4 - كەزەكتى جىبەك جولى كورمەسى
شينجياڭ ۇيىرمەسىنىڭ جاساسقان كەلىسىم سوماسى 23 ميلليارد 300 ميلليون يۋاننان استى
2019.05.14 15:51 كەلۋ قاينارى : حالىق تورابى
حالىق تورابى، 5 – ايدىڭ 14 – كۇنى، بەيجيڭ. 5 - ايدىڭ 12 - كۇنى 4 - كەزەكتى جىبەك جولى حالىقارالىق كورمەسىنە قاتىناسقان شينجياڭ ۋاكىلدەر ۇيىرمەسى جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ تۋرالى تانىستىرۋ جيىنىن جانە نىساندار كەلىسىمىنە قول قويۋ سالتىن وتكىزدى، سول كۇنى جالپى 69 سەلبەستىك نىسان كەلىسىمى جاسالىپ، كەلىسىم جالپى سوماسى 23 ميلليارد 398 ميلليون يۋانعا جەتتى.
وسى كەزەكتى جىبەك جولى حالىقارالىق كورمەسىندە نەگىزگى تاقىرىپتىق تالقى مىنبەرى، ماڭىزدى جيىندار، قارجى قوسۋ - ساۋدانى ىلگەرىلەتۋ قيمىلى، وتكىزۋشى ەل قيمىلى سياقتى 6 ۇلكەن بولەك بويىنشا 30 نەشە قيمىل جانە قاتىستى كورمەلەر وتكىزىلدى. سول كۇنگى تانىستىرۋ جيىنىندا التاي ايماعى، اقسۋ ايماعى، سانجى حۇيزۋ اۆتونوميالى وبلىسى، قاشقار ەكونوميكالىق اشۋ رايونى، قورعاس ەكونوميكالىق اشۋ رايونى، ءۇرىمجى جوعارى، جاڭا تەحنيكالىق كاسىپتەر اشۋ رايونى (جاڭا قالا رايونى)، ءۇرىمجى حالىقارالىق قۇرلىقتىق پورتى جەكە - جەكە ارناۋلى تاقىرىپتا تانىستىرۋ جاسادى.
شينجياڭ ۋاكىلدەر ۇيىرمەسىنىڭ وسى جولى كەلىسىم جاساسقان نىساندارى جەڭىل ونەركاسىپ، ساۋدا - زات تاسىمالى، جابدىق جاساۋ، عىلىم - تەحنيكالىق قىزمەت وتەۋ، مادەنيەت - ساياحات سياقتى 8 سالاعا سايادى، مۇندا 62 نىسان حالىقتىق كاپيتالداردىڭ قارجى قوسۋىمەن كەلگەن، كەلىسىم سوماسى 20 ميلليارد 823 ميلليون يۋان بولىپ، جالپى كەلىسىم سوماسىنىڭ 88.99 پايىزىن ۇستادى، بۇل سالىستىرما الدىڭعى كەزەكتەگىدەن 16 پايىز ارتتى؛ مەملەكەت مەنشىگىندەگى كاپيتالدار قارجى قوسقان نىسان 5، كەلىسىم سوماسى ءبىر ميلليارد 595 ميلليون يۋان. ىشپەن بايلانىس جاساۋ نىساندارىنان سىرت، وسى كەزەكتى كورمەدە شينجياڭ ۋاكىلدەر ۇيىرمەسى تاعى كەلىسىم سوماسى 980 ميلليون يۋان تۇراتىن 2 شەتەل قارجىسى نىسانى كەلىسىمىن جاساستى.
شي - ان كۋانشيتاڭ ساياحات اشۋ شەكتى سەرىكتەستىگى − سول كۇنى كەلىسىم جاساسقان كاسىپورىنداردىڭ ءبىرى، ولار كۇيتۇن قالاسىندا 350 ميلليون يۋان قارجى قوسىپ، مادەنيەت جاسامپازدىق ءدامدى تاعامدار كوشەسىن قۇرۋدى جوسپارلادى.
«سوڭعى جىلدارى، شينجياڭ ساياحات كاسىبىنىڭ دامۋىن كۇش سالا ىلگەرىلەتتى، ءبىز وسى ورايدى مىقتى ۇستاپ، ەرەكشە كوشە رايونىن قۇرىپ، ساياحاتشىلارعا، سونداي - اق جەرگىلىكتى قالا تۇرعىندارىنا اناعۇرلىم باي سەيىل - سەرۋەن ساياحات ورنىن ازىرلەمەكشىمىز» دەدى وسى سەرىكتەستىكتىڭ باس ديرەكتورى ما دىيۇڭ.
شينجياڭ ۋاكىلدەر ۇيىرمەسىنىڭ اقپارات مالىمدەمەشىسى، شينجياڭ ۇيعۇر اۆتونوميالى رايوندىق ساۋدا مەڭگەرمەسى سىرتقا قارجى قوسۋ جانە ەكونوميكالىق سەلبەستىك باسقارماسىنىڭ باستىعى فۋ چاۋحۇڭ مىنالاردى ءبىلدىردى: «ءبىر بەلدەۋ، ءبىر جول» باستاماسىنىڭ جەتەكشىلىگىندە، شينجياڭ مەن شانشي ولكەسىنىڭ سەلبەستىگى بارعان سايىن نىعايا ءتۇستى، بۇگىن كوپتەگەن نىساندار بويىنشا كەلىسىم جاسالۋى − ەكى جاقتىڭ سەلبەستىك تابىستارىنىڭ بەينەسى. شينجياڭنىڭ ەل ءىشى - سىرتىندا اناعۇرلىم كوپ كاسىپورىندارمەن سەلبەسىپ، ەكونوميكا - ساۋدا اۋىس - ءتۇيىسى مەن ناقتى سەلبەستىكتى ونان ارى كۇشەيتىپ، دامۋ ورايىن بىرگە ءبولىسىپ، جىبەك جولى ەكونوميكالىق بەلدەۋى قۇرىلىسىن بىرگە ىلگەرىلەتۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
