بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى قاتە ارىز بەرىلگەن، جالا جابىلعان پارتيا مۇشەلەرى مەن كادرلاردى انىقتاۋعا، اتاق - ابىرويىن قالپىنا كەلتىرۋگە قاتىستى 5 تيپتىك دەلونى حابارلاندىردى

2019.08.22 15:18     كەلۋ قاينارى : شينجياڭ گازەتى

  شينجياڭ گازەتىنىڭ حابارى. جۋىردا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى قاتە ارىز بەرىلگەن، جالا جابىلعان پارتيا مۇشەلەرى مەن كادرلاردى انىقتاۋعا، اتاق - ابىرويىن قالپىنا كەلتىرۋگە قاتىستى 5 تيپتىك دەلونى حابارلاندىردى، ولار جەكە - جەكە مىنالار:

  1. بايىنعولين موڭعۇل اۆتونوميالى وبلىستىق قوعام حاۋىپسىزدىگى مەكەمەسى قاتىناس ساقشى تارماق اترەتى اۆتوكولىك باسقارۋ ورنىنىڭ اۆتوكولىكتىڭ سىرتىن تەكسەرۋشى حالىق ساقشىلارى ما شينليدىڭ، حامسەرىننىڭ ۇستىنەن ايتىلعان شىندىققا جاناسپايتىن اشكەرەلەۋدى انىقتاۋ جونىندە. 2019 - جىلى 4 - ايدا بايىنعولين وبلىسى حوشۇت اۋداندىق سالىق مەكەمەسىنىڭ كادرى رەيىمگاڭ ابدۇراحمان ورتالىقتىڭ قارا كۇشتەردى الاستاۋ، سۇرقيا كۇشتەردى جويۋعا قۋزاۋ - جەتەكشىلىك ەتۋ گرۋپپاسىنا بايىنعولين وبلىستىق قوعام حاۋىپسىزدىگى مەكەمەسى قاتىناس ساقشى تارماق اترەتى اۆتوكولىك باسقارۋ ورنىنىڭ اۆتوكولىكتىڭ سىرتىن تەكسەرۋشى حالىق ساقشىلارى ما شينليمەن، حامسەرىنمەن بايىنعولين وبلىسى شۇنشين وتكەرمەلى اۆتوكولىك ساتۋ شەكتى سەرىكتەستىگى اراسىندا اقشا ساۋداسى ماسەلەسى بار دەپ اڭىس ەتكەن. تەكسەرۋ ارقىلى اشكەرەلەۋدە اڭىس ەتىلگەن ماسەلەنىڭ جالعاندىعى انىقتالدى. اشكەرەلەۋشى رەيىمگاڭ ابدۇراحمان مەن شۇنشين وتكەرمەلى اۆتوكولىك ساتۋ شەكتى سەرىكتەستىگى اراسىندا وتكەرمەلى اۆتوكولىك وتكەرۋ ماسەلەسىندە ەكونوميكالىق داۋ - شار تۋىلادى، ءوز مۇددەسى قاناعاتتانباۋ سەبەبىنەن ەشقانداي دالەل - سىپات جوق جاعدايدا سۋبيەكتتى تۇردە اۆتوكولىك باسقارۋ ورنىنىڭ اۆتوكولىكتىڭ سىرتىن تەكسەرۋشى حالىق ساقشىلارى ما شينلي، حامسەرىن 2 جولداس پەن شۇنشين سەرىكتەستىگى اراسىندا اقشا ساۋداسى بار دەپ قاراعان ءارى ورتالىقتىڭ قارا كۇشتەردى الاستاۋ، سۇرقيا كۇشتەردى جويۋعا قۋزاۋ - جەتەكشىلىك ەتۋ گرۋپپاسىنا جوعارىداعى ءوزى ويدان شىعارعان ماسەلەسىن اڭىس ەتىپ، قۋزاۋ - جەتەكشىلىك ەتۋ گرۋپپاسى مەن ءتارتىپ تەكسەرۋ، باقىلاۋ - تەكسەرۋ ورگاندارى ارقىلى ”ءوز اۆتوكولىگىن ساتۋ ماسەلەسىن شەشىپ الۋ“ ماقساتىنا جەتپەكشى بولعان، ما شينلي، حامسەرىن مەن بايىنعولين وبلىسى شۇنشين وتكەرمەلى اۆتوكولىك ساتۋ شەكتى سەرىكتەستىگى اراسىندا اقشا ساۋداسى جاعدايى بولماعان. 2019 - جىلى 7 - ايدا بايىنعولين وبلىستىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بايىنعولين وبلىستىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ اۆتوكولىك باسقارۋ ورنى كولەمىندە شىندىققا جاناسپايتىن اشكەرەلەۋ جونىندە انىقتاۋ جۇرگىزىپ، اتاق - ابىرويىن قالپىنا كەلتىردى، بايىنعولين وبلىسى حوشۇت اۋداندىق سالىق مەكەمەسى ءتارتىپ تەكسەرۋ، باقىلاۋ - تەكسەرۋ گرۋپپاسى رەيىمگاڭ ابدۇراحماننىڭ جات نيەتتى اشكەرەلەۋ ارەكەتىنە سىن ايتىپ، تاربيە بەردى.

  2. اۆتونوميالى رايوندىق مادەنيەت جانە ساياحات مەڭگەرمەسى كوركەمونەر باسقارماسىنىڭ ورىنباسار باستىعى، شينجياڭ كوركەمونەر تەاترحاناسى ءان - ءبي ۇيىرمەسىنىڭ جاۋاپتىسى ءاليجان ياقۇپتىڭ ۇستىنەن ايتىلعان شىندىققا جاناسپايتىن اشكەرەلەۋدى انىقتاۋ جونىندە. 2019 - جىلى 5 - ايدا شينجياڭ كوركەمونەر تەاترحاناسى ءان - ءبي ۇيىرمەسىنىڭ بۇرىنعى 3 - دارەجەلى ارتيسى رايسا سكاندار ءاليجان ياقۇپتىڭ ۇستىنەن توپ قۇرۋ، ستيلى وزبىر بولۋ، ءتىلىن الماعان كادرلارعا قىسىم ءتۇسىرىپ، شەتكە قاعۋ سياقتى ماسەلەلەرى بار دەپ ناقتى اتى - جونىمەن اشكەرەلەگەن. تەكسەرۋ ارقىلى اشكەرەلەۋدە اڭىس ەتىلگەن ماسەلەلەردىڭ بارلىعى جالعان ەكەندىگى انىقتالدى. اشكەرەلەۋشى رايسا سكاندار ۇزاق ۋاقىت جۇمىستان سەبەپسىز قالۋ سەبەبىنەن ۇسىنىسپەن ىستەتۋ توقتامى كۇشىنەن قالدىرىلعان، قىزمەتتەن شىعارىلعاننان كەيىن وسى ءان - ءبي ۇيىرمەسىنىڭ جاۋاپتىسى ءاليجان ياقۇپقا رازى بولماعان، سونىمەن قيسىنسىزدى قيۋلاستىرىپ، ورىنسىز تۇسپال جاساعان، ءتىپتى، ويدان تۋدىرعان ماسەلەمەن ۇيىمعا اشكەرەلەگەن ءارى تەكسەرۋشى قىزمەتكەرلەرگە جالعاننان جاسالعان دالەل - سىپات ماتەريال بەرىپ، ۇيىم ارقىلى ءاليجان ياقۇپتان ءوش الۋ ويىندا بولعان. 2019 - جىلى 8 - ايدا اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ اۆتونوميالى رايوندىق پارتكوم وقۋ - اعارتۋ قىزمەتى كوميتەتىندە تۇرعان ءتارتىپ تەكسەرۋ، باقىلاۋ - تەكسەرۋ گرۋپپاسى اۆتونوميالى رايوندىق مادەنيەت جانە ساياحات مەڭگەرمەسى، سونداي - اق شينجياڭ كوركەمونەر تەاترحاناسى ءان - ءبي ۇيىرمەسى كولەمىندە ارناۋلى ءماجىلىس اشىپ، تەكسەرۋ ناتيجەسىن حابارلاندىردى ءارى مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ نەگىزگى باسشىلارىنا جاعدايدى حابارلاندىرىپ، شىندىققا جاناسپايتىن اشكەرەلەۋ جونىندە انىقتاۋ جۇرگىزىپ، اتاق - ابىرويىن قالپىنا كەلتىردى.

  3. قۇمىل قالاسى يجوۋ رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى لي ميڭچياڭنىڭ ۇستىنەن ايتىلعان شىندىققا جاناسپايتىن اشكەرەلەۋدى انىقتاۋ جونىندە. 2019 - جىلى 4 - ايدا 3 بۇقارا قۇمىل قالاسى يجوۋ رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى لي ميڭچياڭدا بەلگىلى ءبىر توقتام الدامشىلىعى دەلوسىن ءبىر جاقتى ەتۋدە كەرەناۋلىقپەن ءىس تىندىرماۋ، قاتىستى تاراۋلار قاشقالاقتاۋ، زاڭعا قايشىلىق ىستەۋشىنى قورعاشتاۋ، زيانكەستىككە ۇشىراۋشىنى قارا تىزىمدىككە كىرگىزىپ باس بوستاندىعىن شەكتەۋ سياقتى ماسەلەلەرى بار دەپ ناقتى اتى - جوندەرىمەن اشكەرەلەگەن. تەكسەرۋ ارقىلى اشكەرەلەۋدە اڭىس ەتىلگەن ماسەلەلەردىڭ بارلىعى جالعان ەكەندىگى انىقتالدى. 2018 - جىلى 3 - ايدان بەرى لي ميڭچياڭ كوپ رەت دەلونى سايكەستىرۋ جيىنىن ۇيىمداستىرىپ اشىپ، وسى توقتام الدامشىلىعى دەلوسىن بىتىرۋگە قۋزاپ، قاتىستى تاراۋلاردىڭ قيانات اقشانى قۋزاپ، زياننىڭ الدىن الۋىنا بەلسەندىلىكپەن سايكەسكەن ءارى زيانكەستىككە ۇشىراۋشىنى قاتىستى جيىندارعا سىرتتاي قاتىناسۋعا ۇسىنىس ەتىپ، ارىز - ارمان قايشىلىعىن شەشۋگە قۇلشىنعان، دەلونى ءبىر جاقتى ەتۋدە كەرەناۋلىقپەن ءىس تىندىرماۋ، زاڭعا قيعاشتىق ىستەۋشىنى قورعاشتاۋ، زيانكەستىككە ۇشىراۋشىنىڭ باس بوستاندىعىن شەكتەۋ سياقتى جاعدايلار بولماعان. 2019 - جىلى 5 - ايدا قۇمىل قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى يجوۋ رايوندىق پارتكومعا تەكسەرۋ ناتيجەسىن اڭىس ەتىپ، شىندىققا جاناسپايتىن اشكەرەلەۋ جونىندە انىقتاۋ جۇرگىزىپ، اتاق - ابىرويىن قالپىنا كەلتىردى.

  4. اۆتونوميالى رايوندىق مەملەكەت جەر بايلىعىن جوسپارلاۋ - زەرتتەۋ مەكەمەسى كەڭسەسىنىڭ 8 - دارەجەلى كاسىپتىك تەحنيكالىق قىزمەت ورنىنىڭ كادرى جوۋ جۇننىڭ ۇستىنەن ايتىلعان شىندىققا جاناسپايتىن اشكەرەلەۋدى انىقتاۋ جونىندە. 2019 - جىلى 3 - ايدا اۆتونوميالى رايوندىق مەملەكەت جەر بايلىعىن جوسپارلاۋ - زەرتتەۋ مەكەمەسىنىڭ ينجەنەرى ۋاڭ شياۋدۇڭ وسى مەكەمەدەگى جوۋ جۇندە وتىرىك تالون اشىپ قيانات جاساۋ، قارىمجى الۋ سياقتى ماسەلەلەر بار دەپ ناقتى اتى - جونىمەن اشكەرەلەگەن. تەكسەرۋ ارقىلى اشكەرەلەۋدە اڭىس ەتىلگەن ماسەلەلەردىڭ بارلىعى جالعان ەكەندىگى انىقتالدى. وتىرىك تالون اشىپ قيانات جاساۋ، قارىمجى الۋ سياقتى ماسەلەلەردى تەكسەرگەندە تۇگەلدەي ناقتى دالەل - سىپات بايقالمادى، اشكەرەلەۋشى ۋاڭ شياۋدۇڭ قىزمەت سياقتى ماسەلەلەر سەبەبىنەن جوۋ جۇنمەن كەرىسىپ قالىپ، نارازىلىعىن تارقاتۋ ءۇشىن ۇيىم جوۋ جۇنگە باعالاۋ جۇرگىزگەن كەزدە جات نيەتپەن اشكەرەلەگەن. 2019 - جىلى 7 - ايدا اۆتونوميالى رايوندىق مەملەكەت جەر بايلىعىن جوسپارلاۋ - زەرتتەۋ مەكەمەسى جيىن اشىپ، تەكسەرۋ ناتيجەسىن حابارلاندىرىپ، شىندىققا جاناسپايتىن اشكەرەلەۋ جونىندە انىقتاۋ جۇرگىزىپ، اتاق - ابىرويىن قالپىنا كەلتىردى، سونىمەن بىرگە ۋاڭ شياۋدۇڭنىڭ جات نيەتپەن اشكەرەلەۋ ارەكەتىنە اكىمشىلىك ەسكەرتۋ جازاسىن بەردى.

  5. تۇرپان قالاسى توقسۇن اۋداندىق 2 - ورتا مەكتەپ پارتيا ياچەيكاسىنىڭ شۋجيى ياڭ شۋجىننىڭ ۇستىنەن ايتىلعان شىندىققا جاناسپايتىن اشكەرەلەۋدى انىقتاۋ جونىندە. 2018 - جىلى 4 - ايدا ياڭ شۋجىندە باسقا جەردىڭ ەمتيحان تاپسىرۋشى وقۋشىلارىن بەلگىلەمەگە قايشى قابىلداۋ، مەكەمەدە توپ قۇرىپ، شاعىن شەڭبەر قالىپتاستىرۋ، جۇمىس ونىمدىلىگى ەڭبەكاقىسىن تاراتۋدا اۋىر ادىلەتسىزدىك ىستەۋ سياقتى ماسەلەلەر بار دەپ كوپ رەت اشكەرەلەنگەن. تەكسەرۋ ارقىلى اشكەرەلەۋدە اڭىس ەتىلگەن ماسەلەلەردىڭ بارلىعى جالعان ەكەندىگى انىقتالدى. بۇل مەكتەپ باسقا جەردىڭ ەمتيحان تاپسىرۋشى وقۋشىلارىن وقۋعا قابىلداعاندا تۇگەلدەي تۇرپان قالالىق وقۋ - اعارتۋ مەكەمەسى نەگىزدىك وقۋ - اعارتۋ ءبولىمى تەكسەرگەن، باسقا جەردىڭ ەمتيحان تاپسىرۋشى وقۋشىلارىن بەلگىلەمەگە قايشى تۇردە وقۋعا قابىلداۋ جاعدايى بولماعان؛ مەكتەپ قىزمەتكەرلەرىن سىرتقا شىعارىپ باۋلۋدى مەكتەپتىڭ وقىتۋدى زەرتتەۋ كەڭسەسى ورنالاستىرعان، باۋلۋعا جىبەرىلەتىن قىزمەتكەرلەردى مەكتەپ باسشىلىق القاسى ءماجىلىس اشىپ تۇراقتاندىرعان، جاقىن، سەنىمدى ادامداردى سىرتقا شىعۋعا ورنالاستىرۋ، توپ قۇرۋ جاعدايى بولماعان؛ مەكتەپتىڭ جۇمىس ونىمدىلىگىن باعالاۋ جوسپارىن مەكتەپ جۇمىسشى - قىزمەتكەرلەر ۋاكىلدەر قۇرىلتايى تالقىلاعان ءارى داۋىسقا سالىپ ماقۇلداعان، تاراتۋدا ادىلەتسىزدىك ىستەۋ جاعدايى بولماعان. 2019 - جىلى 3 - ايدا توقسۇن اۋداندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى توقسۇن اۋداندىق 2 - ورتا مەكتەپتە ارناۋلى ءماجىلىس اشىپ، تەكسەرۋ ناتيجەسىن حابارلاندىرىپ، شىندىققا جاناسپايتىن اشكەرەلەۋ جونىندە انىقتاۋ جۇرگىزىپ، اتاق - ابىرويىن قالپىنا كەلتىردى.

  جوعارىداعى 5 دەلونىڭ كەيبىرەۋى نارازىلىقتى تارقاتۋ ءۇشىن جات نيەتپەن اشكەرەلەۋ، كەيبىرەۋى جەكە ماقساتىنا جەتۋ ءۇشىن جاسالعان ويدان قيىستىرۋ، تاعى بىرەۋلەرى جاعدايدى تۇسىنبەي تۇرىپ سۋبيەكتيۆ تۇجىرىم جاساۋ، بۇل شىندىققا جاناسپايتىن اشكەرەلەۋلەر الەۋمەتتىك قارۋدان پايدالانىپ جەكە مۇددەسىن كوزدەگەن تيپتىك ارەكەتتەر. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى تەكسەرىپ دالەل - سىپات جيناۋ ارقىلى بەلگىلەمە بويىنشا، ءتارتىپ بويىنشا شىندىقتى انىقتاپ، قاتە ارىز بەرىلگەن، جالا جابىلعان وسى 5 تيپتىك دەلونى اشىق حابارلاندىرىپ انىقتاپ، ءىسى اق ادامدارعا ادىلدىكتى قايتارىپ، ءار دارەجەلى پارتكومدار مەن ءتارتىپ تەكسەرۋ، باقىلاۋ - تەكسەرۋ ورگاندارىنىڭ ايقىن تۋ ۇستاي وتىرىپ جاۋاپكەرشىلىك ارقالاۋعا باتىل كادرلاردى قولداپ شابىتتاندىراتىن باتىل بەكىمى مەن ايقىن پوزيتسياسىن ايگىلەدى.

  ”قارا جاعىلعان“ كادرلاردىڭ اتاق - اب−ىرويىن قالپىنا كەلتىرىپ، ناقتى ءىس تىندىرۋشىلاردى قولداۋ كەرەك. ناقتى ءىس تىندىرۋشىلاردىڭ ارتىنان ”پىشاق كوتەرەتىندەردىڭ“، ”ەتەكتەن تارتاتىنداردىڭ“ جات نيەتتى جالا جابۋىنا قاراتا، ءسوز جوق، شىندىققا جاناسپايتىن اشكەرەلەۋدىڭ دەرەگىن قاتاڭ تەكسەرىپ، ناقتى ءىس تىندىرۋشىلاردى دەر كەزىندە انىقتاپ، ات - اتاعىن قالپىنا كەلتىرۋ كەرەك. ءار دارەجەلى پارتيا ۇيىمدارى پارتيانى جاپپاي قاتاڭ جونگە سالۋدىڭ نەگىزگى تۇلعالىق جاۋاپكەرشىلىگىن ارقالاپ، پارتيا مۇشەلەرى مەن كادرلاردى تاربيەلەۋدى، باقىلاۋدى، باسقارۋدى كۇشەيتىپ، كادرلاردىڭ جەتىلۋىنە كوڭىل ءبولىپ، ولارعا قامقورلىق جاساپ، ساياسي ەكولوگيانى ىرىقتىلىقپەن تازارتىپ، ناقتى ءىس تىندىرۋشىلاردىڭ، ءىسى اقتاردىڭ پارمەندى تىرەگى بولۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ”ءۇشتى پارىقتاۋ“عا تاباندى بولىپ، قاتاڭ باسقارۋ مەن قامقورلىق جاساۋدى، ىنتالاندىرۋ مەن تەجەۋدى ۇشتاستىرىپ، پارتيا مۇشەلەرى مەن كادرلاردىڭ بەلگىلەمە بويىنشا، ءتارتىپ بويىنشا، زاڭ بويىنشا مىندەت اتقارۋىن جەبەۋمەن بىرگە، ايقىن تۋ ۇستاي وتىرىپ جاۋاپكەرشىلىك ارقالاپ، ناقتى ءىس تىندىرعانداردى شابىتتاندىرىپ، قولداپ، جات نيەتتى اشكەرەلەۋشىلەرگە ”سەمسەر سەرمەپ“، ”شارا قولدانىپ“، بەلگىلەمە بويىنشا، ءتارتىپ بويىنشا قاتاڭ ءبىر جاقتى ەتىپ، جاۋاپكەرشىلىك ارقالاپ، ىسكەرلىك كورسەتكەن پارتيا مۇشەلەرى مەن كادرلاردىڭ كوڭىلىن شىن مانىندە ورنىقتىرىپ، جالا جابىلعان، وبالدى ەتىلگەن، اعات تۇسىنىلگەن پارتيا مۇشەلەرى مەن كادرلاردىڭ يدەيالىق جۇكتى تاستاپ، ۋايىمنان ارىلىپ، جەڭىلدەنىپ العا ىلگەرىلۋىنە مۇمكىندىك جاساۋ كەرەك.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار