باتىستىڭ گازىن شىعىسقا جەتكىزىپ، وڭتۇستىك شينجياڭدى گازبەن قامتۋدى ىلگەرىلەتتى
تارىم مۇناي الابى جاسىل دامۋعا ”نەگىز قالادى“
2019.06.21 14:43 كەلۋ قاينارى : شينجياڭ گازەتى
ءتىلشىمىز ۋاڭ يۇڭفي 6 - ايدىڭ 19 - كۇنى باي اۋدانىنان حابارلايدى. ءتىلشى تارىم مۇناي الابى سەرىكتەستىگىنەن مىنانى ۇعىستى: 5 - ايدىڭ سوڭىنا دەيىن تارىم ويپاتى باتىستىڭ گازىن شىعىسقا جەتكىزۋ بويىنشا 230 ميلليارد تەكشەمەتردەن استام گاز بەرىپ، وڭتۇستىك شينجياڭداعى 5 ايماق - وبلىستى جيىنى 33 ميلليارد تەكشەمەتردەن استام گازبەن قامداپ، ەلىمىزدىڭ ەنەرگيا قۇرىلىمىن ساپالىلاندىرىپ رەتتەۋگە، تومەن كومىرتەكتى جاسىل دامۋعا، كورىكتى جۇڭگو قۇرىلىسىنا ماڭىزدى ۇلەس قوسقان.
6 - ايدىڭ 15 - كۇنى ۇشى - قيىرسىز ءشول دالادا كۇن شىجىپ تۇر. باي اۋدانى شەكاراسى ىشىندەگى ءشول دالادا كىلا 7 - 2 قۇدىعى گاز جەتكىزۋ قۇبىرىمەن تولاسسىز تاسىمالدانعان تابيعي گازدىڭ ”سىرىلداعان“ داۋىسى ەستىلەدى، جەر بەتىندە ”باتىس گاز قاينارى“ دەگەن بىرنەشە ۇلكەن ءارىپ مەن مۇندالاپ تۇر. ”’ەڭبەك سىڭىرگەن قۇدىق‘ دەپ اتالاتىن كىلا 2 گاز الابىنداعى بۇل قۇدىق ەلىمىز بويىنشا جالپى وندىرگەن گاز مولشەرى 10 ميلليارد تەكشەمەتردەن اسقان تۇڭعىش رەتكى جەكە قۇدىق. 2004 - جىلى 11 - ايدا وندىرىسكە قوسىلعاننان بەرى، باتىستىڭ گازىن شىعىسقا جەتكىزۋ قۇبىرى ارقىلى ەلىمىزدىڭ شىعىس بولىكتەگى ولكە، اۆتونوميالى رايوندارىنا تولاسسىز تابيعي گاز جەتكىزدى“، - دەدى تارىم مۇناي الابى سەرىكتەستىگى كىلا مۇناي - تابيعي گاز اشۋ ءبولىمىنىڭ باس گەوينجەنەرى ۋاڭ شىڭجۇن.
تارىم ويپاتى ەلىمىزدىڭ قۇرلىقتاعى ەڭ ۇلكەن مۇنايلى - تابيعي گازدى ويپاتى، ويپاتتىڭ مۇناي - تابيعي گاز بايلىعى بالاماسى 17 ميلليارد 800 ميلليون تونناعا جەتەدى، مۇندا تابيعي گاز بايلىعى مولشەرى 12 تريلليون 900 ميلليارد تەكشەمەتر. تارىم ويپاتىنان تابيعي گازدى بارلاپ - بايقاۋ باتىستىڭ گازىن شىعىسقا جەتكىزۋ ينجەنەرياسىن تىكەلەي جەبەپ، جەلى بويىنداعى 14 ولكە، اۆتونوميالى رايون، قالانىڭ 300 ميلليوننان استام تۇرعىنىنا يگىلىك جەتكىزدى. 2002 - جىلى 7 - ايدا باتىستىڭ گازىن شىعىسقا جەتكىزۋ 1 - لەنيا قۇبىرى باستاپ سالىندى، 2004 - جىلى 9 - ايدا تارىم مۇناي الابى باتىستىڭ گازىن شىعىسقا جەتكىزۋ قۇبىر جەلىسى ارقىلى شىعىس بولىكتەگى ولكەلەردى، اۆتونوميالى رايونداردى، قالالاردى گازبەن قامدادى. 1 - لەنيانىڭ سالىنۋى باتىستىڭ گازىن شىعىسقا جەتكىزۋ 2 - لەنياسىنىڭ، 3 - لەنياسىنىڭ سالىنۋىنا نەگىز قالادى.
سونىمەن بىرگە، تارىم مۇناي الابى وڭتۇستىك شينجياڭدى گازبەن قامداۋ ينجەنەرياسىن بەلسەنە اتقارۋ ارقىلى وڭتۇستىك شينجياڭداعى بۇقارانىڭ بۇكىل مەملەكەتپەن بىرگە تابيعي گاز داۋىرىنە قادام تاستاۋىنا مۇمىكىندىك جاسادى. وتكەن عاسىردىڭ 90 - جىلدارىنىڭ سوڭىندا تارىم مۇناي الابى سەرىكتەستىگى وڭتۇستىك شينجياڭنىڭ 3 ايماق - وبلىسىنداعى ءىشىنارا اۋدان - قالانى كۇبىلى سۇيىتىلعان گازبەن قامدادى، 2010 - جىلى 7 - ايدان باستاپ وڭتۇستىك شينجياڭدا تابيعي گاز بويىنشا حالىققا تيىمدىلىك جاساۋ ينجەنەرياسىن باستاپ اتقاردى، 2013 - جىلى 7 - ايدا تارىم ويپاتىندا تابيعي گاز نەگىزگى قۇبىر تورى تۇگەلدەي تۇتاستى ءارى وندىرىسكە قوسىلدى، جالپى ۇزىندىعى 2424 كيلومەتر، وڭتۇستىك شينجياڭنىڭ 5 ايماق - وبلىسىنداعى 42 اۋدان، قالانى، 20 ەگىنشىلىك الاڭىن، مال فەرماسىن، تۋان الاڭدى قامتىدى. بيىل 5 - ايدىڭ سوڭىنا دەيىن جالپى گازبەن قامداۋ مولشەرى 33 ميلليارد 200 ميلليون تەكشە مەترگە جەتىپ، 43 ميلليون 160 مىڭ توننا كومىردىڭ ورنىن باستى.
”بۇرىن وڭتۇستىك شينجياڭداعى بۇقارا، نەگىزىنەن، كومىر مەن اعاش وتىنعا سۇيەنىپ تاماق ىستەيتىن، جىلىناتىن، وڭتۇستىك شينجياڭنىڭ ەكولوگياسى ءالسىز، كومىر جانە اعاش وتىن جاعۋ ەكولوگيالىق ورتاعا اۋىر اۋىرتپالىق اكەلەدى. وڭتۇستىك شينجياڭدا تابيعي گاز بويىنشا حالىققا تيىمدىلىك جاساۋ ينجەنەرياسىن اتقارۋ جەرگىلىكتى ورىننىڭ ەكونوميكالىق، قوعامدىق دامۋىنا جەتەكشىلىك ەتىپ، ءار ۇلت بۇقاراسىنىڭ تۇرمىس دەڭگەيىن جوعارىلاتىپ، وڭتۇستىك شينجياڭنىڭ ەكولوگيالىق ورتاسىن قورعادى“، - دەدى ۋاڭ شىڭجۇن.
بىلتىر جىل باسىنان بەرى قاعىلىق اۋدانى كوكجار اۋىلى تاراۋىز قىستاعىنىڭ تۇرعىنى تۇرعۇن توحتى نان جابۋدى تابيعي گازدان پايدالانۋعا وزگەرتكەنىنە ىشتەي قاتتى قۋانىشتا. ”بۇل كومى−ر اعاش وتىن جاعۋعا كەتەتىن وزىندىك قۇندى ۇنەمدەپ قانا قالماي، ءتۇتىن شالمايتىن بولدى، ناننىڭ ءدامى جاقسارىپ، ساۋدامىز دا جانداندى، قازىر كۇنىنە، از دەگەندە، 200 نان ساتامىن“، - دەدى 6 - ايدىڭ 15 - كۇنى ول جايراڭداي سويلەپ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
