شينجياڭ اۋىل - قىستاق ساۋدا بانكەلەرى حالىق اقشاسى امانات اقشا دايىندىق قورىنىڭ مولشەرىن تومەندەتۋدىڭ پايداسىن كورىپ، 3 ميلليارد يۋان قارجى بوساتتى
حالىقتىق كاسىپورىندار مەن شاعىن، ۇساق كاسىپورىنداردىڭ دامۋىنا دالمە - ءدال قولداۋ كورسەتتى
2019.05.13 16:41 كەلۋ قاينارى : شينجياڭ گازەتى
ءتىلشىمىز ۋاڭ يۇڭفي 5 - ايدىڭ 11 - كۇنى ۇرىمجىدەن حابارلايدى. جۇڭگو حالىق بانكەسى ءۇرىمجى ورتالىق تارماق بانكەسىنەن ۇعىسۋىمىزشا، جۇڭگو حالىق بانكەسى اۋدان كولەمىندە قىزمەت كورسەتەتىن اۋىل - قىستاق ساۋدا بانكەلەرىنىڭ حالىق اقشاسى امانات اقشا دايىندىق قورىنىڭ مولشەرىن 5 - ايدىڭ 15 - كۇنى، 6 - ايدىڭ 17 - كۇنى جانە 7 - ايدىڭ 15 - كۇنى 3 رەتتە ％8كە ءتۇسىرىپ، جالپى 3 پايىز تومەندەتۋدى ۇيعارعان. ەسەپتەۋگە نەگىزدەلگەندە، بۇكىل شينجياڭ بويىنشا 19 اۋىل - قىستاق ساۋدا بانكەسى وسى رەتكى دايىندىق قوردىڭ مولشەرىن تومەندەتۋ كولەمىنە ەنگىزىلگەن، 3 ميلليارد يۋان شاماسىندا قارجى تىكە بوساتىلاتىندىعى مەجەلەنىپ وتىر، بۇل ونىڭ تۇتاس 2018 - جىلدا جاڭادان قوسىلعان قارىز اقشاسىنىڭ ％20ىنە بارابار كەلەدى.
امانات اقشا دايىندىق قورىنىڭ مولشەرىن تومەندەتۋ بانكەنىڭ ورتالىق بانكەگە امانات اقشانى از قويىپ، اناعۇرلىم كوپ قارجىنى ناقتى ەكونوميكا قارىز اقشاسىن تاراتۋعا پايدالاناتىندىعىن كورسەتەدى. بۇرىنعى دايىندىق قورىنىڭ مولشەرىن باعىتتامالى تومەندەتۋمەن سالىستىرعاندا، وسى جولعى دايىندىق قورىنىڭ مولشەرىن تومەندەتۋدىڭ وبيەكتىلەرى − اۋدان كولەمىندە قىزمەت وتەيتىن اۋىل - قىستاق ساۋدا بانكەلەرى، بوساتىلعان قارجىنىڭ بارلىعى حالىقتىق جانە شاعىن، ۇساق كاسىپورىندارعا قارىز اقشا تاراتۋعا پايدالانىلادى، سول ارقىلى فينانستىڭ ناقتى ەكونوميكانى قولداۋداعى دالمە - دالدىگىن اناعۇرلىم جوعارىلاتۋعا بولادى.
شينجياڭداعى اۋىل - قىستاق ساۋدا بانكەلەرىنىڭ ％90كە تاياۋى اۋدان كولەمىندەگى ورتا، شاعىن فينانس قۇرىلىمدارىنا قىزمەت كورسەتەدى. وسى رەتتە اۋدان كولەمىندە قىزمەت كورسەتەتىن فينانس قۇرىلىمدارىنىڭ حالىق اقشاسى امانات اقشا دايىندىق قورى مولشەرىن تومەندەتۋ شينجياڭنىڭ اۋىل - قىستاق ساۋدا بانكەلەرىنىڭ حالىقتىق جانە شاعىن، ۇساق كاسىپورىنداردىڭ دامۋىن قولداۋ قابىلەتىن كورنەكتى تۇردە ارتتىرادى.
ۇعىسۋعا قاراعاندا، وسى جولعى دايىندىق قورى مولشەرىن تومەندەتۋ ساياساتى شىعارىلاردىڭ الدىندا، اۋىل - قىستاق سەنىمدى امانات - قارىز كووپەراتيۆى سياقتىلار ءبىر دارەجە تومەن امانات اقشا دايىندىق قورىنىڭ مولشەرىن اتقارعان، اۋىل - قىستاق ساۋدا بانكەلەرىنىڭ ءبىر ءبولىمى جارنا تۇزىمىندەگى ساۋدا بانكەلەرىمەن ۇقساس ارالىقتاعى دارەجەدەگى امانات اقشا دايىندىق قورى مولشەرىن اتقارعان، اۋىل - قىستاق ساۋدا بانكەلەرىنىڭ ەندى ءبىر ءبولىمى ارالىق دارەجەدەن ءسال تومەندەۋ امانات اقشا دايىندىق قورى مولشەرىن اتقارعان. وسى جولعى رەتتەۋدەن كەيىن، اۋدان كولەمىندە قىزمەت وتەيتىن اۋىل - قىستاق ساۋدا بانكەلەرى مەن اۋىل - قىستاق سەنىمدى قارىز كووپەراتيۆتەرى ءبىر دارەجەدەگى امانات اقشا دايىندىق قورى مولشەرىن اتقارىپ، سول ارقىلى امانات اقشا دايىندىق قورى مولشەرىنىڭ دارەجەسىن ىقشامدايدى، بۇل اناعۇرلىم ايقىن، ىقشام امانات اقشا دايىندىق قورى ءتۇزىمىنىڭ نەگىزىنەن سۇلبالانۋىنا سەپتىگىن تيگىزەدى ەكەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
