تارىم مۇناي الابى ازيانىڭ قۇرلىقتاعى ءبىرىنشى تەرەڭ قۇدىق رەكوردىن جاڭالادى
2019.07.29 15:33 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 25 - كۇنى ۇرىمجىدەن بەرگەن حابارى (تىلشىلەر گۋ يۇي، دۋ گاڭ). ءتىلشىنىڭ 7 - ايدىڭ 25 - كۇنى جۇڭگو مۇنايى تارىم مۇناي الابىنان ۇعىسۋىنشا، وسى مۇناي الابى جاۋاپتى بولعان لۇنتان 1 - قۇدىعى بۇرعىلاۋدى ءساتتى اياقتاتىپ، قازىرگى تەرەڭدىگى 8882 مەتر بولىپ، قازىرگە دەيىن ازيا قۇرلىعىنداعى ەڭ تەرەڭ قۇدىققا اينالدى. بۇل قۇدىقتىڭ ءساتتى بۇرعىلانىپ بارلانۋى تارىم مۇناي الابىنىڭ ەرەكشە تەرەڭ قۇدىق بۇرعىلاۋ تەحنيكاسىنىڭ دۇنيەنىڭ الدىڭعى قاتارىنا وتكەندىگىن ايگىلەدى.
”عىلمي زەرتتەۋشىلەردىڭ سالىستىرا سۇراستىرۋى ارقىلى بۇل قۇدىق قازىرگە دەيىن ازيا قۇرلىعىندا بۇرعىلانعان ەڭ تەرەڭ قۇدىق ەكەن“، - دەدى تارىم مۇناي الابى بارلاۋ ىستەرى ءبولىمىنىڭ ديرەكتورى چيۋ بين تانىستىرىپ، - ”چومولاڭما شىڭىنىڭ بيىكتىگى 8848 مەتر، ال ءبىزدىڭ لۇنتان 1 - قۇدىعىنىڭ قازىرگى تەرەڭدىگى 8882 مەتر، جەردىڭ استىنان ءبىر چومولاڭما شىڭىن قازعانمەن بىردەي بولدى“.
ەلىمىزدىڭ باتىس بولىك وڭىرىندە مول تابيعي گاز بايلىعى بار، اسىرەسە، شينجياڭنىڭ تارىم ويپاتىنداعى تابيعي گاز بايلىعى مولشەرى ەلىمىزدىڭ جالپى تابيعي گاز بايلىعى مولشەرىنىڭ ％22ىن ۇستايدى. الايدا، تارىم ويپاتىنىڭ قورشاعان ورتاسى ناشار، جەر استى جاعدايى كۇردەلى بولىپ، دۇنيەدەگى مۇناي، گاز بارلاۋداعى قيىندىق دارەجەسى ەڭ ۇلكەن ءوڭىردىڭ ءبىرى بولىپ ەسەپتەلەدى.
”لۇنتان 1 - قۇدىعى بىلتىر 6 - ايدىڭ 28 - كۇنى باستاپ بۇرعىلانعان، بۇرعىلاپ بارلاۋدىڭ ماقساتى − تەرەڭ جەر قاباتىنداعى مۇناي مەن گازدىڭ سەپتەمە ءوڭىرىن تابۋ“، - دەدى تارىم مۇناي الابى بايلىق بارلاۋ - تەكسەرۋ باسقارماسىنىڭ باستىعى ساي جىنجۇڭ تانىستىرىپ: ”كوپتەگەن قۇرال - جابدىقتار ءمالىم ءبىر تەرەڭ دەڭگەيگە جەتكەن سوڭ، جوعارى تەمپەراتۋرا، جوعارى قىسىم سەبەبىنەن جالعاستى ىستەمەي قالادى، سوندىقتان قۇدىقتىڭ تەرەڭدىگى 6000 مەتردەن اسقان سوڭ، ءار 100 مەتردى بۇرعىلاۋدىڭ قيىندىق كورسەتكىشى دارەجەلەپ ارتادى“ دەدى.
تارىم مۇناي الابى قۇدىقتىڭ قۇرىلىمى، بۇرعىلاۋ اسپابىنىڭ سوزۋعا قارسى كۇشى، سۋ كۇشى ءىلىمى سياقتى جاقتارىنان كەمەلدى دالەلدەۋ ورىستەتىپ، قۇدىق قۇرىلىمىن ساپالىلاندىرىپ، ارنايى جاساتقان بۇرعىنى الدىمەن تاڭداپ پايدالانىپ، ەرەكشە جوعارى قىسىم، ەرەكشە جوعارى تەمپەراتۋرا، ەرەكشە جوعارى جەر كەرنەۋى قاتارلى ءبىر قىدىرۋ بۇرعىلاپ بارلاۋ قيىنشىلىعىن ءساتتى جەڭىپ، بۇرعىنى 9000 مەترگە جۋىق تەرەڭدىكتەگى جەر قاباتىنا جەتكىزدى.
تارىم مۇناي الابىنىڭ تانىستىرۋىنشا، لۇنتان 1 - قۇدىعى تاعى ازيا قۇرلىعىنداعى ەڭ تەرەڭ جەردەن چيپ الۋ جانە ەڭ تەرەڭنەن قۇدىق ولشەۋ 2 رەكوردىن جاڭالاعان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
