بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ ۇيعۇر اۆتونوميالى رايونىنىڭ ءمانساپتىسى بىرىككەن مەملەكەتتەر ۇيىمى كىسىلىك ۇقىق ىستەرى القالار كەڭەسىندە شينجياڭنىڭ كىسىلىك ۇقىق ىستەرى جاعىنداعى جەتىستىكتەر مەن لاڭكەستىككە قارسى تۇرۋ، ۇشقارىلىقتى الاستاۋ جاعدايىن تانىستىردى

2019.06.27 14:58     كەلۋ قاينارى : حالىق تورابى

  شينحۋا اگەنتتىگى، 6 – ايدىڭ 25 – كۇنى، جەنەۆا. شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، ءتوراعاسىنىڭ ورىنباسارى ەركىن تۇنياز بىرىككەن مەملەكەتتەر ۇيىمنىڭ كىسىلىك ۇقىق ىستەرى القالار كەڭەسىنىڭ 41 – كەزەكتى ماجىلىسىندە ءسوز سويلەپ، شينجياڭنىڭ كىسىلىك ۇقىق ىستەرى جاعىنداعى جەتىستىكتەر مەن لاڭكەستىككە قارسى تۇرۋ، ۇشقارىلىقتى الاستاۋ جاعدايىن تانىستىردى.

  ەركىن مىنانى ءبىلدىردى: شينجياڭداعى ءار ۇلت حالقىنىڭ تەرەزەسى تەڭ، ىنتىماقتى، جاراسىمدى، تىنىستاس بولىپ، رەفورما مەن دامۋدىڭ جەتىستىكتەرىنەن ورتاق يگىلىكتەنىپ، اناردىڭ دانىندەي تىعىز توپتاسقان. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ ەكونوميكا مەن قوعام جانە كىسىلىك ۇقىق ىستەرى جاعىندا زور جەتىستىكتەرگە قول جەتكىزدى، ءار ۇلت حالقىنىڭ تۇرمىس ورەسى بارىنشا جوعارىلاپ، ءدىني سەنىم ەركىندىگىنگە زاڭ بويىنشا كەپىلدىك ەتىلدى، از ۇلتتاردىڭ ۇزدىك ءداستۇرلى مادەنيەتتەرى قورعالدى جانە ساۋلەلەندىرىلدى.

  ەركىن مىنانى اتاپ كورسەتتى: الدىڭعى عاسىردىڭ 90 جىلدارىنان 2016 – جىلعا دەيىن، شەكارا سىرتىنداعى «ءۇش ءتۇرلى كۇش» شينجياڭدا نەشە مىڭ رەتكى زورلىقتى كۇش لاڭكەستىك دەلوسىن (وقيعا) جوسپارلادى ءارى ۇيىمداستىرىپ اتقاردى، شينجياڭنىڭ تىنىشتىعى مەن ءتارتىبىن، ۇلتتار ىنتىماقتاسا وتىرىپ العا باسقان جاعدايدى اۋىر دارەجەدە ءبۇلدىردى، شينجياڭداعى ءار ۇلت حالقىنىڭ ءومىر ءسۇرۋ ۇقىعى، دەنساۋلىق ۇقىعى جانە جەتىلۋ ۇقىعى سىندى نەگىزدىك كىسىلىك ۇقىقتارىن اياققا تاپتادى.

  ەركىن مىنانى باسا دارىپتەدى: جۇڭگو شينجياڭ ءار ۇلت حالىق جۇرتشىلىعىنىڭ ءتۇبىرلى مۇددەسىن باستى ورىنعا قويۋعا كەپىلدىك ەتىپ، زورلىقتى كۇش لاڭكەستىك قىلمىستارعا قاتاڭ سوققى بەرۋمەن بىرگە، ساقتانۋ سيپاتىندىق لاڭكەستىككە قارسى تۇرۋ مەن ۇشقارىلىقتى ءتۇپ قاينارىنان باستاپ الاستاۋدى ورىستەتۋگە ءمان بەردى. كاسىپتىك شەبەرلىككە تاربيەلەۋ ورتالىعىن زاڭ بويىنشا قۇرىپ، ءدىني ۇشقارى يدەيانىڭ ەلىكتىرۋىنە ۇشىراعانداردى، زاڭعا قايشى جەڭىل قىلمىس وتكىزگەندەردى تاربيەلەپ جانە اراشالاپ، لاڭكەستىك پەن ۇشقارىلىقتىڭ قۇربانى بولۋدان ساقتاندىرىپ، حالىقتىڭ نەگىزگى كىسىلىك ۇقىعىنىڭ زيانعا ۇشىراۋىنان ساقتانۋعا ەڭ جوعارى دەڭگەيدە كەپىلدىك ەتتى.

  ەكى جىلدىق اماليات ارقىلى جۇڭگو شينجياڭ كاسىپتىك شەبەرلىككە تاربيەلەۋ ورتالىعى قىزمەتتە كورنەكتى ناتيجەلەرگە قول جەتكىزدى. كۋرسانتتار لاڭكەستىك پەن ۇشقارىلىقتىڭ رۋحاني شىرماۋىنان بىرتىندەپ قۇتىلىپ، وسىزامانعى ءبىلىم مەن ينفورماتسيانى مەڭگەرۋ جولدارىن يگەردى، بەلگىلى دەڭگەيدە قولدانىلمالى تەحنيكالاردى ۇيرەندى، كوپتەگەن كۋرسانتتار مەكتەپتى تاۋىسىپ، ورنىقتى كاسىپكە ورنالاسىپ، باقىتتى تۇرمىسقا قادام تاستادى. شينجياڭدا جۋىرداعى ءۇش جىلدان بەرى لاڭكەستىك دەلوسى تۋىلمادى، قالىڭ حالىق جۇرتشىلىعىنىڭ باقىت سەزىمى، تابىس سەزىمى، وتە – موتە، حاۋىپسىزدىك سەزىمى كورنەكتى كۇشەيدى.

  ەركىن مىنانى اتاپ كورسەتتى: جۇڭگو جاق ءارقايسى جاقتارمەن تەرەزەسى تەڭ، ءوزارا قۇرمەت ەتۋ نەگىزىندە لاڭكەستىككە قارسى تۇرۋ، ۇشقارىلىقتى الاستاۋ قىزمەتى جايلى اۋىس – كۇيىس جاساۋدى قالايدى، كىسىلىك ۇقىق ىستەرى القالار كەڭەسىنىڭ ءتوراعاسىن، كىسىلىك ۇقىق ىستەرى جونىندەگى جوعارى دارەجەلى ارناۋلى قىزمەتكەرلەردى جانە كىسىلىك ۇقىق ىستەرى القالار كەڭەسىنە مۇشە ەلدەر مەن باقىلاۋشى ەلدەردىڭ ۋاكىلدەرىن جۇڭگو شينجياڭعا بارىپ ناق مايداندا ەكسكۋرسيالاۋعا، كوركەم شينجياڭدى، ناعىز شينجياڭدى، مەيماندوس شينجياڭدى كورىپ قايتۋعا شاقىرادى.

  ءار ەلدىڭ جەنەۆادا تۇراتىن ديپلوماتيالىق ءمانساپتىلارى مەن ب م ۇ ءمانساپتىلارى بولىپ، جيىنى 500دەن استام ادام ماجىلىسكە قاتىناستى، ءارقايسى جاقتار ەركىننىڭ سويلەگەن سوزىنە جوعارى باعا بەرىپ، وسى ارقىلى وزدەرىنىڭ شينجياڭنىڭ جاعدايىنا دەگەن تۇسىنىگىنىڭ تەرەڭدەي تۇسكەنىن ءبىلدىردى. دامۋ ۇستىندەگى ەلدەردىڭ ۋاكىلدەرى جۇڭگو جاقتىڭ شينجياڭنىڭ جاعدايىن ۇگىتتەۋ - تانىستىرۋ جاعىندا اناعۇرلىم كوپ قيمىلداردى ۇيىمداستىرۋىن جاپپاي ءۇمىت ەتتى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار