شينجياڭ ءبىر جاعادان باس، ءبىر جەڭنەن قول شىعارا قۇلشىنىپ، بىرگە گۇلدەنىپ - كوركەيدى

حالىق گازەتىنىڭ ءتىلشىسى ديڭ يتيڭ

2019.07.31 14:44 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　مەملەكەتتىك كەڭەس اقپارات كەڭسەسى جاڭا جۇڭگو قۇرىلعاندىعىنىڭ 70 جىلدىعىنا وراي 7 – ايدىڭ 30 – كۇنى وتكىزگەن ولكەلەردىڭ (اۆتونوميالى رايون، توتە قاراستى قالا) جەلىلەس تاقىرىپتىق اقپار جاريالاۋ جيىنىندا، شينجياڭ ۇيعۇر اۆتونوميالى رايوندىق پارتكوم شۋجيىنىڭ ورىنباسارى، اۆتونوميالى رايون ءتوراعاسى شوكىرات زاكىر، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايون ءتوراعاسىنىڭ ورىنباسارى ەركىن تۇنياز، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايون ءتوراعاسىنىڭ ۇنەمىلىك ىستەرگە جاۋاپتى ورىنباسارى جاڭ چۇنليندەر «كوركەم شينجياڭدى كوركەيتىپ، وتان ارمانىن بىرگە ورىندايىق» دەگەن تاقىرىپتى توڭىرەكتەي وتىرىپ تانىستىرۋ جاسادى ءارى تىلشىلەردىڭ سۇراۋىنا جاۋاپ بەردى.

　　«جاڭا جۇڭگو قۇرىلعان 70 جىلدان بەرى، شينجياڭ وتانىمىزبەن بىرگە ەكپىندەي العا ىلگەرىلەپ، بىرگە ەڭسەلەندى، تيانشاننىڭ تۇستىگى مەن تەرىستىگىندە جەر كوكتى ءدۇر سىلكىندىرگەن وزگەرىستەر تۋىلدى». شوكىرات زاكىر ءبىرقىدىرۋ ساندى دەرەكتەردى اتاپ ءوتتى: شينجياڭ ەكونوميكاسىنىڭ جالپى مولشەرى 1952 – جىلداعى 791 ميلليون يۋاننان 2018 – جىلداعى ءبىر تريلليون 200 ميلليارد يۋانعا جەتتى، زات باعاسىنىڭ قىمباتتاۋى فاكتورىن شىعارىپ تاستاعاندا، 200 ەسە ارتقان، جىلىنا ورتا ەسەپپەن %8.3تەن ارتىپ وتىرعان؛ ءوندىرىستىڭ جالپى ءونىم قۇنىنىڭ جان باسىنا تۋرا كەلەتىن مولشەرى 1952– جىلداعى 166 يۋاننان 2018 – جىلداعى 49 مىڭ يۋانعا جەتىپ، 37.7 ەسە ارتقان، جىلىنا ورتا ەسەپپەن %5.7تەن ارتىپ وتىرعان.

　　ەكونوميكا ورنىقتى دا اقاۋسىز دامىدى

　　شوكىرات زاكىر بىلاي دەدى: 70 جىلدان بەرى، شينجياڭ ەكونوميكانى دامىتۋدا تاريحي ناتيجەلەرگە قول جەتكىزدى.

　　كاسىپ سالاسىنىڭ قۇرىلىمى وسىزامانداندى. شينجياڭدا ءۇش ءتۇرلى كاسىپ سالاسىنىڭ سالىستىرماسى 1952 – جىلداعى 64.7 : 22 : 13.3 تەن جاقسارىپ، 2018 – جىلعى 13.9 : 40.3 : 45.8 گە وزگەرىپ، ساپالىق سەكىرۋ بولدى. اۋىل شارۋاشىلىعىن ماشينالاندىرۋ، جوعارى ءونىمدى، سۋدى ۇنەمدەپ سۋرارۋ تەحنيكاسى جاعىندا بۇكىل ەلىمىز بويىنشا الدىڭعى قاتارعا ءوتىپ، بۇكىل ەلىمىزدەگى ەڭ ءىرى ماقتا ءوندىرىسى بازاسىنا اينالدى؛ ونەركاسىپ ءوندىرىسى جوقتان بار بولىپ، ءتۇرى تولىق، وسىزاماندانعان ونەركاسىپ جۇيەسىن قالىپتاستىردى؛ ءۇشىنشى كاسىپ سالاسىنىڭ ەكونوميكانىڭ ارتۋىنا قوسقان ۇلەس مولشەرى %62.3كە جەىپ، ەكونوميكانىڭ ارتۋىن ىلگەرىلەتەتىن ماڭىزدى كۇشكە اينالدى.

　　نەگىزدىك قۇرىلعىلار كۇن سايىن كەمەلدەندى. تاس جولدا كولىك قاتىناۋ ارالىعى 1978 – جىلعى 23 مىڭ 800 كيلومەتردەن بىلتىرعى 189 مىڭ كيلومەترگە جەتتى، تەمىر جولدا پويەز قاتىناۋ ارالىعى 1435 كيلومەتردەن 5959 كيلومەترگە جەتتى، شينجياڭ بۇكىل ەلىمىزبەن بىرگە جۇردەك پويەز داۋىرىنە قادام تاستادى؛ حالىقتىق اۋەجايدان 21 اۋەجاي سالىنىپ، ەلىمىزدەگى اۋەجاي سانى ەڭ كوپ، اۋە لەنياسى ەڭ ۇزاق ولكە دارەجەلى ورىنعا اينالدى.

　　شەتەلگە ەسىك اشۋدى ۇزدىكسىز كەڭەيتتى. 2018 – جىلى شينجياڭنىڭ سىرتقى ساۋدا يمپورت – ەكسپورت جالپى سوماسى 20 ميلليارد ا ق ش دوللارىنا جەتىپ، 1950 – جىلداعىنىڭ 1481 ەسەسىندەي بولدى. «ءبىز ءوزارا تيىمدىلىك جەتكىزىپ، ورتاق يگىلىكتەنۋگە تاباندى بولىپ، ساۋدانىڭ ىركىلىسسىزدىگىن ىلگەرىلەتتىك. 2014 – جىلدان بەرى، باتىسقا قاراي جيىنى 2451 پويەز جولعا شىعىپ، جىلىنا ورتا ەسەپپەن %100 ارتىپ وتىردى، 2018 – جىلى ءبىر جىلدىڭ ىشىندە 1000 پويەز جونەلتۋ سىندى كەزەڭنەن اسىپ، ورتا ازيا مەن ەۆروپاداعى 19 مەملەكەتتىڭ 26 قالاسىنا قاتىنادى»، — دەيدى جاڭ چۇنلين.

　　سونىمەن بىرگە، شينجياڭنىڭ ساياحات بايلىعى مول، كوركەيتۋدەگى كومەسكى قۋاتى اسا زور، جۋىرداعى جىلداردان بەرى، ساياحات كاسىبىنىڭ كىرىسى كۇرت ارتتى. بىلتىر ءبىر جىلدا ەلىمىز ءىشى – سىرتىنان 150 ميلليون ادام – رەتتەن استام ساياحاتشى قابىلداپ، %40.1 ارتتى، بيىل 200 ميلليون ادام – رەتتەن اسادى دەپ مەجەلەنۋدە.

　　ءار ۇلت حالقىنىڭ تابىس سەزىمى جوعارىلادى

　　«بۇرىن جۇرت جارىتىپ اس ءىشىپ، ءيىنى جارىپ كيىم كيە المايتىن، توك تە، سۋ دا جەتىسپەيتىن، قاتىناس قولايسىز بولاتىن، ونداي كۇندەر مۇلدە كەلمەسكە كەتتى»، — دەيدى شوكىرات زاكىر، شينجياڭدا قالا – اۋىل تۇرعىندارىنىڭ كىرىسى 1978 – جىلداعى 319 يۋان جانە 119 يۋاننان جەكە – جەكە 2018 – جىلداعى 32764 يۋانعا جانە 11975 يۋانعا جوعارىلادى، جىلدىق ارتۋ مولشەرى ورتا ەسەپپەن %12.3 جانە %12.2 بولدى.

　　دامۋدى حالىق تۇرمىسىنا تىعىز سايكەستىرە وتىرىپ ىلگەرىلەتۋگە تاباندى بولدى. شينجياڭ كوپ جىلداردان بەرى قازىنالىق شىعىمنىڭ %70تەن استامىن حالىق تۇرمىسىن قامتاماسىزداندىرۋعا جانە جاقسارتۋعا جۇمساپ، ءار ۇلت جۇرتشىلىعى اناعۇرلىم زور تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدى. 2012 – جىلدان 2018 – جىلعا دەيىن، قالا – قالاشىقتاردا 3 ميلليون 268 مىڭ ادام تىڭنان كاسىپتەنىپ، ەڭبەككۇشى بار ءارقايسى وتباسىدان كەمىندە ءبىر ادامدى كاسىپتەندىرۋدى ىسكە اسىردى؛ توعىز جىلدىق مىندەتتى وقۋ – اعارتۋمەن تولىق قامتۋدى نەگىزىنەن ىسكە اسىردى، وڭتۇستىك شينجياڭدا وقۋعا ءتۇسۋ الدىنداعى 3 جىلدىق تاربيە، 12 جىلدىق نەگىزدىك وقۋ – اعارتۋمەن تولىق قامتۋ ىسكە اسىرىلدى؛ 2016 – جىلدان باستاپ، شينجياڭ بۇكىل تۇرعىنداردىڭ دەنساۋلىعىن جىلىنا ءبىر رەت تەگىن تەكسەرۋدى ورىندادى، ەمدەۋ – دەنساۋلىق ساقتاۋ قۇرىلىمدارىنداعى توسەك ورىن ءار ون مىڭ ادامعا بىردەن تۋرا كەلەتىن بولدى، كاسىپتىك شيپاگەر، تىركەلگەن سەسترا قاتارلىلاردىڭ سانى تۇگەلدەي بۇكىل ەلىمىزدىڭ ورتاشا ورەسىنەن جوعارى بولدى ...

　　كەلۋ قاينارى: حالىق تورابى

　　

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved