بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

الدىڭعى 6 ايدا الاتاۋ وتكەلىنە قاراستى جەرلەردىڭ ساۋدا سوماسى %283 ارتتى

2019.08.06 15:22     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى تىلشىلەرى ما جيانلۇڭ، ما ينيڭ، سۇڭ ياۋىن 8 - ايدىڭ 4 - كۇنى الاتاۋ وتكەلىنەن حابارلايدى. بيىل 1 - ايدان 6 - ايعا دەيىن، الاتاۋ وتكەلىنىڭ جالپىلىق قورعامالى باجى وڭىرىنە قاراستى جەرلەردىڭ ساۋدا سوماسى ءبىر ميلليارد 360 ميلليون امەريكا دوللارى بولىپ، سايكەس مەزگىلدەگىدەن %283.09 ارتقان؛ يمپورت - ەكسپورت ەتىلگەن زات تاسىمال مولشەرى 370 مىڭ تونناعا جەتىپ، يمپورت - ەكسپورت ساۋدا قۇنى 2 ميلليارد 510 ميلليون يۋان بولعان.

  قازىرگە دەيىن الاتاۋ وتكەلىنەن قاتىناعان جۇڭگو - ەۆروپا، جۇڭگو - ازيا كەزەكشى پويەز لەنياسى 61گە جەتىپ، جيىنى قاتىناعان كەزەكشى پويەز 10 مىڭ 334تەن اسىپ، بۇكىل ەلىمىزدە قاتىناعان كەزەكشى پويەز جالپى سانىنىڭ %70كە تاياۋىن ۇستادى. الاتاۋ وتكەلىنىڭ باتىسىنان جول الىپ، شەكارا سىرتىندا ەۆروپا - ازياداعى 59 قالانى تۇتاستىرىپ، شەكارا ىشىندە 54 كەزەكشى پويەز قاتىنايتىن قالامەن ءتۇيىلىسىپ، حالىقارالىق زات اينالىمى ارناسىنداعى تۇيىندىك ورنىن ساقتادى.

  الاتاۋ وتكەلى كەدەنى كەدەن وتكەلى بۋىندارىن اناعۇرلىم رەتتەۋ ارقىلى كەدەن وتكەلىنىڭ ءتارتىبىن جاقسارتىپ، جۇڭگو - ەۆروپا كەزەكشى پويەزىنىڭ ”ارناۋلى وتكەلىن“ سالدى: قىزمەت ۋاقىتىندا ەڭ الدىمەن تەكسەرىپ، وتكىزۋدى، قىزمەتتەن سىرت ۋاقىتتا تەكسەرۋ، وتكىزۋگە الدىن الا كەلىسۋدى، تۇندە قاي ۋاقىتتا كەلسە سول ۋاقىتتا وتكىزۋدى ورىنداپ، جۇڭگو - ەۆروپا كەزەكشى پويەزدەرىنىڭ كەدەننەن ءوتۋىنىڭ تاۋلىك بويى كىدىرمەۋىنە، 365 كۇن بويى تولاسسىز بولۋىنا كەپىلدىك ەتتى.

  7 - ايدىڭ 10 - كۇنىنە دەيىن، الاتاۋ وتكەلى جالپىلىق قورعامالى باجى ءوڭىرىنىڭ يمپورت - ەكسپورت رايونىنىڭ تاۋار ساۋدا قۇنى 2 ميلليارد 803 ميلليون يۋان بولىپ، 2018 - جىلعى تۇتاس جىلداعى جالپى جيىنتىقتىڭ 2 ەسەسىنەن استى. 2019 - جىلى 6 - ايدا بۇكىل مەملەكەتتىك جالپىلىق قورعامالى باجى ءوڭىرىنىڭ يمپورت - ەكسپورت جالپى قۇنىنىڭ ىشىندە الاتاۋ وتكەلى جالپىلىق قورعامالى باجى ءوڭىرى 2018 - جىلعى 49 - ورىننان 24 - ورىنعا كوتەرىلدى.

  شينجياڭ بويىنشا 1 -، مەملەكەت بويىنشا 16 - جالپىلىق قورعامالى باجى ءوڭىرى سانالاتىن الاتاۋ وتكەلى جالپىلىق قورعامالى باجى ءوڭىرى مەملەكەتتىك كەڭەستىڭ جالپىلىق قورعامالى باجى ءوڭىرىن جوعارى ساپادا، جوعارى ورەدە دامىتۋدىڭ 21 ءتۇرلى شاراسىن بار كۇشپەن تياناقتاندىرۋدى ىلگەرىلەتىپ، رايون ىشىندە ءوز الدىنا تاسىمالداۋ ءتۇزىمى اياسىن اناعۇرلىم كەڭەيتىپ، كاسىپورىن سايكەستىرۋشى ءتۇزىمىن اتقارىپ، شارۋاشىلىق - ساۋدا ورتاسىن اناعۇرلىم ساپالىلاندىرىپ، كاسىپورىننىڭ ومىرشەڭدىك كۇشىن قاۋلاتىپ، وتكەلدى سۇيەنىش ەتىپ، كاسىپ سالاسىنىڭ شوعىرلانۋىن تەزدەتتى.

  رۇيچىن شىرۋدەن ساقتاندىرعىش، حۋايوۋ بولات ترۋباسى قاتارلىلاردى ۋاكىل ەتكەن وزىق جاساۋ كاسىبى، جىن - دى توقىماشىلىعى، حۋاماۋ توقىماشىلىعى قاتارلىلاردى ۋاكىل ەتكەن توقىماشىلىق، كيىم - كەشەك كاسىپ سالاسى، ۋانجيا ەمدەۋى سياقتىلاردى ۋاكىل ەتكەن جاڭادان وركەندەگەن كاسىپ سالاسىنىڭ تەز قارقىنمەن دامۋى نەگىزىندە، يمپورت ەتىلگەن ونىمدەردى سول جەردىڭ وزىندە مانەرلەپ، كادەگە جاراتىپ، كاسىپ تىزبەگىن قالىپتاستىرىپ، ”ءبىر بەلدەۋ،ءبىر جول“ەكونوميكالىق سەلبەستىك ۇلگى كورسەتۋ ۇلگىلى نىسانىن تىنباي جەتىلدىردى.

  ”قورعامالى باجى وڭىرىنە ىرگە تەپكەن 5 جىلدان بەرى، سەرىكتەستىكتىڭ ەڭ باستاپقى جىلداعى 200 مىڭ توننا يمپورت مولشەرى ميلليون تونناعا جۋىق ارتتى“، - دەدى تيانماشيڭ شارۋاشىلىقتى دامىتۋ شەكتى سەرىكتەستىگىنىڭ ديرەكتورى لي چۋاڭ.

  وتكەل بولىپ قۇرىلعاننان بەرى، الاتاۋ قالاسى سايكەستى قۇرىلعىلارى مەن كەدەن وتكەلى نەگىزدىك قۇرىلعى قۇرىلىسىنا جيىنى 20 ميلليارد يۋان قارجى قوستى. الاتاۋ قالالىق پارتكومىنىڭ ورىنباسار شۋجيى، جالپىلىق قورعامالى باجى ءوڭىرىن باسقارۋ كوميتەتىنىڭ مەڭگەرۋشىسى پي لۇيپيڭ بىلاي دەپ تانىستىردى: جاسىلداندىرىپ ورمان وتىرعىزۋدىڭ ارقاسىندا الاتاۋ وتكەلى 150 مىڭ مۋعا جۋىق ورمان بەلدەۋىنە يە بولىپ، ەبينۇر كولى سۋ الابى كولەمىن 500 نەشە شارشى كيلومەتردەن 800 نەشە شارشى كيلومەترگە دەيىن قالپىنا كەلتىردى.

  ”جەل ەلەكترى، فوتوۆولتتىق توك شىعارۋ قاتارلى تازا ەنەرگيانىڭ قولدانىلۋىنىڭ ارقاسىندا، الاتاۋ وتكەلىنىڭ ورتاسى كورنەكتى جاقساردى، كەدەن وتكەل جۇمىس ناق مايدانىنىڭ جەل كۇشى ۇزدىكسىز ازايدى“، - دەدى پي لۇيپيڭ. قازىر الاتاۋ وتكەلى تەمىر جولى ارناۋلى لەنياسىنىڭ دەڭگەيىن ءوسىرۋ ينجەنەرياسىن بەلسەنە اتقارىپ، جالپىلىق قورعامالى باجى ءوڭىرى تەمىر جولى ارناۋلى لەنياسىن تىكە لانجوۋ - شينجياڭ لەنياسىنا جەتكىزىپ، وتكەلدىڭ كەدەن وتكەلى ونىمدىلىگىن اناعۇرلىم جوعارىلاتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار