شينجياڭدا وزەن − كول باستىعى ءتۇزىمىن جاپپاي جالپىلاستىرۋ ونىمدىلىگى كورنەكتى بولدى
ماڭىزدى وزەن - كولدەردىڭ سۋ فۋنكتسيالىق وڭىرىندە سۋ ساپاسىنىڭ ولشەمگە جەتۋ سالىستىرماسى جوعارىلاپ، ％98.6 كە كوتەرىلدى
2019.08.28 15:47 كەلۋ قاينارى : شينجياڭ گازەتى
ءتىلشىمىز ليۋ دۇڭلاي، پراكتيكانت جاۋ شيڭمەي 8 - ايدىڭ 26 - كۇنى ۇرىمجىدەن حابارلايدى. 8 - ايدىڭ 26 - كۇنى اشىلعان اۆتونوميالى رايوننىڭ وزەن - كول باستىعى ءتۇزىمىن جاپپاي جالپىلاستىرۋ جاعدايى جونىندەگى اقپار جاريالاۋ ماجىلىسىنەن ۇعىسۋىمىزشا، وزەن - كول باستىعى ءتۇزىمى جاپپاي جالپىلاستىرىلعاننان بەرى، رايونىمىزدىڭ ەكولوگيانى جونگە سالۋ ناتيجەسى كورنەكتى بولدى، ماڭىزدى وزەن - كولدەردىڭ سۋ فۋنكتسيالىق اۋماعىندا سۋ ساپاسىنىڭ ولشەمگە جەتۋ سالىستىرماسى 2016 - جىلداعى ％94تەن جوعارىلاپ، 2018 - جىلى ％98.6كە جەتتى، وزەن - كول باستىعى ءتۇزىمى جاپپاي ”ورناۋ“دان جاپپاي ”ونىمدىلىگىن كورۋ“گە قاراي بۇرىلىس جاسادى.
اۆتونوميالى رايوندىق سۋ يگىلىگى مەڭگەرمەسىنىڭ ورىنباسار مەڭگەرمە باستىعى دارەجەلى كادرى جاڭ جياننىڭ تانىستىرۋىنا قاراعاندا، 2018 - جىلدان بەرى، رايونىمىز وزەن - كولدەن قۇم الۋ، قوقىر - قوقسىقتى توساتىن قورشامالى توسپا، ىعىستىرىلعان لاس زاتتاردىڭ وزەنگە قۇيار اۋزى جانە ”ءتورت بىلىقپالىقتى وڭاۋ“ سياقتى ارناۋلى قيمىلدار ورىستەتكەن. تۇتاس رايونىمىزداعى 107 زاڭسىز قۇم - شاعىل الۋ ورنى جاپپاي جابىلعان؛ تۇتاس رايونىمىزدان ”ءتورت بىلىقپالىقتى وڭاۋ“ بويىنشا 1282 ماسەلە تەكسەرىلگەن، قازىرگە دەيىن كۇشىنەن قالدىرىلۋ سالىستىرماسى ％98كە جەتكەن، قالعان ماسەلەلەر بەلسەندى تۇردە رەتتەۋ - وڭاۋ ۇستىندە ەكەن.
سونىمەن قاتار، باسقا ارناۋلى قيمىلداردا دا بەلسەندى ىلگەرىلەۋشىلىككە قول جەتتى. قاتىستى تاراۋلار بەلسەنە ارەكەتكە كەلىپ، سازدىقتى قالپىنا كەلتىرۋ جانە ونى قورعاۋ، اۋىل - قىستاقتاردىڭ سۋ ورتاسىن جونگە سالۋ، لاس، ساسىق سۋلاردى جونگە سالۋ، سۋ ساپاسىنىڭ لاستانۋىنان ساقتانۋ جانە جونگە سالۋ، وزەن - كول جونىنەن بىرلەسىپ زاڭ اتقارۋ، مال، ءۇي قۇستارىن باعۋعا تيىم سالىنعان وڭىرلەردى جانە باعۋعا شەك قويىلعان وڭىرلەردى بەلگىلەۋ سياقتى قىزمەتتەر ورىستەتتى. جەر - جەر امالياتپەن ۇشتاستىرىپ، ءبىرسىپىرا ارناۋلى رەتتەۋ - وڭاۋ قيمىلدارىن ورىستەتىپ، وزەن اعارلارى مەن كولدەردىڭ بەينەسىن كورنەكتى جاقسارتتى.
بيىل اۆتونوميالى رايون سۋ الاپتارىنداعى سۋ بايلىعىن ءبىر تۇتاس باسقارۋدى ۇزدىكسىز كۇشەيتىپ، ”ءۇش قىزىل سىزىق“ قاتاڭ شەكتەمەسىن قاتايتىپ، سۋ بايلىعىن باسقارۋدىڭ ەڭ قاتاڭ ءتۇزىمىن ونان ارى تياناقتاندىرادى؛ سۋدى ۇنەمدەپ پايدالانۋدى جان - جاقتى كۇشەيتىپ، اۋدانداردىڭ سۋ ۇنەمدەۋ ۇلگىسىندەگى قوعام قۇرىلىسىن ىلگەرىلەتىپ، اۋىل شارۋاشىلىعىندا سۋ ۇنەمدەۋ قۇرىلىسىن، ونەركاسىپتە جانە قالا، اۋىل تۇرمىسىندا سۋ ۇنەمدەۋ قۇرىلعىلارىن جاڭالاۋدى ۇزدىكسىز كۇشەيتەدى؛ وزەن - كولدەرگە 3 جىل رەتتەۋ - وڭاۋ ارناۋلى ارەكەتىن ورىستەتىپ، وزەن - كولدەردى باسقارۋ، قورعاۋ جاعىندا ورىن تەپكەن كورنەكتى ماسەلەلەردى جاپپاي رەتتەپ، وڭاپ، جىل سوڭىنان بۇرىن تۇتاس رايونىمىزدا وزەن - كولدەردەگى ”ءتورت بىلىقپالىق“تى اداقتاپ، رەتتەپ، وڭايدى؛ وزەن - كولدەردەن قۇم - شاعىل الۋدى باسقارۋدى كۇشەيتەدى. الدىمەن جوبالاۋدان جازباي، قۇم - شاعىل الۋعا رۇقسات بەرۋدى باسقارۋ مەن قاراپ بەكىتۋدى قاتايتىپ، قۇم - شاعىل الاڭدارىنداعى قۇم - شاعىل شۇڭقىرلارىن، سونداي - اق جاراقسىز زاتتاردى اداقتاپ، رەتتەپ، وڭايدى.
سونىمەن بىرگە، اۋىز سۋ قاينارىن قورعاۋدى ونان ارى كۇشەيتىپ، اۋىز سۋ قاينارىنىڭ حاۋىپسىزدىگىن، قامتاماسىزدىعىن ولشەمگە جەتكىزۋ جانە جۇيەلىلەندىرۋ قۇرىلىسىن ورىستەتەدى ءارى قورىقتارداعى زاڭعا، بەلگىلەمەگە قايشى ماسەلەلەردى اداقتاپ، رەتتەپ، وڭايدى؛ سۋ ورتاسىن جونگە سالۋدى كۇشەيتىپ، سۋ فۋنكتسيالىق وڭىرلەرى مەن سۋ ورتاسى ساپاسىن نىسانالى باسقارۋدى كۇشەيتىپ، وزەن - كولدى لاستاۋ قاينارلارىن رەتتەپ، وڭاپ، ىعىستىرىلعان لاس سۋدىڭ وزەن - كولگە قۇيىلار اۋزىن باقىلاپ - باسقارۋدى كۇشەيتىپ، جان - جاقتى الدىن الۋدى، وڭاۋدى كۇشەيتەدى؛ سۋ ەكولوگياسىن قالپىنا كەلتىرۋدى ىلگەرىلەتىپ، سۋ جۇيەلەرىن عىلمي ۇلاستىرىپ، ەكولوگيالىق سۋ جەتكىزۋدى كۇشەيتەدى؛ وزەن ارنالارىنىڭ ەكولوگيالىق نەگىزگى اعارى مەن كولدەردىڭ ەڭ تومەنگى ەكولوگيالىق سۋ دەڭگەيىن تۇراقتاندىرادى.
جاڭ جيان مىنانى ءبىلدىردى: كوپ ءتۇرلى شارانى قاتار قولدانۋ ارقىلى رايونىمىزدا سۋدان پايدالانۋ ونىمدىلىگى ۇزدىكسىز جوعارىلاپ، سۋدان پايدالانۋ جالپى مولشەرى جىلدان - جىلعا تومەندەدى، 2018 - جىلى سۋدان پايدالانۋ جالپى مولشەرى 54 ميلليارد 800 ميلليون تەكشەمەتر بولىپ، 2016 - جىلداعى 56 ميلليارد 500 ميلليون تەكشەمەتردەن ءبىر ميلليارد 700 ميلليون تەكشەمەتر تومەندەپ، مەملەكەت تۇراقتاندىرعان 2020 - جىلى 55 ميلليارد تەكشە مەتر كولەمىندە تىزگىندەۋ نىساناسىن الدىن الا ورىندادى. ەگىس اتىزدارىن سۋاراتىن سۋدان ۇتىمدى پايدالانۋ كوەففيتسيەنتى 2016 - جىلعى 0.53تەن 2018 - جىلى 0.553كە جوعارىلادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
