سىرتقى ىستەر مينيسترلىگى: حالىقارالىق قوعامنىڭ شينجياڭنىڭ دامۋى جونىندە جالپىلىق كوزقاراسى بار
2019.07.30 15:49 كەلۋ قاينارى : حالىق تورابى
شينحۋا اگەنتتىگىنىڭ 7 ـ ايدىڭ 29 ـ كۇنى بەيجيڭنەن بەرگەن حابارى (ءتىلشى ۋ جيالين) سىرتقى ىستەر مينيسترلىگىنىڭ مالىمدەمەشىسى حۋا چۇنيڭ 7 ـ ايدىڭ 29 ـ كۇنى بىلاي دەدى: حالىقارالىق قوعامنىڭ شينجياڭنىڭ دامۋى جونىندە جالپىلىق كوزقاراسى بار، كەيبىر باتىس ەلدەرىنىڭ «ادامدىق ۇقىق» دەگەن اتپەن شينجياڭدى قارالاپ، جۇڭگوعا قىسىم جاساۋ نيەتى ىسكە اسپايدى.
سول كۇنگى اقپار جاريالاۋ ماجىلىسىندە، ءبىر ءتىلشى بىلاي دەپ سۇرادى: بۇرىنعى حابارلاردا، ب م ۇ – نىڭ ادامدىق ۇقىق ىستەرى القالار كەڭەسىنە 24 مەملەكەت بىرلەسپە حات جازىپ جۇڭگونىڭ شينجياڭ ساياساتىن سىنداعان. دەسە دە ءبىزدىڭ ۇعىسۋىمىزشا، قازىر، 50دەن استام مەملەكەتتىڭ ەلشىحاناسى ب م ۇ – نىڭ ادامدىق ۇقىق القالار كەڭەسىنىڭ ءتوراعاسى مەن ادامدىق ۇقىق ارناۋلى بولىمىنە حات جازىپ، جۇڭگونىڭ شينجياڭ ماسەلەسىندەگى مايدانىن قولداعان، جۇڭگونىڭ ادام ۇقىق ماسەلەسىندە قول جەتكىزگەن تابىستارىنىڭ كورنەكتى بولعاندىعىن ماقتاعان، ادامدىق ۇقىقتى ساياسيلاندىرعاندارعا قارسى تۇرعان. جۇڭگو جاق بۇل ماسەلەنى قالاي باعالايدى؟
حۋا چۇنيڭ بىلاي دەدى: تاياۋدا رەسەي، پاكيستان، ساۋد ارابياسى، الجيريا، كۋبا سياقتى 50 ەلدىڭ جەنەۆادا تۇراتىن باس ەلشىسى بىرلەسكەن مەملەكەتتەر ۇيىمىنىڭ ادامدىق ۇقىق القالار كەڭەسىنىڭ ءتوراعاسى مەن ادامدىق ۇقىق ارناۋلى بولىمىنە حات جولداپ، جۇڭگونىڭ شينجياڭعا ساياتىن ماسەلەلەردەگى مايدانىن قولداپ، شينجياڭدا تاربيەلەۋ ورتالىعىن قۇرۋ سياقتى لاڭكەستىككە قارسى تۇرۋ جانە ۇشقارىلىقتى الاستاۋ شارالارىنىڭ نەگىزگى ادامدىق ۇقىقتى ءونىمدى قامتاماسىزداندىراتىندىعىن تۇڭعىش رەت كوللەكتيۆ بولىپ ايقىن اتاپ كورسەتتى. تاعى ۆيەتنام قاتارلى ەلدەر جەكە حات جولداۋ، حابار جولداۋ سياقتى تاسىلدەر ارقىلى جۇڭگونىڭ قۋاتتاماسىنا ءۇن قوستى جانە قولداۋ كورسەتتى.
حۋا چۇنيڭ بىلاي دەدى: جۇڭگونىڭ شينجياڭ ساياساتىن جازعىرعان 24 مەملەكەتتىڭ بارلىعى باتىستاعى دامىعان ەلدەر، جالپى حالىق سانى ەڭ كوپ بولعاندا 600 ميلليون عانا، مۇنىڭ ىشىندە بىردە - بىرەۋى مۇسىلمان مەملەكەتى ەمەس، بىردە ـ بىرەۋى دامۋ جولىنداعى ەلدەر دە ەمەس. «ال جۇڭگونى قولدايتىن 50 نەشە ەل ازيا، افريكا، لاتىن امەريكاسى، ەۆروپا سياقتى ۇلى قۇرلىقتاردان كەلگەن، جان سانى 2 ميللياردقا جۋىق، مۇنىڭ ىشىندە 28 مەملەكەت يسلام سەلبەستىك ۇيىمىنا مۇشە ەل، ولاردىڭ جان سانى سەن ايتقان 24 ەلدىڭ ەكى ەسەسىنەن دە كوپ. سوندىقتان شينجياڭ ماسەلەسىندە قايسىسى شىن، قايسىسى جالعان، قايسىسى ادىلەتتىلىك پەن دۇرىس جاق ەكەندىگىن ءبىر كورىپ - اق بىلۋگە بولادى.
حۋا چۇنيڭ بىلاي دەدى: جۇڭگونىڭ شينجياڭ ساياساتىن قولداعان 50 نەشە ەل باس ەلشىلەرىنىڭ كوبى شينجياڭدا ساپاردا بولىپ، ءىستىڭ شىن سىرىن ءوز كوزىمەن كوردى. ولار بىلاي دەپ اتاپ كورسەتتى: شينجياڭعا ساپارلاي كەلگەن قايراتكەرلەردىڭ كورگەن - بىلگەندەرى مەن – باتىستىڭ حابارلارى بۇكىلدەي ۇقسامايدى، ولار جۇڭگونىڭ دۇنيەنى جالت قاراتقان ادامدىق ۇقىق جەتىستىگىنە قول جەتكىزگەندىگىن القايدى، شينجياڭدا تاربيەلەۋ ورتالىعى سياقتى لاڭكەستىككە قارسى تۇرۋ جانە ۇشقارىلىقتى الاستاۋ شارالارى نەگىزگى ادامدىق ۇقىقتى ءونىمدى قامتاماسىز ەتەدى دەپ قاراپ، سول ەلدەردىڭ جۇڭگونى جازعىرۋىن توقتاتۋعا قۋزادى. بۇل حالىقارالىق قوعامنىڭ شينجياڭنىڭ دامۋىنا جالپىلىق كوزقاراس ۇستايتىندىعىن، كەيبىر باتىس ەلدەرىنىڭ «كىسىلىك ۇقىق» دەگەن اتپەن شينجياڭدى قارالاپ، جۇڭگوعا قىسىم جاساۋ قاسكۇنەمدىگىنىڭ ىسكە اسپايتىندىعىن تولىق ايگىلەدى.
حۋا چۇنيڭ بىلاي دەدى: قازىر شينجياڭدا ساقتالىپ وتىرعان ءدىن جانە ادامدىق ۇقىق ماسەلەسى ەمەس، لاڭكەستىككە قارسى تۇرۋ، ۇشقارىلىقتى الاستاۋ ماسەلەسى. لاڭكەستىك پەن ۇشقارىلىق __ دۇنيە جۇزىلىك قيىن ماسەلە. «جۇڭگونىڭ شينجياڭ ساياساتىن ايىپتاعان 24 مەملەكەت تە كەزىندە لاڭكەستىكتىڭ زيانكەستىككە ۇشىراۋشىسى بولعان، ولاردىڭ ءوز مەملەكەتى دە لاڭكەستىك شابۋىلعا ۇشىراعان. ولاردىڭ جاراقاتى جازىلعان سوڭ اۋىرعانىن ۇمىتىپ كەتپەۋىن ءۇمىت ەتەمىن.
ول بىلاي دەدى: لاڭكەستىك پەن ۇشقارىلىقتىڭ قاتاڭ قاتەرى الدىندا، شينجياڭ ۇيعۇر اۆتونوميالى رايونى زاڭ بويىنشا تاربيەلەۋ ورتالىعىن قۇرۋدى قامتىعان لاڭكەستىككە قارسى تۇرۋ جانە ۇشقارىلىقتى الاستاۋ شارالارىن قولدانىپ، شينجياڭنىڭ حاۋىپسىزدىك جاعدايىن وزگەرتتى. شينجياڭدا 3 جىلدان بەرى زورلىقتى كۇش لاڭكەستىك وقيعاسى تۋىلمادى، قوعامى ورنىقتى، ۇلتتار ىنتىماقتى، بۇقارا الاڭسىز تىرشىلىك ەتىپ كەلەدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى بارىنشا جوعارىلاپ، ۇكىمەتتىڭ ساياساتتىق شارالارىن شىن جۇرەكتەن قولدادى. «شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسى ادامزاتتىڭ ادىلەتتىلىگى مەن وركەنيەتىنىڭ زۇلىمدىققا، تاعىلىققا قارسى كۇرەسى، بۇعان قولداۋ كورسەتۋ، قۇرمەت ەتۋ جانە ونى ءتۇسىنۋ كەرەك. ءبىز 24 مەملەكەتتىڭ قاتىستى قايراتكەرلەرى مەن ءمانساپتىلارىنىڭ جۇڭگونىڭ شينجياڭىنا بارىپ كورىپ، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ تاجىريبەلەرىن ۇيرەنۋىن قارسى الامىز.»
حۋا چۇنيڭ بىلاي دەدى: جۇڭگو ءارقايسى جاقتارمەن بىرگە كوپ جاقتى كىسىلىك ۇقىق مەحانيزمىنىڭ «ب م ۇ ەرەجەسىنىڭ» ماقساتى مەن پرينسيپتەرىنە بويسۇنۋىن ىلگەرىلەتىپ، كىسىلىك ۇقىق ماسەلەسىن وبيەكتيۆ، ءادىل، بەي تالعامدى تاسىلمەن ءبىر جاقتى ەتىپ، سىندارلى پىكىرلەسۋ جانە سەلبەسۋ ارقىلى حالىقارالىق كىسىلىك ۇقىق ىستەرىنىڭ اقاۋسىز دامۋىن جەبەيدى. جۇڭگو ءارقانداي ەلدىڭ ادامدىق ۇقىق ماسەلەسىنەن پايدالانىپ، باسقا ەلدىڭ ىشكى ىسىنە كيلىگۋىنە باتىل قارسى تۇرادى، قاتىستى ەلدەردى ءتىپتى دە وزگەرتۋگە قۋزايدى، ساياسيلاندىرۋ مەن قوس ولشەمدى تاستاپ، ادامدىق ۇقىق دەگەن اتپەن باسقا ەلدىڭ ىشكى ىستەرىنە كيلىگۋدى توقتاتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
