الدىڭعى جارتى جىلدا شينجياڭنىڭ سىرتقى ساۋدا يمپورت - ەكسپورت جالپى قۇنى ۇقساس مەزگىلدەگىدەن 10.7 پايىز ارتتى
2019.07.24 14:23 كەلۋ قاينارى : حالىق تورابى
حالىق تورابى، 7 – ايدىڭ 24 – كۇنى، بەيجيڭ. ءتىلشىنىڭ ءۇرىمجى كەدەنىنەن ۇعىسۋىنشا، بيىل الدىڭعى جارتى جىلدا شينجياڭنىڭ سىرتقى ساۋدا يمپورت - ەكسپورت جالپى قۇنى 62 ميلليارد 470 ميلليون يۋان بولىپ، ۇقساس مەزگىلدەگىدەن 10.7 پايىز ارتىپ، بۇكىل ەلدىڭ ارتۋ قارقىنى 6.8 پايىزدان جوعارى بولعان، مۇندا ەكسپورت 45 ميلليارد 150 ميلليون يۋان بولىپ، سايكەس مەزگىلدەگىدەن 0.4 پايىز تومەندەگەن، يمپورت 17 ميلليارد 320 ميلليون يۋان بولىپ، سايكەس مەزگىلدەگىدەن 56.2 پايىز ارتقان. 3 - ايدان باستاپ، شينجياڭنىڭ سىرتقى ساۋدا يمپورت - ەكسپورت جالپى قۇنى ءۇرتىس 4 اي ۇقساس مەزگىلدەگىدەن ارتقان.
ساۋدا فورماسىنان قاراعاندا، الدىڭعى جارتى جىلدا شينجياڭنىڭ شاعىن سوماداعى شەكارا ساۋداسىنىڭ يمپورت - ەكسپورت جالپى قۇنى 36 ميلليارد 530 ميلليون يۋان بولىپ، سايكەس مەزگىلدەگىدەن 6.5 پايىز ارتىپ، سىرتقى ساۋدا يمپورت - ەكسپورت جالپى قۇننىڭ 58.5 پايىزىن يەلەگەن. ادەتتەگى ساۋدا يمپورت - ەكسپورت جالپى قۇنى 21 ميلليارد 220 ميلليون يۋان بولىپ، سايكەس مەزگىلدەگىدەن 10.6 پايىز ارتقان. بيىل الدىڭعى جارتى جىلدا شينجياڭنىڭ باسقا ساۋدا فورماسىندا تەز قارقىنمەن دامۋ اۋقىمى جارىققا شىعىپ، زات اينالىمى، جۇك تاسىمالى، سىرتقا قارجى قوسۋ، باجىسى قورعالاتىن قويماداعى زات، باعىتتامالى يمپورت ەتىلەتىن ماتەريال جانە شەكارا تۇرعىندارىنىڭ ءوزارا ساۋداسى جەكە - جەكە سايكەس مەزگىلدەگىدەن 1.1 ەسە، 161.8 ەسە، 66.2 پايىز، 78.6 پايىز جانە 60.2 پايىز ارتقان.
قازاقستان ءالى دە جۇڭگو شينجياڭنىڭ ءبىرىنشى ۇلكەن ساۋدا سەرىگى، الدىڭعى جارتى جىلدا جۇڭگو شينجياڭنىڭ قازاقستانعا يمپورت - ەكسپورت جالپى قۇنى 28 ميلليارد 530 ميلليون يۋان بولىپ، سايكەس مەزگىلدەگىدەن 17 پايىز ارتىپ، جۇڭگو شينجياڭ سىرتقى ساۋدا جالپى قۇنىنىڭ 50 پايىزعا جۋىعىن يەلەدى، ونىڭ ۇستىنە ارتۋ جاعدايى كورنەكتى بولدى. الدىڭعى جارتى جىلدا، جۇڭگو شينجياڭنىڭ قىرعىزستانمەن، رەسەيمەن بولعان يمپورت - ەكسپورت جالپى قۇنى جەكە - جەكە 8 ميلليارد 700 ميلليون يۋان، 4 ميلليارد 580 ميلليون يۋان بولدى.
الدىڭعى جارتى جىلدا، يمپورت - ەكسپورت ساۋداسىندا، شينجياڭنىڭ حالىقتىق كاسىپورىندارى اۋەلگىدەي نەگىزگى كۇش بولدى، مەملەكەت مەنشىگىندەگى كاسىپورىنداردىڭ بەينەسى دە جالىنداي ءتۇستى. ماشينا - ەلەكتر ونىمدەرى، كيىم - كەشەك جانە اياق كيىم − شينجياڭنىڭ نەگىزگى ەكسپورت تاۋارى؛ تابيعي گاز، اۋىل شارۋاشىلىق ونىمدەرى جانە ماشينا - ەلەكتر ونىمدەرى − نەگىزگى يمپورت تاۋارى. مۇندا اۋىل شارۋاشىلىق ونىمدەرى شينجياڭنىڭ سىرتقى ساۋداسىنداعى ماڭىزدى يمپورت - ەكسپورت تاۋار ءتۇرى، اۋىل شارۋاشىلىق ونىمدەرىنىڭ الدىڭعى جارتى جىلداعى ەكسپورت جالپى قۇنى 3 ميلليارد 150 ميلليون يۋان بولىپ، سايكەس مەزگىلدەگىدەن 7.6 پايىز ارتتى، يمپورت ەتىلگەن اۋىل شارۋاشىلىق ونىمدەرى 2 ميلليارد 470 ميلليون يۋان بولىپ، سايكەس مەزگىلدەگىدەن 30.1 پايىز ارتتى.
ءۇرىمجى كەدەنى ساناق جانە تالداۋ جاساۋ باسقارماسىنىڭ ساناق مامانى چىن گولياڭ مىنانى ءبىلدىردى: بيىل الدىڭعى جارتى جىلدا، شينجياڭنىڭ سىرتقى ساۋداسىنىڭ ارتۋى تومەندەگى بىرنەشە سەبەپتەن بولدى: يمپورت زور مولشەردە ارتىپ، يمپورت - ەكسپورتتىڭ ارتۋىن جەبەيتىن نەگىزگى فاكتورعا اينالدى؛ سىرتقى ورتادان قاراعاندا، ەلىمىزدىڭ تۇتاس تۇلعالىق سىرتقى ساۋداسى ورنىقتى قاداممەن ارتىپ، شينجياڭنىڭ سىرتقى ساۋداسىن پارمەندى تىرەكپەن قامدادى؛ شينجياڭنىڭ سىرتقى ساۋدانى ورنىقتىرۋ ساياسات شارالارى بەلسەندىلىكپەن تياناقتانىپ، كاسىپورىندارعا تاماشا دامۋ ورتاسىن ازىرلەدى.
ءۇرىمجى كەدەنى ۇنامدى جاقتان باقىلاۋ - باسقارۋدى جالعاستى ويداعىداي ىستەپ، شەكارا اتتاعان ەلەكترون ساۋداسىنىڭ اناعۇرلىم ويداعىداي دامۋىن قولداپ، كەدەننىڭ ەرەكشە باقىلاۋ - باسقارۋ وڭىرلەرىنىڭ بىرىگۋىن، ساپالىلانۋىن، ەكسپورت بازارىنىڭ كوپ نەگىزدەنۋىن ىلگەرىلەتۋدى تەزدەتىپ، يمپورت - ەكسپورت كاسىپورىندارىنا اناعۇرلىم كوپ شەكارا سىرتى كەدەن وتكەلى قولايلىلىعىن جاراتىپ، شينجياڭنىڭ سىرتقى ساۋدا تيجارات - ساۋدا ورتاسىن ساپالىلاندىرۋ ارقىلى كاسىپورىنداردى كەدەنگە مالىمدەلۋدى جەرگىلىكتەندىرۋگە باۋراپ، شينجياڭنىڭ سىرتقى ساۋداسىنىڭ تيپىن وزگەرتىپ، دارەجەسىن جوعارىلاتۋدى ىشكەرىلەي ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
