شينجياڭ مەملەكەت مەنشىگىندەگى ءتۇيىندى كورىنىس رايوندارىنىڭ ەسىك بەلەت باعاسىن جالعاستى تومەندەتتى
2019.05.07 16:05 كەلۋ قاينارى : حالىق تورابى
حالىق تورابى، 5 – ايدىڭ 7 – كۇنى، بەيجيڭ. 2018 - جىلى شينجياڭ ءبىر توپ ءتۇيىندى كورىنىس رايوندارىنىڭ ەسىك بەلەت باعاسىن تومەندەتكەن بولاتىن، بيىل شينجياڭ اناعۇرلىم كەڭ كولەمدە كورىنىس رايوندارىنىڭ ەسىك بەلەت باعاسىن تومەندەتەدى.
شينجياڭ ۇيعۇر اۆتونوميالى رايوندىق دامىتۋ جانە رەفورمالاۋ كوميتەتى جۋىقتا «مەملەكەت مەنشىگىندەگى ءتۇيىندى كورىنىس رايوندارىنىڭ ەسىك بەلەت باعاسىن تومەندەتۋ قىزمەتىن ۇزدىكسىز ىشكەرىلەي ىلگەرىلەتۋ جونىندەگى ۇقتىرۋدى» باسىپ تاراتىپ، ءار دارەجەلى دامىتۋ جانە رەفورمالاۋ تاراۋلارىنان باسقارۋ ۇقىق كولەمى بويىنشا، پرينسيپتىك جاقتان قاراستى اۋماعىندا ۇكىمەت باعا بەلگىلەپ باسقاراتىن بارلىق A5، 4A دارەجەلى كورىنىس رايوندارىنىڭ، سونداي - اق 2018 - جىلى ەسىك بەلەت باعاسى تومەندەتىلگەن جانە جاڭادان باعا بەلگىلەنىپ، سىناق رەتىندە جۇرگىزىلگەن كورىنىس رايوندارىنىڭ بەلەت باعاسى مەن ارالىق اۆتوبۋزداردىڭ بەلەت باعاسىنىڭ وزىندىك قۇنىنا باقىلاۋ - تەكسەرۋ جۇرگىزۋ، باعانى ساراپتاۋ، رەتكە سالۋ قىزمەتىن ورىنداپ، كورىنىس وڭىرلەرىنىڭ باعا باسقارۋىن جاقسارتۋعا، كەمەلدەندىرۋگە نەگىز ۇسىنۋدى تالاپ ەتتى.
شينجياڭ ۇيعۇر اۆتونوميالى رايوندىق دامىتۋ جانە رەفورمالاۋ كوميتەتى مىنالاردى تالاپ ەتتى: ءار دارەجەلى دامىتۋ جانە رەفورمالاۋ تاراۋلارى وزىندىك قۇنعا باقىلاۋ - تەكسەرۋ جۇرگىزۋ جانە باعانى ساراپتاۋ نەگىزىندە، كورىنىس رايوندارىنىڭ تىم جوعارى ەسىك بەلەت باعالارىن اناعۇرلىم كەڭ كولەمدە تومەندەتۋدى ىلگەرىلەتىپ، ءبىر توبى كەمەلدەنسە، ءبىر توبىن جاريالاۋ كەرەك. باستىسى، جاراتىلىستىق بايلىققا نەمەسە مادەنيەت بايلىعىنا سۇيەنە وتىرىپ قارجىلاندىرىلىپ سالىنعان ساياحات - ەكسكۋرسيا تۇيىندەرىن دەر كەزىندە ۇكىمەتتىڭ باعا بەلگىلەۋ كولەمىنە ەنگىزۋ كەرەك. 2018 - جىلدان بەرى باعانى تومەندەتپەگەن نەمەسە باعانى تومەندەتسە دە لايىقتى بولماعان، سونداي - اق جوعارى باعا بەلگىلەپ، ۇلكەن جەڭىلدىك جاساعان، ماسەلەلەرى كورنەكتى كورىنىس رايوندارىندا باعانى ونان ارى تومەندەتۋ كەرەك. بۇقارانىڭ اڭىسى كۇشتى، مونوپولدىق سيپاتى ءبىرشاما اۋىر ارالىق اۆتوبۋز، ارقاندى ۆاگون، ساياحات كەمەسى، اۆتوكولىك توقتاتۋ سياقتى قىزمەت وتەۋ باعالارىنا باقىلاۋ - باسقارۋدى كۇشەيتۋ كەرەك. ساپاسىنا باعا ساي بولۋ پرينسيبى بويىنشا، كورىنىس رايوندارىنىڭ ساپا دارەجەسىنە قاراي ۇيلەسىمدى ايىرماشىلىقتى باعا، سالىستىرمالى باعا قاتىناسىن ورناتىپ، كورنەۋ ۇيلەسىمسىز باعالاردى شىنايى تومەندەتۋ كەرەك.
ءتۇيىندى مەملەكەت مەنشىگىندەگى كورىنىس رايوندارىنىڭ ەسىك بەلەت باعاسىن تومەندەتۋدى ۇزدىكسىز ىشكەرىلەي ىلگەرىلەتۋمەن بىرگە، شينجياڭ تاعى كورىنىس رايوندارىنىڭ اقى الۋ ارەكەتى مەن كورىنىس تۇيىندەرىندە تيجارات جۇرگىزۋ ارەكەتتەرىنە باقىلاۋ - باسقارۋدى كۇشەيتەدى.
شينجياڭ ۇيعۇر اۆتونوميالى رايوندىق دامىتۋ جانە رەفورمالاۋ كوميتەتى مىنالاردى تالاپ ەتتى: ءار دارەجەلى دامىتۋ جانە رەفورمالاۋ تاراۋلارى بازار باقىلاۋ - باسقارۋ، مادەنيەت - ساياحات تاراۋلارىمەن بىرلەسىپ، قاراستى اۋماقتاعى كورىنىس رايونىنا بىرلەسكەن ارنايى رەتتەۋ - جونگە سالۋ، باقىلاۋ جۇرگىزىپ، كورىنىس رايوندارىنداعى اۆتوتۇراقتاردىڭ بەتالدى اقى الۋ قۇبىلىسىن تۇزەتىپ، كورىنىس ءوڭىرى ىشىندە كەلسە - كەلمەس اقى الۋ وتكەلدەرىن ورناتۋ، ۇيلەسىمسىز «باقشا ىشىندە باقشا» ورنالاستىرىپ اقى الۋ سياقتى ماسەلەلەردى باتىل جويىپ، كۇشىنەن قالدىرىپ، كورىنىس رايوندارىنىڭ ەسىك بەلەتى جونىندە ءبىر بەلەت ءتۇزىمىن اتقارۋ كەرەك. كورىنىس رايوندارىنىڭ ەسىك بەلەت باعالارىن جاپپاي جاريا ۇستاۋعا، ارناعا تۇسىرۋگە قۋزاپ، بارلىق كورىنىس رايوندارىنىڭ ەسىك بەلەتىنە جانە ارالىق اۆتوبۋز، ارقاندى ۆاگون سياقتى سايكەستى قىزمەت وتەۋلەرگە الىناتىن اقىلاردىڭ ءتىزىمى مەن باعا ولشەمىن ءار ايماق (وبلىس، قالا) ۇكىمەت سايتتارىندا اشىق كورسەتۋ كەرەك. اشىق كورسەتىلگەن باعادان سىرت، كورىنىس رايوندارىنىڭ باسقالاي اقى الۋىنا بولمايدى، ساياحاتشىلاردىڭ اشىق، ايقىن تۇتىنۋىنا مۇمكىندىك جاساۋ كەرەك.
ءار دارەجەلى دامىتۋ جانە رەفورمالاۋ تاراۋلارى باعا ساياساتىن بەلگىلەگەن، جاريالاعان كەزدە اقپارات قۇرالدارىمەن پىكىرلەسۋدى، سەلبەسۋدى كۇشەيتىپ، ساياساتتاردى دەر كەزىندە ءتۇسىندىرىپ، كورىنىس ءوڭىرىنىڭ ەسىك بەلەتى باعاسى مەن سايكەستى قىزمەت وتەۋ باعالارىنىڭ تومەندەۋىنىڭ ساياحاتشىلاردىڭ شىعىسىن جەڭىلدەتۋدەگى، ساياحات تۇتىنۋىن ارتتىرۋداعى، ساياحات كاسىبىنىڭ دامۋىن ىلگەرىلەتۋدەگى بەلسەندى ءمانىن ءتۇيىندى تۇردە ۇگىتتەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
