شينجياڭ ۇيعۇر اۆتونوميالى رايونى وزەن - كولدەرگە قاتىستى كورنەكتى ماسەلەلەردى جاپپاي رەتتەۋ، وڭاۋ جونىندە تەلەۆيزور - تەلەفون ءماجىلىسىن اشتى
2019.08.26 15:18 كەلۋ قاينارى : شينجياڭ گازەتى
8 - ايدىڭ 23 - كۇنى اۆتونوميالى رايون وزەن - كولدەرگە قاتىستى كورنەكتى ماسەلەلەردى جاپپاي رەتتەۋ، وڭاۋ جونىندە تەلەۆيزور - تەلەفون ءماجىلىسىن اشتى.
ماجىلىستە اۆتونوميالى رايوننىڭ باس وزەن (كول) باستىعى جونىندەگى 2 - ءنومىرلى بۇيرىعى جاريالاندى. اۆتونوميالى رايون 2019 - جىلدان باستاپ 3 جىل ۋاقىتپەن وزەن - كولدەردى رەتتەۋ، وڭاۋ ارەكەتىن ورىستەتىپ، وزەن - كول سۋ بايلىعىن شەكتەن تىس اشۋ، وزەن - كول سۋ الابىنىڭ جاعالارىن يەمدەنىپ الۋ، وزەن ارنالارىن باسقارۋ اۋماعىن بەتالدى يەمدەنۋ، بەتالدى اشۋ، بەتالدى نارسەلەر ءۇيۋ، بەتالدى قۇرىلىس سالۋ، زاڭعا، بەلگىلەمەگە قايشىلىق جاساپ وزەنگە، كولگە بىلعانىش زاتتار شىعارۋ، وزەننىڭ، كولدىڭ ەكولوگيالىق ورتاسىن ءبۇلدىرۋ سياقتى كورنەكتى ماسەلەلەردى كۇش سالا شەشۋدى ۇيعاردى.
اۆتونوميالى رايوننىڭ ءتوراعاسى، اۆتونوميالى رايوننىڭ باس وزەن (كول) باستىعى شوكىرات زاكىر ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ورىنباسار باس وزەن (كول) باستىعى لي پىڭشين ءماجىلىستى باسقاردى جانە قورىتىندى ءسوز سويلەدى. اۆتونوميالى رايوننىڭ باسشىلارىنان ەركىن تۇنياز، تيان ۋىن، جي جىڭ، سارقىت اقان قاتارلىلار ماجىلىسكە قاتىناستى.
شوكىرات زاكىر بىلاي دەپ اتاپ كورسەتتى: وزەن (كول) باستىعى ءتۇزىمىن جاپپاي اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەت جاعدايىن، سۋ جاعدايىن تياناق ەتىپ شىعارعان كەلەلى شەشىمى جانە جوعارى دەڭگەيدەگى جوبالاۋى، ەلىمىزدىڭ سۋدى جونگە سالۋ ءتۇزىلىسى مەن ەكولوگيالىق ورتا تۇزىمىندەگى كەلەلى رەفورما جاڭالىعى. 2018 - جىلدان بەرى اۆتونوميالى رايون وزەن (كول) باستىعى تۇزىمىندە ماڭىزدى كەزەڭدىك تابىسقا قول جەتكىزدى، وزەن (كول) باستىعى ءتۇزىمى قىزمەت جاۋاپكەرشىلىگىن بىرتىندەپ تياناقتاندىرىپ، وزەن - كولدەردى شارلاۋ قىزمەتىن جاپپاي ورىستەتىپ، وزەن - كول بەت - بەينەسىن كورنەكتى جاقسارتتى، قوعام ءتىپتى دە كەڭ كولەمدە ات سالىستى، الايدا وزەن - كولدەردى باسقارۋ، قورعاۋ بارىسىندا ءالى دە ءبىرسىپىرا ءالسىز بۋىندار ورىن تەۋىپ وتىر، وزەن - كولدەردى جونگە سالۋ، قورعاۋ مىندەتى ءالى دە جاپالى. بۇكىل رايونىمىزداعى ءار دارەجەلى وزەن - كول باستىقتارى، ءارقايسى تاراۋلار ”ءتورت تانىم“ دى كۇشەيتىپ، ”ءتورت سەنىم“ دى بەكەمدەپ، ”ەكىنى قورعاۋدى“ ورىنداپ، وزەن - كولدەردى باسقارۋ، قورعاۋ جانە ەكولوگيالىق وركەنيەت قۇرىلىسى ساياسي جاۋاپكەرشىلىگىن باتىل ارقالاپ، پارتيا ورتالىق كوميتەتىنىڭ وزەن (كول) باستىعى ءتۇزىمى جونىندەگى شەشىمدەرى مەن ورنالاستىرۋلارىنىڭ شينجياڭدا دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتىپ، وزەن - كولدىڭ تىنىشتىعىن، جاراسىمدىلىعىن، كوركىن قالپىنا كەلتىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزدىكسىز كۇشەيتۋ كەرەك.
شوكىرات زاكىر بىلاي دەپ باسا دارىپتەدى: وزەن - كولدەردىڭ ەڭ جوعارى وزەن - كول باستىقتارى 1 - جاۋاپتى ادام رەتىندە وزەن - كولدەردى رەتتەۋ، وڭاۋ ارەكەت جوباسىن جاساۋعا دەن قويا ۇيىمداستىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن وراي ەتىپ، ماسەلەنى باعدار ەتۋگە تاباندى بولىپ، وزەن - كولدەرگە قاتىستى كورنەكتى ماسەلەلەردى رەتتەۋ، وڭاۋدى شىن مانىندە تۇتاس بارىسقا ءسىڭىرىپ، سۋ بايلىعىن قالىپتان تىس اشۋدى باتىل تيىپ، وزەن - كولدەردى باسقارۋ، قورعاۋ اۋماعىن زاڭ بويىنشا بەلگىلەپ، وزەن - كولدەرگە قاتىستى ”ءتورت بىلىقپالىق“ ماسەلەسىن رەتتەۋ، وڭاۋ سەرپىنىن ارتتىرىپ، وزەن - كول سۋىنىڭ بىلعانۋ ماسەلەسىن كۇش سالا شەشىپ، سۋ ەكولوگياسىن قورعاۋدى جاپپاي كۇشەيتىپ، وزەن - كولدەرگە ساياتىن ارەكەتتەردى زاڭمەن جونگە سالۋ ارناسىنا شىن مانىندە ءتۇسىرۋ كەرەك. جەر - جەر، تاراۋلار اۆتونوميالى رايوندىق پارتكومنىڭ قىزمەت ورنالاستىرۋلارىن باتىل تياناقتاندىرىپ، ءبىر تۇتاس جوسپارلاپ سايكەستىرۋدى كۇشەيتىپ، قىزمەت بىرىككەن كۇشىن قالىپتاستىرىپ، وزەن - كولدەرگە ساياتىن كورنەكتى ماسەلەلەردى رەتتەۋ، وڭاۋ نىسانا، مىندەتىن باتىل ورىنداپ، كوركەم شينجياڭ قۇرۋعا ۇلەس قوسۋ كەرەك.
لي پىڭشين قورىتىندى سوزىندە بىلاي دەپ باسا دارىپتەدى: جەر - جەر، قاتىستى تاراۋلار بۇل جولعى ءماجىلىستىڭ رۋحىن دەن قويا دايەكتىلەندىرىپ، تياناقتاندىرىپ، ساياسي دەڭگەيدى اناعۇرلىم جوعارىلاتىپ، يدەيالىق تانىمدى بىرلىككە كەلتىرىپ، بەتالىستى ءدال يگەرىپ، نازاردى دالمە - ءدال شوعىرلاندىرىپ، جاۋاپكەرشىلىكتى باتىلدىقپەن ارقالاپ، شىنداپ كىرىسىپ، قيىن تۇيىندەرگە سايىس جاريالاپ، سايكەسە قيمىلداپ، بىرىككەن كۇش قالىپتاستىرىپ، شەگە قاعۋ رۋحىمەن وزەن - كولدەرگە قاتىستى كورنەكتى ماسەلەلەردى رەتتەۋدى، وڭاۋدى مىقتى يگەرىپ، بۇكىل رايوننىڭ وزەن - كولدەرىن شىن مانىندە ويداعىداي جونگە سالىپ، ويداعىداي قورعاپ، وزەن - كولدەردەن ۇدايى پايدالانۋدى جۇزەگە اسىرىپ، شينجياڭنىڭ سۋ حاۋىپسىزدىگىن قامتاماسىز ەتۋگە كۇش قوسۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
