شينجياڭدا اۋىل - قىستاق بەيقۇت ءۇي ينجەنەرياسى بويىنشا 140 مىڭنان استام ءۇي سالىندى
2019.08.27 14:44 كەلۋ قاينارى : حالىق تورابى
حالىق تورابى، 8 – ايدىڭ 27 – كۇنى، بەيجيڭ. شينحۋا اگەنتتىگىنىڭ 8 - ايدىڭ 25 - كۇنى ۇرىمجىدەن بەرگەن حابارى. تۇرار باسپانا بولۋ، باسپاناسى جاقسى بولۋ − باسىم كوپ وتباسىنىڭ ارمانى، شينجياڭنىڭ اۋىل - قىستاق بەيقۇت ءۇي ينجەنەريا قۇرىلىسى تەبىنىن ارتتىرۋىنا بايلانىستى، ءار ۇلت بۇقاراسىنىڭ ارمانى بىرتىندەپ رەالدىققا اينالۋدا. ءتىلشىنىڭ شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسىنەن ۇعىسۋىنشا: بيىل 7 - ايدىڭ سوڭىنا دەيىن شينجياڭدا اۋىل - قىستاق بەيقۇت ءۇي ينجەنەرياسى بويىنشا 146 مىڭ 55 ءۇي سالىنعان، وسى جىلدىڭ سوڭىنان بۇرىن تۇتاس جىلدا 200 مىڭ 900 ءۇي سالۋ مىندەتى ورىندالاتىندىعى مەجەلەنۋدە.
بيىل جىل باسىنان بەرى، شينجياڭ اۋىل - قىستاق بەيقۇت ءۇي ينجەنەريا قۇرىلىسى تەبىنىن ءۇرتىس ارتتىرىپ، اۋىل - قىستاق بەيقۇت ءۇي ينجەنەرياسى بويىنشا 200 مىڭ 900 ءۇي سالۋ مىندەتىن اتقارۋدى جوسپارلادى، مۇنىڭ ىشىندە، اۋىل - قىستاقتارداعى ارحيۆ تۇرعىزىپ، كارتچكالاندىرىلعان 9355 كەدەي وتباسى بار. 7 - ايدىڭ سوڭىنا دەيىن شينجياڭدا اۋىل - قىستاق بەيقۇت ءۇي ينجەنەرياسى بويىنشا 197 مىڭ 929 ءۇيدىڭ قۇرىلىسى باستالىپ، 146 مىڭ 55 ءۇي سالىندى؛ اۋىل - قىستاقتارداعى ارحيۆ تۇرعىزىپ، كارتچكالاندىرىلعان 9355 كەدەي وتباسىنىڭ ءۇي قۇرىلىسى تۇگەلدەي باستالىپ، 7834 ءۇي سالىندى.
اۋىل - قىستاق بەيقۇت ءۇي ينجەنەرياسىنىڭ ءساتتى اتقارىلۋىنا شىنايى كەپىلدىك ەتۋ ءۇشىن، اۋىل - قىستاق بەيقۇت ءۇي ينجەنەرياسى بويىنشا 2019 - جىلى ورتالىق قازىنادان بەرىلگەن 2 ميلليارد 131 ميلليون يۋان كومەك قارجى تۇگەلدەي شينجياڭنىڭ ءارقايسى اۋداندارىنا (قالا) ءبولىندى، مۇنىڭ ىشىندە، 92 پايىزى كەدەي اۋداندارعا ءبولىندى. كومەك قارجى ەڭ تومەنگى تۇرمىسى قامتاماسىز ەتىلەتىن وتباسىلارى، اۋىل - قىستاقتارداعى بىتىراندى كۇتىمدەلىنەتىن، ەرەكشە قيىنشىلىعى بارلار، كەدەي مۇگەدەك وتباسىلارى جانە ارحيۆ تۇرعىزىپ، كارتچكالاندىرىلعان كەدەي وتباسىلارى سياقتى 4 تۇردەگى «ءتۇيىندى وبيەكتىلەردىڭ» قاتەرلى ۇيلەرىن جاڭالاۋدى، سونداي - اق اۋىر كەدەي وڭىرلەردەگى باسقا دا شارۋا وتباسىلارىنىڭ قاتەرلى ۇيلەرىن جاڭالاۋدى قامتاماسىز ەتۋگە پايدالانىلدى. قازىرگە دەيىن شينجياڭ قاتەرلى ۇيدەن 400 نەشە مىڭىن بۇزدى ءارى 2019 - جىلعى ءۇي سالۋ جوسپارىنا ەنگىزىلگەن اۋىل - قىستاقتارداعى ارحيۆ تۇرعىزىپ، كارتچكالاندىرىلعان 9355 كەدەي وتباسىنىڭ قاتەرلى ۇيلەرىن ساراپتاۋ قىزمەتىن ورىندادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
