شينجياڭدا 2019 – جىلعى ديقان – مالشىلارعا قوسىمشا قاراجات، سيلىق قاراجات بەرۋ ساياساتى جاپپاي اتقارىلا باستادى
2019.08.26 15:30 كەلۋ قاينارى : حالىق تورابى
حالىق تورابى، 8 – ايدىڭ 26 – كۇنى، بەيجيڭ، تيانشان تورابىنىڭ حابارلاۋىنشا، شينجياڭدا 2019 – جىلعى ديقان – مالشىلارعا قوسىمشا قاراجات، سيلىق قاراجات بەرۋ ساياساتى جاپپاي اتقارىلعان، نەگىزىنەن جايىلىمدا مال باعۋعا تيىم سالۋ قوسىمشا قاراجاتى جانە جايىلىمنىڭ تەپە – تەڭدىگىن ساقتاۋ سيلىق قاراجاتى سىندى ەكى ءتۇرلى قاراجاتتى قامتيدى، قازىر قوسىمشا قاراجات پەن سيلىق قاراجاتى ديقان – مالشىلارعا تاراتىلۋ ۇستىندە.
ءتىلشىنىڭ 8 – ايدىڭ 23 – كۇنى اۆتونوميالى رايوندىق اۋىل شارۋاشىلىعى جانە اۋىل – قىستاق مەڭگەرمەسى مال شارۋاشىلىعى جانە مال دارىگەرلىگى مەكەمەسىنەن ۇعىسۋىنشا، جۋىردا اۆتونوميالى رايوندىق اۋىل شارۋاشىلىعى جانە اۋىل – قىستاق مەڭگەرمەسى، قازىنا مەڭگەرمەسى، تابيعي بايلىق مەڭگەرمەسى، ورمان شارۋاشىلىعى جانە جايىلىم مەكەمەسى قاتارلى ءتورت ورىن بىرگە «شينجياڭ ۇيعۇر اۆتونوميالى رايونىنىڭ ديقان – مالشىلارعا قوسىمشا قاراجات، سيلىق قاراجات بەرۋ ساياساتىن اتقارۋ جوباسىن (2019 – جىلعى)» جاريالاعان، «جوباعا» نەگىزدەلگەندە، اۆتونوميالى رايوننىڭ 2019 – جىلعى قوسىمشا قاراجات جانە سيلىق قاراجات سوماسى جيىنى 2 ميلليارد 477 ميلليون 250 مىڭ يۋان بولىپ، 691 ميلليون مۋ جايىلىم دا قاراجات بەرۋ كولەمىنە ەنگىزىلەدى، وسى ارقىلى شينجياڭداعى تابيعي جايىلىمداردىڭ ەكولوگيالىق ورتاسىن قورعاۋ مەن قالپىنا كەلتىرۋ، شينجياڭنىڭ جايىلىمدى مال شارۋاشىلىعىنا بۇرىلىس جاساپ، دارەجەسىن جوعارىلاتۋدى جەدەلدەتۋ نىسانا ەتىلگەن.
مۇندا مال باعۋعا تيىم سالعان جەر كولەمى 150 ميلليون 100 مىڭ مۋ بولىپ، مال باعۋعا تيىم سالۋ ءۇشىن ءبىر ميلليارد 125 ميلليون يۋان قوسىمشا قاراجات بەرىلگەن. مۇندا ءبىرشاما اۋىر دارەجەدە ازعىنداعان قوڭىرجاي قاعىر دالا، ءۇستىرتتى – سۋىق قۋاڭ دالا جانە ءۇستىرتتى – سۋىق جايىلىمنان 145 ميلليون مۋ جەرگە مال باعۋعا تيىم سالىنعان، مال ماعۋعا تيىم سالۋ قوسىمشا قاراجاتىنىڭ ولشەمى مۋىنا 6 يۋان بولعان، مال باعۋعا تيىم سالۋ قوسىمشا قاراجاتى رەتىندە 870 ميلليون يۋان جۇمسالعان.
سونىمەن بىرگە، شينجياڭدا نەگىزگى سۋ قاينارى ساقتالعان جەرلەر مەن جايىلىم تەكتەس تابيعي قورىق رايوندارىنان 5 ميلليون 100 مىڭ مۋ جەرگە مال باعۋعا تيىم سالىنعان، مال باعۋعا تيىم سالۋ قوسىمشا قاراجاتىنىڭ ولشەمى مۋىنا 50 يۋان بولعان، مال باعۋعا تيىم سالۋ قوسىمشا قاراجاتى رەتىندە جيىنى 255 ميلليون يۋان جۇمسالعان.
مۇنان سىرت، شينجياڭدا تاعى دا جايىلىم مەن مالدىڭ تەڭگەرىمدىلىگىن ساقتاۋ جاعىندا سيلىق قاراجات بەرۋ ساياساتى اتقارىلىپ، 540 ميلليون 900 مىڭ مۋ جەردەگى جايىلىمدا جايىلىم مەن مالدىڭ تەڭگەرىمدىلىگىن ساقتاۋ ءتۇزىمى اتقارىلعان، جايىلىم مەن مالدىڭ تەڭگەرىمدىلىگىن ساقتاۋ سيلىق قاراجاتىنىڭ ولشەمى مۋىنا 2.5 يۋان بولعان، جايىلىم مەن مالدىڭ تەڭگەرىمدىلىگىن ساقتاۋ سيلىق قاراجاتى رەتىندە ءبىر ميلليارد 352 ميلليون 250 مىڭ يۋان جۇمسالعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
