«وكىنىشسىز مەيىرىم» اتتى كينونىڭ سوڭعى ءتۇسىرىلىمى تۇرپاندا اياقتالدى

2019.08.06 15:01   كەلۋ قاينارى : حالىق تورابى

　　حالىق تورابى، 8 – ايدىڭ 6 – كۇنى، بەيجيڭ. جۋىردا، «وكىنىشسىز مەيىرىم» اتتى كينونىڭ سوڭعى ءتۇسىرىلىمى تۇرپاندا اياقتالدى.

　　«وكىنىشسىز مەيىرىم» اتتى كينونىڭ شينجياڭداعى تۇسىرىلگەن بولىگىندە نەگىزىنەن شينجياڭعا كومەككە بارعان، راك اۋرۋىنا شالدىققان قارۋلى ساقشى جاۋىنگەرى لي باۋگونى اڭگىمەگە ارقاۋ ەتەدى، شينجياڭعا كومەككە بارۋ مىندەتىن اتقارۋدى كوپ رەت ٶتىنىش ەتكەن ونىڭ اپاتقا قارسى تۇرۋ سياقتى باسىن ءباي تىگەر ارەكەتتەردە، ٶزىنىڭ باس اماندىعى مەن اۋرۋ ازابىنا قاراماستان، جەرگىلىكتى بۇقارانى، كىشكەنتاي قىز بالانى قۇتقارۋ سياقتى ادام تەبىرەنتەرلىك اڭگىمەلەرى، سونداي – اق قارۋلى ساقشى جاۋىنگەرلەرىنىڭ سودىرلارمەن شايقاستاعى قاتەرلى كورىنىستەرى كينوعا ارقاۋ بولادى، باس كەيىپكەر ٶزىنىڭ شەكتى ومىرىندە ارميا مەن حالىقتىڭ توعىسقان تەرەڭ سۇيىسپەنشىلىگىنىڭ داستانىن جازادى، ول سوڭىندا ەمدەۋ ٶنىم بەرمەي قازا بولادى، «ءومىر بويى وتان ءۇمىتىن اقتاۋدىڭ» شۇعىلالى وسيەتى ادامدى تەرەڭ تەبىرەنتەدى، جىگەرلەندىرەدى. فيلىمدە جاڭا داۋىردەگى قارۋلى ساقشى كوماندير - جاۋىنگەرلەرىنىڭ مىندەتىن ادالدىقپەن وتەگەن، جاۋاپكەرشىلىگىن ادا ەتكەن وسكەلەڭ قاسيەتى شوعىرلى بەينەلەنىپ، جاڭا داۋىردەگى قارۋلى ساقشى كوماندير - جاۋىنگەرلەرىنىڭ پارتياعا، وتانعا، حالىققا ماڭگى ادال بولۋداي وسكەلەڭ رۋحى جىرلانادى.

　　تانىستىرۋعا قاراعاندا، كينو ءتۇسىرۋ گرۋپپاسى چيڭحاي ولكەسى، يۇننان ولكەسى كۇنميڭ قالاسى، شاڭحاي قالاسى، فۋجيان ولكەسى پيڭتان اۋدانى سياقتى جەرلەردە ىلگەرىندى – كەيىندى كينونى تۇسىرگەن، 40 گرادۋستىق ىستىققا قاراماي تۇرپاندا باس – اياعى بولىپ 15 كۇن تۇسىرگەن، كينونى تۇسىرۋگە جالپى 4 اي ۋاقىت كەتكەن. فيلىمدى ءتۇسىرۋ جۇمىسى تەڭىز دەڭگەيىنەن 4800 مەتردەن استام كەلەتىن كۇنلۇن تاۋىنىڭ قاقاعان ايازىنداعى قارلى قاراۋىلدان تارتىپ شىلىڭگىر ىستىقتاعى تۇرپان دالاسىنا جالعاسقان، تۇسىرىلگەن جەرى كوپ، ورتا شارت ـ جاعدايى جاپالى بولعان.

　　رەجيسسەر ان جانجۇن بىلاي دەدى: تۋىندىنى شىعارعان ٵرقايسى ورىنداردىڭ، بىرلەسىپ تۇسىرگەن ورىنداردىڭ بار كۇشپەن قولداۋىندا، ءسوز جوق، ءبىر ءبولىم جەرگىلىكتى ورىندارعا ۇلاسقان، تابان تىرەپ تۇرا الاتىن، جالعاسىم تابا الاتىن، كەيىنگە قالدىرا الاتىن سارا تۋىندى جاراتامىز.

　　كەلۋ قاينارى: حالىق تورابى