018 – جىلى شينجياڭدا جىل بويى ساياحاتتاۋشىلاردىڭ سانى 150 ميلليون ادام – رەتتەن اسىپ، ارتۋ مولشەرى %40تەن استى. ۇرىمجىدەگى حالىقارالىق ۇلكەن بازاردا دۇنيە ءجۇزىنىڭ جەر – جەرىنەن كەلگەن ساياحاتشىلاردىڭ اياعى ۇزىلمەدى.
رەسەيلىك ءتىلشى اندرەي ياشراۆسكي: مەن شينجياڭعا تۇڭعىش رەت كەلىپ وتىرمىن، جۇڭگو ۇكىمەتىنىڭ شينجياڭدى دامىتۋعا ەرەسەن زور كۇش جۇمساعانىن كوردىم، ‹ءبىر بەلدەۋ، ءبىر جول› دارىپتەمەسىنىڭ ىلگەرىلەتۋىمەن، شينجياڭنىڭ ەكونوميكاسى مەن قوعامىنىڭ دامۋىنا اناعۇرلىم زور قوزعاۋشى كۇش قوسىلاتىن بولادى»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
