شينجياڭ كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنىڭ 7 تيپتىك مىسالىن جاريالادى
2019.08.19 14:51 كەلۋ قاينارى : حالىق تورابى
حالىق تورابى، 8 – ايدىڭ 19 – كۇنى، بەيجيڭ. تاياۋدا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسى جونىندەگى 7 تيپتىك دەلونى اشىق جاريالادى . بۇل 7 تيپتىك دەلو تومەندەگىدەي:
1. ىلە وبلىستىق ەكولوگيالىق ورتا مەكەمەسى قۇلجا اۋداندىق بولىمشە مەكەمەسى پارتگرۋپپاسى شۋجيىنىڭ ورىنباسارى، مەكەمە باستىعى اسقات ءىلياستىڭ كەدەيلەردى سۇيەمەلدەيتىن قوي تۇرلەرىن تياناقتاندىرۋ قىزمەتىندە مىندەتىن، جاۋاپكەرشىلىگىن اتقارماۋ سياقتى ماسەلەلەرى. 2016 ـ جىلى 1 ـ ايدان 2018 ـ جىلى 3 ـ ايعا دەيىن، قۇلجا اۋدانى مازار اۋىلى كەدەيلەردى سۇيەمەلدەيتىن قوي نىسانىن اتقارۋ بارىسىندا، كوز بوياۋشىلىق ىستەپ، كووپەراتيۆپەن ەكى ءتۇرلى قاراما – قايشىلىقتى توقتام جاساسىپ، كەدەيلەردى سۇيەمەلدەۋ نىسانىنا بولىنگەن 100 مىڭ يۋاندى قىستاق دارەجەلى نەگىزدىك قۇرىلعى قۇرىلىسىنا جۇمساعان؛ سەلبەستىك كووپەراتيۆتەرىنە دەر كەزىندە باقىلاپ - تەكسەرۋ، باقىلاۋ – باسقارۋ جۇرگىزبەگەندىكتەن، ءبىر ميلليون يۋان كەدەيلەردى سۇيەمەلدەۋ قارجىسىنىڭ نەگىزگى سوماسى قايتارىپ الىنباعان، كەدەي وتباسىلارى 2 جىلدا كەدەيلەردى سۇيەمەلدەۋ قارجىسىنىڭ جارنا رەتىندە ۇلەس قوسۋىنان يگىلىكتەنبەگەن، كەدەي بۇقارانىڭ مۇددەسىنە اۋىر زيان جەتكىزگەن. سول كەزدە مازار اۋىلدىق پارتكوم شۋجيىنىڭ ورىنباسارى، اۋىل باستىعى مىندەتىندە بولعان اسقات ءىلياس جوعارىداعى ماسەلەلەر جونىندە نەگىزگى باسشىلىق جاۋاپكەرشىلىگىن ۇستىنە الدى. 2019 - جىلى 6 ـ ايدا اسقات ءىلياسقا پارتيا ىشىندە قاتاڭ ەسكەرتۋ جازاسى بەرىلدى.
2. حوتان ايماعى حوتان اۋدانى لاڭرۋ اۋىلدىق پارتكومنىڭ بۇرىنعى مۇشەسى، قارۋلى كۇش ءبولىمىنىڭ باستىعى حۋان زىچاۋدىڭ كەدەيلەردى سۇيەمەلدەۋ نىسانىنان پايدالانىپ پارا الۋ قىلمىس ماسەلەسى. 2017 – جىلى 1- ايدان 2018 – جىلى 3 – ايعا دەيىن، گۋان زىچاۋ حوتان اۋدانى ساعىزكول اۋىلدىق پارتكومنىڭ مۇشەسى، قارۋلى كۇش ءبولىمىنىڭ باستىعى بولعان كەزدە، بەيقۇت ءۇي سالىپ، حالىقتى اۋقاتتاندىرۋ قىزمەتىن باسقارۋعا جاۋاپتى بولدى. قىزمەت قولايلىعىنان پايدالانىپ اتالعان بەيقۇت ءۇي سالىپ، حالىقتى اۋقاتتاندىرۋ ينجەنەرياسىن باسقالارعا كوتەرەگە بەرىپ، ينجەنەريانىڭ ەسەبىن جابۋ جانە ينجەنەريانىڭ مەجە ەسەبىن شىعارۋ جاعىندا كومەكتەسكەن. ىلگەرىندى - كەيىندى 12 رەت باسقالاردان الىنعان ناق اقشاسى 93 مىڭ 800 يۋان بولعان؛ بەيقۇت ءۇي سالىپ، حالىقتى اۋقاتتاندىرۋ ينجەنەرياسى سالىنىپ بولماي، تەكسەرىپ وتكىزىپ الماي تۇرىپ قۇرىلىس اقشاسىن قۇرىلىس جۇرگىزۋشى جاققا ءوز بەتىمەن تولىق بەرگەن. بەيقۇت ءۇي سالىپ، حالىقتى اۋقاتتاندىرۋ بويىنشا 9 ءۇي سالىنىپ بىتپەي قالعان، بەيقۇت ءۇي سالىپ، حالىقتى اۋقاتتاندىرۋ بويىنشا 6 ءۇي سالىنباعان، بۇقارانىڭ مۇددەسىنە زيان جەتكىزگەن. 2019 – جىلى 7 – ايدا گۋان زىچاۋعا پارتيادان شىعارىپ، قىزمەتتەن ايداۋ جازاسى بەرىلدى.
3. التاي ايماعى شىڭگىل اۋداندىق ساناق مەكەمەسى پارتگرۋپپاسىنىڭ شۋجيى، مەكەمە باستىعىنىڭ ورىنباسارى چۇي شىيۋاننىڭ كەدەيلەردى سۇيەمەلدەۋ بويىنشا تاربيەلەۋ نىسانىن تياناقتاندىرۋدا مىندەتىن، جاۋاپكەرشىلىگىن اتقارماۋ ماسەلەسى. 2017 – جىلى 5 – ايدان 2018 – جىلى 11 – ايعا دەيىن، شىڭگىل اۋداندىق كەدەيلەردى سۇيەمەلدەۋ كەڭسەسى اتالعان اۋداننىڭ كەدەيلەردى سۇيەمەلدەۋ بويىنشا تاربيەلەۋ نىسانىنا جاۋاپتى بولعان كەزدە، وتكەلدى مىقتى يگەرمەي، قۋزاۋ - تەكسەرۋ جۇرگىزبەي، ات ءۇستى باقىلاپ - باسقارعاندىقتان، باقىلاۋ ـ باسقارۋ تىڭعىلىقتى بولماعاندىقتان مىندەتتەلگەن تاربيەلەۋ مەكتەپتەرى كۋرستىڭ ادام سانىن، كۇن سانىن، مەرزىم سانىن جالعان مالىمدەۋ سياقتى تاسىلدەر ارقىلى كەدەيلەردى سۇيەمەلدەۋ بويىنشا تاربيەلەۋ نىساندارىنا جيىنى 181 مىڭ 400 يۋان قارجى العان. بۇقارانىڭ مۇددەسىنە زيان جەتكىزگەن. سول كەزدە اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى چۇي شىيۋان جوعارىداعى ماسەلەلەرگە باسشىلىق ەتۋ جاۋاپكەرشىلىگىن ۇستىنە العان بولاتىن. 2019 - جىلى 6 – ايدا چۇي شىيۋانعا پارتيا ىشىندە قاتاڭ ەسكەرتۋ جازاسى بەرىلدى. بەلگىلەمەگە قايشىلىق جاساپ العان تاربيەلەۋ قاراجاتى قايتارىپ الىندى.
4. قىزىلسۋ قىرعىز اۆتونوميالى وبلىسى اقتاۋ اۋدانى تار اۋىلدىق پارتكومنىڭ مۇشەسى، حالىق قۇرىلتايىنىڭ ءتوراعاسى ارسىلانقان قوجانازار ۇلىنىڭ كەدەيلەردى سۇيەمەلدەۋ نىسانىنداعى ىركىندى قارجىنى باسقالارمەن بىرگە ءبولىسىپ الۋ سياقتى ماسەلەلەرى. 2014 – جىلدان 2015 – جىلعا دەيىن ارسىلانقان قوجانازار ۇلى تار اۋىلىنىڭ باستىعىنىڭ ورىنباسارى مىندەتىن وتەگەن كەزدە، قىزمەت قولايلىلىعىنان پايدالانىپ، وسى اۋىلدىڭ اققۇم قىستاعىندا بەلگىلەمەگە قايشىلىق جاساپ، مالشىلاردى وتىرىقتاندىرىپ، مال شارۋاشىلىعىن كوركەيتۋگە قوسىمشا قاراجات رەتىندە 8 مىڭ 500 يۋان قوسىمشا قاراجاتتان يگىلىكتەنگەن. سول كەزدەگى اۋىلدىق پارتكوم شۋجيىنىڭ ورىنباسارى، اۋىل باستىعى روۋ × × مەن بىرگە (باسقالاي دەلو بويىنشا ءبىر جايلى ەتىلگەن) كەدەيلەردى سۇيەمەلدەۋ بويىنشا 4 ۆاننا نىسانىنىڭ قالدىق قارجىسى جيىنى 43 مىڭ يۋاندى ءبولىسىپ العان، ارسىلانقان قوجانازار ۇلى 13 مىڭ يۋاندى العان. مۇنان سىرت، ارسىلانقان قوجانازار ۇلىنىڭ تارتىپكە قايشى باسقا دا ماسەلەلەرى بار. 2019 - جىلى 5 - ايدا ارسىلانقان قوجانازار ۇلىنا پارتيا ىشىندە قاتاڭ ەسكەرتۋ بەرۋ، اكىمشىلىك ىستەر بويىنشا اۋىر كۇنا جازۋ جازاسى بەرىلدى. تارتىپكە قايشىلىق جاساپ تاپقان تابىسى قايتارىپ الىندى.
5. قۇمىل قالاسى اراتۇرىك اۋداندىق حالىق ىستەرى مەكەمەسى پارتگرۋپپاسىنىڭ شۋجيى، مەكەمە باستىعى چاليپاگۇل ابدوللانىڭ قىزمەتتە جاۋاپكەرسىزدىك ىستەپ، جاۋاپكەرشىلىگىن ادا ەتپەۋ ماسەلەسى. 2018 – جىلى اراتۇرىك اۋداندىق حالىق ىستەرى مەكەمەسى تۇتاس اۋدانداعى قالا - اۋىلدارداعى ەڭ تومەنگى تۇرمىسى قامتاماسىزداندىرىلاتىنداردى يكەمدى باسقارۋ بارىسىندا، وتكەلدى مىقتى يگەرۋدىڭ قاتاڭ بولماۋى، ساندى مالىمەتتە فورماشىلدىق جاساۋى، وتباسىلارىنا بارىپ انىقتاۋدا فورماشىلدىق ىستەپ، اشىق جاريالانباعاندىعى سەبەپتى، ەڭ تومەنگى تۇرمىسى قامتاماسىزداندىرىلاتىنداردان 176 ادامدى ەڭ تومەنگى تۇرمىسىن قامتاماسىزداندىرۋ كولەمىنە ەنگىزگەن، بەلگىلەمەگە قايشىلىق جاساپ، ەڭ تومەنگى تۇرمىسى قامتاماسىزداندىرىلاتىندارعا 268 مىڭ يۋان قوسىمشا قاراجات بەرگەن. چاليپاگۇل ابدوللا اۋداندىق حالىق ىستەرى مەكەمەسى پارتگرۋپپاسى شۋجيىنىڭ ورىنباسارى، مەكەمە باستىعى بولعاندىقتان، جوعارىداعى ماسەلەلەر جونىنەن نەگىزگى باسشىلىق جاۋاپكەرشىلىگى بار. 2019 - جىلى 6 - ايدا چاليپاگۇل ابدوللاعا پارتيا ىشىندە ەسكەرتۋ جازاسى بەرىلدى.
6. قاشقار ايماعى قاشقار قالاسى قوحان اۋىلى كىشى ارىق قىستاعى پارتيا ياچەيكاسى شۋجيىنىڭ ورىنباسارى، مەڭگەرۋشىسى ابدىرەشيت ۇلايىننىڭ كەدەيلەردى سۇيەمەلدەۋ، كەدەيلىكتەن قۇتىلدىرۋ قىزمەتىنىڭ مىندەتىن وتەمەۋ، الباتى ىستەۋ ماسەلەسى. 2014 – جىلى 10 – ايدا، ابدىرەشيت ۇلايىن كەدەيلەردى سۇيەمەلدەۋ بويىنشا شاعىن قولونەركاسىپ نىسان قارجىسىن تاراتۋ بارىسىندا، مىندەتىن پارمەندى اتقارماعاندىقتان، تەكسەرۋ پارمەندى بولماي، شارتقا ۇيلەسەتىن 17 كەدەي وتباسى 33 مىڭ 500 يۋان قوسىمشا قاراجات المادى، شارتقا تولمايتىن 63 وتباسى بەلگىلەمەگە قايشىلىق جاساپ، جيىنى 109 مىڭ 500 يۋان قوسىمشا قاراجات الىپ، كەدەي بۇقارانىڭ مۇددەسىنە زيان جەتكىزگەن. 2019 ـ جىلى 5 – ايدا، ابدىرەشيت ۇلايىنعا پارتيا ىشىندە قاتاڭ ەسكەرتۋ جازاسى بەرىلدى.
7. بۇراتالا موڭعۇل اۆتونوميالى وبلىسى جىڭ اۋدانى مانديڭ اۋىلى بەيقۇت ءۇي سالىپ، حالىقتى اۋقاتتاندىرۋ كەڭسەسىنىڭ بۇرىن ۇسىنىس ەتكەن قىزمەتكەرى ۋ شيپيڭنىڭ بەيقۇت ءۇي سالىپ، حالىقتى اۋقاتتاندىرۋ بويىنشا بەيقۇت ءۇي قوسىمشا قاراجاتىن تارتىپ قالۋ ماسەلەسى. 2015 - جىلى 7 ـ ايدا ۋ شيپيڭ اتالعان اۋىلدىڭ بەيقۇت ءۇي سالىپ، حالىقتى اۋقاتتاندىرۋ تۇرعىن ءۇي قوسىمشا قاراجاتىن تاراتۋعا جاۋاپتى بولۋ سىندى قىزمەت قولايلىلىعىنان پايدالانىپ، بەيقۇت ءۇي سالىپ، حالىقتى اۋقاتتاندىرۋ بويىنشا جالعان ءۇي سالۋ ارحيۆىن جاساپ، 36 قىستاق تۇرعىنى اتىنان بەيقۇت ءۇي سالىپ، حالىقتى اۋقاتتاندىرۋ بويىنشا بەيقۇت ءۇي قوسىمشا قاراجاتىنان 954 مىڭ يۋان الادى ءارى ءوزى يەمدەنىپ الادى. بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتى تاراتىلعان كەزدە ۋاڭ × قاتارلى 31 ادامنىڭ بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتى 206 مىڭ يۋاندى يەمدەنىپ الادى. مۇنان سىرت، ۋ شيپيڭدە تارتىپكە، زاڭعا اۋىر دارەجەدە قايشىلىق جاساۋ ماسەلەلەرى ورىن تەپتى. 2019 – جىلى 6 – ايدا ۋ شيپيڭعا پارتيادان شىعارۋ جازاسى بەرىلدى، زاڭعا قايشى قىلمىس كۇمانى تاعىلعان ماسەلەسى ءادىليا ورگاندارىنىڭ زاڭ بويىنشا ءبىر جاقتى ەتۋىنە جولداندى. تارتىپكە، زاڭعا قايشى تابىسى قۋزاستىرىلىپ قايتارىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
