بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

«شينجياڭ قانداي كوركەم، تاعى دا كەلىپ تۇرۋعا تاتيتىن جەر ەكەن!» (شينجياڭ جاقسى جەر ③)

حالىق گازەتىنىڭ ءتىلشىسى جاۋ شان

2019.07.15 13:13     كەلۋ قاينارى : حالىق تورابى


  «مۇنداي كوركەم كورىنىستى بۇرىن مۇلدە كورمەگەن ەكەنمىن! بۇل جەرگە ساياحاتشىلار اعىلىپ كەلىپ تۇرادى ەكەن، گۇلدى جەلەكتەرى جەلبىرەگەن ‹اپايلار توبى›، باكالاۋرلىق كيىمىن كيگەن ‹وقۋ تاۋىسار الدىنداعى ستۋدەنتتەردىڭ ساياحات ۇيىرمەسى›، اۋلەتتەگى ءۇش ۇرپاق بىرگە ساياحاتتاپ جۇرگەن ‹اتا – انا مەن بالا ۇيىرمەسى› تۇس – تۇستان كوزگە شالىنادى، جۇرتتىڭ ءبارى ساياحاتتىڭ قىزىعىنا تۇسكەن!». بەيجيڭنەن شينجياڭ قاناس كورىنىس رايونىنا كەلىپ ساياحاتتاپ جۇرگەن جي كى ەسىمدى ساياحاتشى تىلشىگە شاتتانعان بەينەدە وسىلاي دەدى.

  ۇشى – قيىرسىز ءشول، شەت – شەگىنە كوز جەتپەس قۇبا ءتۇز، جاسىل مانات جامىلعان القاپ، ۇلان – بايتاق ساحارا، ۇزاققا سوزىلعان قارلى تاۋ، ءموپ – ءمولدىر كول سۋى، بايىرعى جىبەك جولى ... شينجياڭنىڭ ساياحات بايلىعى دۇنيە ءجۇزى بويىنشا الدىڭعى قاتاردا تۇرادى. جۋىردا ساياحاتتىڭ قاۋىرت مەرزىمىنە قادام تاستاعاننان بەرى، شينجياڭداعى كورىنىس رايوندارىنا ەل ءىشى - سىرتىنان كەلەتىن ساياحاتشىلاردىڭ سانى قاۋىرت ارتتى. ورنىقتى كىرىس قاينارى الەۋەتىن ۇزدىكسىز ساۋلەلەندىردى، بەدەلى ارتىپ، سەنىمى بەكەمدەلىپ، قوزعاۋشى كۇشى قۋاتتى بولدى، ساياحاتشىلار مەن جەرگىلىكتى تۇرعىندار ءتۇرلى مادەنيەت پەن تاماشا تۇرمىستان بىرگە ءلاززاتتاندى.

  كوركەم شينجياڭنىڭ بەدەلى بارعان سايىن ارتا ءتۇستى

  شىجىعان ىستىق جاز كۇنىندە تەمپەراتۋرانىڭ جوعارىلاۋىنا ىلەسىپ، ابىرويى اسقاقتاعان القاپتىڭ ساياحات سالاسىنىڭ تاسى ورگە دومالادى. ءۇرىمجى قالاسىنداعى ۇلكەن بازار ساياحاتشىلاردىڭ قادام تاستاماي كەتپەيتىن جەرى، بيىل 6 – ايدان بەرى، ۇلكەن بازار ءبىر ميلليون 700 مىڭ ادام – رەتتەن استام ساياحاتشى قابىلداعان. 6 – ايدان 10 – ايعا دەيىن، شينجياڭ 390 تۇردەن استام مادەنيەت – ساياحات قيمىلىن ۇيىمداستىرعان، مۇندا مەرەكەلىك قۇتتىقتاۋ، جيىن – تەرىنگە ارالاسۋ، مادەنيەت جانە سپورت، زەرتتەۋ جانە ۇيرەنۋ قاتارلى ءتۇرلى تاقىرىپتار قامتىلعان.

  جايناعان جاز مەزگىلىندە قاناستاعى اسقار تاۋ شالعىنىندا دالا گۇلدەرى قۇلپىرىپ، كوكپەڭبەك كول سۋى مەن نۋ ورمان اسا كوركەم كورىنىستى قالىپتاستىرادى. جي كى تىلشىگە: دوسىم شياۋچي وسى جولى دالالىق جۇگىرۋ جارىسى ءۇشىن قاناس كولىنە ارنايى كەلگەن. بۇل جارىس ەل ىشىندەگى دالالىق جۇرگىرۋ جارىستارى ىشىندەگى جوعارى دارەجەلى جارىس تۇرىنە اينالدى، جىل سايىن كوپتەگەن اۋەسكەرلەردى باۋرايدى، — دەيدى.

  كەشقۇرىم قاشقار بايىرعى قالا كورىنىس رايونىنىڭ قارسى تۇسىنداعى ءدامدى تاعامدار الاڭى دىر – دۋمانعا بولەنەدى. شار – تاراپتان كەلگەن مەيماندار 100دەن استام جايما ورنىندا ءدامى ءتىل ۇيىرەتىن تاعامداردان ءلاززاتتانادى. بيىل 1 – ايدان 4 – ايعا دەيىن، قاشقار قالاسى ءبىر ميلليون 239 مىڭ ادام – رەت ساياحاتشى قابىلداعان، بۇل بىلتىرعى سايكەس مەرزىمدەگىمەن سالىستىرعاندا %30.8 ارتقان؛ «1 – مامىر» دەمالىسىندا 199 مىڭ ادام – رەت ساياحاتشى قابىلداعان، بۇل بىلتىرعى سايكەس مەرزىمدەگىمەن سالىستىرعاندا %370.3 ارتىپ، تاريحتاعى جاڭا ورەنى جاراتقان.

  جۇڭگونىڭ باتىسىنداعى تەڭىز – باعراش كولى 11 – كەزەكتى كولدى اشۋ ماۋسىمى قيمىلى جۋىردا بايىنعولىن موڭعۇل اۆتونوميالى وبلىسىنداعى باعراش اۋدانىندا وتكىزىلدى. 15 ءتۇرلى مادەنيەت قيمىلى، 30 نەشە ءتۇرلى سۋ ءۇستى كوڭىل – اشۋ قيمىلى جازعى ساياحاتتى جالىنداتتى. كوپ جىلدان بەرى شينجياڭنىڭ ساياحات ىستەرىن ۇگىتتەپ كەلە جاتقان ورتالىق راديو – تەلەۆيزيا باس ستانسياسىنىڭ ءتىلشىسى چىن ياپيڭ: شينجياڭنىڭ ساياحات ىستەرىنىڭ ابىرويى ارتىپ، كولدى اشۋ قيمىلى 100 مىڭ ساياحاتشىنى باۋرادى. سول ماڭداعى بايىنبۇلاق كورىنىس رايونى ورتا ەسەپپەن كۇنىنە 5000 ساياحاتشى قابىلدايدى، قىسقا مەرزىمدىك دەمالىستاردا 30 مىڭنان استام ادامعا جەتتى. كەشكى ساعات 10نان كەيىن دە كوپتەگەن ساياحاتشىلار كورىنىس رايونىندا سۋرەت تۇسىرەدى، — دەيدى.

  شينجياڭدا قىزىل ساياحات تا بارعان سايىن جۇرتتى باۋراۋدا. شينجياڭ جۋىردا «قىزىل گەنگە مۇراگەرلىك ەتۋ ساياحات جەلىسى»، «تىڭ يگەرىپ، شەكارانى قورعاۋ ساياحات جەلىسى» قاتارلى 10 ءتۇرلى قىزىل ساياحات جەلىسىن ورتاعا قويىپ، شينجياڭنىڭ جازعى ساياحات مازمۇندارىنىڭ قاتارىن مولايتۋدان سىرت، ساياحاتشىلارعا جاڭا جۇڭگو قۇرىلعاننان بەرگى شينجياڭدا تۋىلعان زور وزگەرىستەردى تەرەڭ سەزىندىردى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار