الدىڭعى جارتى جىلدا شينجياڭنىڭ ساياحات كاسىبى قاۋىرت ارتتى
جيىنى 75 ميلليون 893 مىڭ 500 ادام - رەت ساياحاتشى كۇتىپ الىپ، ساياحات كىرىسىن 115 ميلليارد 206 ميلليون يۋانعا جەتكىزدى
2019.08.06 15:25 كەلۋ قاينارى : شينجياڭ گازەتى
ءتىلشىمىز ياۋ گاڭ 8 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 3 - جاق سەرىكتەستىكتىڭ تەكسەرىپ، جيناقتاۋىنشا، بيىل الدىڭعى جارتى جىلدا شينجياڭنىڭ ساياحات كاسىبى قاۋىرت ارتىپ، جيىنى 75 ميلليون 893 مىڭ 500 ادام - رەت ساياحاتشى كۇتىپ الىپ، سايكەس مەزگىلدەگىدەن ％46.00 ارتقان؛ ساياحات كىرىسىن 115 ميلليارد 206 ميلليون يۋانعا جەتكىزىپ، سايكەس مەزگىلدەگىدەن ％47.96ارتقان.
ورنىقتىلىقتىڭ پايداسىنىڭ ۇزدىكسىز كورنەكتىلەنۋىنە جانە ساياحات ارقىلى شينجياڭدى گۇلدەندىرۋ ستراتەگياسىنىڭ زور كۇشپەن ىلگەرىلەتىلۋىنە ىلەسە، شينجياڭنىڭ جاراتىلىستىق كورىنىسى، ۇلتتىق سالت - ساناسى كوپتەگەن ساياحاتشىنى باۋرادى، ”شينجياڭ جاقسى جەر“ ساياحات ماركاسى بارعان سايىن ايگىلەندى. وتكەن جارتى جىلدا، بۇكىل رايونىمىزداعى مەملەكەتتىك 5A دارەجەلى كورىنىس وڭىرلەرىنىڭ ساياحاتشى قابىلداۋ مولشەرى زور دارەجەدە ارتقان. تيانشان بوعدا كولى كورىنىس ءوڭىرى ەل ءىشى - سىرتىنان ءبىر ميلليون 116 مىڭ ادام - رەت ساياحاتشى قابىلداپ، سايكەس مەزگىلدەگىدەن ％31.85 ارتقان؛ ساياحات ەكونوميكالىق كىرىسىن 680 ميلليون يۋانعا جەتكىزىپ، سايكەس مەزگىلدەگىدەن ％32.33 ارتقان. قاشقار بايىرعى قالاسى ساياحات ءوڭىرى 280 مىڭ 400 ادام - رەت ساياحاتشى قابىلداپ، سايكەس مەزگىلدەگىدەن ％93.30 ارتقان.
3 - جاق سەرىكتەستىكتىڭ ساناعى A دارەجەلى جانە ودان جوعارى كورىنىس ءوڭىرىنىڭ ساياحاتشىلاردى باۋراۋ اسەرىنىڭ كورنەكتى بولعانىن ايگىلەدى. ساناققا نەگىزدەلگەندە، 2019 - جىلدىڭ الدىڭعى جارتى جىلىندا، بۇكىل رايونىمىزداعى 14 ايماق، وبلىس، قالانىڭ ساياحاتى تەز قارقىنمەن ارتقان. ءۇرىمجى قالاسى كۇتىپ العان ساياحاتشى 30 ميلليون 74 مىڭ 600 ادام - رەتكە، ىلە قازاق اۆتونوميالى وبلىسى كۇتىپ العان ساياحاتشى 18 ميلليون 549 مىڭ 400 ادام - رەتكە، سانجى حۇيزۋ اۆتونوميالى وبلىسى كۇتىپ العان ساياحاتشى 14 ميلليون 857 مىڭ 300 ادام - رەتكە جەتىپ، سايكەس مەزگىلدەگىدەن جەكە - جەكە ％55.74، ％80.72 جانە ％46.00 ارتىپ، بۇكىل رايونىمىز بويىنشا ساياحاتشى كۇتىپ الۋدا الدىڭعى 3 ورىندى يەلەگەن.
جەر - جەر ساياحات ارقىلى شينجياڭدى گۇلدەندىرۋ ستراتەگياسىن بەلسەنە تياناقتاندىرىپ، سان الۋان قيمىلداردى ورىستەتىپ، ساياحات بازارىن جانداندىردى. 1 - ايدان 6 - ايعا دەيىن، بۇكىل شينجياڭنىڭ جەر - جەرىندە كوپتەگەن مادەنيەت - ساياحات قيمىلدارى ورىستەتىلدى. 2019 - جىلعى ”جۇڭگو ساياحات كۇنى“ شينجياڭ بولىمشە جيىن ورنى ”مادەنيەت پەن ساياحاتتى توعىستىرۋ، تاماشا تۇرمىس“ نەگىزگى تاقىرىبىندا ءتۇرلى - تۇستەگى مادەنيەت - ساياحات قيمىلدارىنان 187 ءتۇرلىسىن ۇيىمداستىرىپ وتكىزدى. بۇدان سىرت، ”6 - كەزەكتى تيانشاننىڭ تۇستىگى مەن تەرىستىگىندە جاڭا جىلدى قارسى الۋ بەيزاتتىق مادەني مۇرا جىلى سالت - سانا كورمەسى“، ”گۇل نەگە وسىنشاما قىزىل“ 3 - كەزەكتى شينجياڭ كوكتەمگى ساياحات كورمەسى سياقتى قيمىلدار كوپتەگەن ساياحاتشىنى باۋرادى.
جەر - جەر باي مازمۇندى ەرەكشەلىككە يە ساياحات ونىمدەرىن بەلسەنە جاسادى، التاي تاۋى ”مىڭ شاقىرىمدىق سۋرەت ءدالىزى“ ەكولوگيالىق ساياحاتى، ىلە ساحاراسى مادەنيەت - ساياحاتى، ”جىبەك جولى“ ۇلتتىق سالت - سانا ساياحاتى، تيانشاندى اينالۋ مىڭ شاقىرىمدىق التىن ساياحات جەلىسى سياقتى تاتىمدى ساياحات لەنياسىن اشىپ، شينجياڭنىڭ ساياحات كاسىبىنىڭ دامۋىن جەتەكتەپ، ەل ءىشى - سىرتىنان توپ - توپ ساياحاتشىنى باۋرادى. جاز كىرگەن سوڭ، مايتاۋ - كۇشار تاس جولى ءوز كولىكتەرىمەن ساياحاتتاعان قالىڭ ساياحاتشىنى كۇتىپ الدى، ورتا ەسەپپەن كۇنىنە كىرىپ - شىعاتىن اۆتوكولىك مولشەرى 13 مىڭنان استى.بۇكىل شينجياڭداعى ءارقايسى كورىنىس ءوڭىرى قىس ماۋسىمىندا ”تۇندە ساۋدا جاساۋ“دى اتقارىپ، قار - مۇز ساياحاتى بازارىنىڭ بارىنشا قىزۋىن ىلگەرىلەتىپ، سايابىر مەزگىلدە سايابىرلامادى. بيىل 2 - ايدا، بۇكىل رايونىمىزدا 351 كورىنىس ءوڭىرى اشىلدى. بىلتىر 11 - ايدان بيىل 2 - ايعا دەيىن، شينجياڭنىڭ ەل ءىشى - سىرتىنان قابىلداعان ساياحاتشى 19 ميلليون ادام - رەتتەن اسىپ، سايكەس مەزگىلدەگىدەن ％75تەن استام ارتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
