ۋنيۆەرسال حابار: حالىقارالىق قوعامعا شينجياڭدى اناعۇرلىم ءتۇسىندىرۋ − كوپ ەل وقىمىستىلارى «شينجياڭنىڭ ءبىرقانشا تاريحي ماسەلەسى» اتتى اق تىستى كىتاپقا بەلسەندى باعا بەردى
2019.07.23 14:46 كەلۋ قاينارى : حالىق تورابى
حالىق تورابى، 7 – ايدىڭ 23 – كۇنى، بەيجيڭ. مەملەكەتتىك كەڭەستىڭ اقپارات كەڭسەسى 7 – ايدىڭ 21 – كۇنى «شينجياڭنىڭ ءبىرقانشا تاريحي ماسەلەسى» اتتى اق تىستى كىتاپتى جاريالادى. اق تىستى كىتاپ شينجياڭنىڭ ءبىرقانشا تاريحي ماسەلەسىنە عىلىمي جاۋاپ بەرىپ، ەل ءىشى - سىرتىنداعى جاۋ كۇشتەردىڭ تاريحتى بۇرمالاپ، دۇرىس پەن بۇرىستى شاتاستىراتىن ساندىراعىنا پارمەندى تويتارىس بەردى. كوپتەگەن ەلدىڭ مامان - وقىمىستىلارى اق تىستى كىتاپ جۇرتتى جاڭساقتىقتان ارىلتۋدا بەلسەندى رول اتقاردى دەدى.
فرانسيانىڭ ايەل جازۋشىسى، جۇڭگو ماسەلەسى مامانى سونيا برەسلەي شينجياڭنىڭ جەر - جەرىن ارالاعان. ول بىلاي دەدى: اق تىستى كىتاپ حالىقارالىق قوعامعا شينجياڭنىڭ تاريحى مەن قازىرگى جاعدايىن ەگجەي ـ تەگجەيلى ءتۇسىندىرىپ، ناعىز شينجياڭدى تۇسىنۋگە سەپتىگىن تيگىزدى. ءبىر ءبولىم باتىستىقتاردىڭ شينجياڭعا بولعان تۇسىنىگى تاياز، كەيبىر الدىمەن جەتكەن ۇعىمدار ولاردىڭ ناقتى شينجياڭدى تۇسىنۋىنە كەدەرگى بولدى. برەسلەي ءتول كەشىرمەلەرى ارقىلى بىلاي دەدى: جۇڭگودا 56 ۇلت بار، شينجياڭدا مۇنداي كوپ ۇلتتى توعىسۋدى تىكە سەزىنۋگە بولادى.
كاتار اقپارات اگەنتتىگى تەكسەرۋ ـ زەرتتەۋ ءبولىمىنىڭ مەڭگەرۋشىسى حاليد بەنال بىلاي دەدى: جۇڭگو وسى رەت جاريالاعان اق تىستى كىتاپتا شينجياڭنىڭ تاريحتاعى تامىرى ايقىندالىپ، شينجياڭنىڭ تاريحي جالعاسۋى مەن مادەنيەتىنىڭ جالعاسۋى اناعۇرلىم بايىمدالىپ، حالىقارالىق قوعام شينجياڭدى ونان ارى ىشكەرىلەي جانە دۇرىس ءتۇسىندى. دوحا حالىقارالىق ءدىني پىكىرلەسۋ ورتالىعىنىڭ زەرتتەرمەنى نابەل شارابي بىلاي دەدى: جۇڭگو جاريالاعان وسى اق تىستى كىتاپتا شينجياڭنىڭ رەال جاعدايى ەگجەي ـ تەگجەيلى باياندالىپ، جۇڭگوعا قاراتىلعان ورىنسىز جازعىرۋعا قايتارما سوققى بەرىلىپ، جات نيەتتى وسەك ـ اياڭعا تويتارىس بەرىلدى.
ساۋد ارابيانىڭ جۇڭگو ماسەلەسى مامانى ابدۇل ازيز ساباني بىلاي دەدى: اق تىستى كىتاپ شينجياڭنىڭ تاريحى مەن قازىرگى دامۋ جاعدايىن تولىق، ەگجەي - تەگجەيلى تانىستىرىپ، قاتىستى مەملەكەتتەر مەن اقپارات قۇرالدارىنىڭ شينجياڭعا جاققان قاراسىنا تويتارىس بەردى. ول بىلاي دەدى: جۇڭگونىڭ ءوزىنىڭ ءىس جۇزىندىك جاعدايىمەن ۇشتاستىرىپ، ەكونوميكانىڭ دامۋىن جەبەۋ، قوعامنىڭ ورنىقتىلىعىن قورعاۋ جولىندا جاساعان قۇلشىنىستارىن حالىقارالىق قوعام قۇرمەتتەۋى جانە ءتۇسىنۋى كەرەك. وسى شارالار ۇشقارىلىق پەن تەررورلىقتىڭ تۋىلۋىن جانە ءورشۋىن ءونىمدى تەجەپ، شينجياڭنىڭ قوعامى مەن ەكونوميكاسىن ورنىقتى، تاماشا دامىتتى.
سريلانكا باندالانەك حالىقارالىق زەرتتەۋ ورتالىعىنىڭ مەڭگەرۋشىسى حاليندا ۆيداناگاي بىلاي دەدى: تاياۋ جىلداردان بەرى، كەيبىر باتىس اقپارات قۇرالدارىنىڭ جۇڭگو شينجياڭ جونىندەگى – حابارلارى شىندىققا جاناسپايتىن بولدى، اق تىستى كىتاپ جۇرتتى جاڭساقتىقتان ارىلتۋ رولىن ويداعىداي اتقارادى. جۇڭگو دۇنيە جۇزىنە جان ـ جاقتى قابىلداۋ، اشىق تا كەڭ پەيىل بولۋ عانا ۇلتتىڭ ورنىقتىلىعىن جۇزەگە اسىرۋدىڭ، گۇلدەنىپ ـ كوركەيۋدىڭ، دامۋدىڭ ءونىمدى جولى ەكەنىن دالەلدەپ وتىر. سريلانكا جول بارلاۋشى قور قوعامىنىڭ زەرتتەۋشىسى جايانات كولونباگو بىلاي دەدى: اق تىستى كىتاپتا شەكارا سىرتىنداعى جاۋ كۇشتەردىڭ جۇڭگونىڭ شينجياڭ رايونىنىڭ ورنىقتىلىعىن بۇلدىرۋگە ۇرىنىپ كەلگەندىگى ايتىلعان، سريلانكا دا وسى تەكتەس ماسەلەلەرگە ءدوپ كەلىپ وتىر. جۇڭگونىڭ ءدىن ورنىقتىلىعى مەن ۇلتتار ىنتىماعىن قورعاۋ جولىنداعى قۇلشىنىسى مەن بەكىمى سريلانكانىڭ ۇيرەنۋىنە، ۇلگى الۋىنا تاتيدى.
كەزىندە شينجياڭعا ساپارلاي كەلگەن ەگيپەتتىڭ ايينشامس ۋنيۆەرسيتەتىنىڭ پروفەسسورى، جۇڭگو ماسەلەسى مامانى ناسىر ابدۇل ءالى حان داۋىرىنەن باستاپ شينجياڭ جۇڭگو تەرريتورياسىنىڭ ءبىر بولىگىنە رەسمي اينالدى دەدى. ونىڭ شينجياڭدا ساپاردا بولعان كەزىندە ەكسكۋرسيالاعان تاريحي ىزدەرى دە وسى كوزقاراستى دالەلدەدى. ول بىلاي دەدى: جۇڭگو ۇكىمەتى ۇيعۇرلاردىڭ مادەنيەتى مەن تىلىنە نەمقۇرايدى قاراپ كورگەن ەمەس. (تىلشىلەر شۇي يۇڭچۇن، ياڭ يۋانيۇڭ، تۋ يفان، جۋ رۇيچيڭ، تاڭ لۋ، ۋ دانني)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
