شينجياڭ 7 شارا قولدانىپ، ەمدەۋ قىزمەت وتەۋىن جاقسارتتى
سوزىلمالى ناۋقاستارعا ەڭ ۇزاق بولعاندا 2 ايدىڭ ءدارىسى بەرىلەدى
2019.08.29 13:09 كەلۋ قاينارى : شينجياڭ گازەتى
ءتىلشىمىز گاۋا 8 - ايدىڭ 27 - كۇنى ۇرىمجىدەن حابارلايدى. 8 - ايدىڭ 26 - كۇنى اۆتونوميالى رايوندىق دەنساۋلىق ساقتاۋ، سالاماتتىق كوميتەتى اشقان اۆتونوميالى رايوننىڭ ەمدەۋ - دەنساۋلىق ساقتاۋ سالاسىنىڭ ارناۋلى رەتتەۋ - وڭاۋ قىزمەتىن ىلگەرىلەتۋ ءماجىلىسىن اشىپ، شيپاگەرلىك ءمورال، شيپاگەرلىك ستيل، ءدارى - دارمەك ساتۋ، ساتىپ الۋ جانە ەمدەۋ قىزمەت وتەۋ جاقتارىندا ورىن تەپكەن كورنەكتى ماسەلەلەرگە مەڭزەس، ءبىر قىدىرۋ رەتتەۋ - وڭاۋ شاراسىن، سونداي - اق سايكەستى حۇجاتتاردى جاريالادى.
بيىل 6 - ايدا رايونىمىز ەمدەۋ - دەنساۋلىق ساقتاۋ سالاسىنداعى ارناۋلى رەتتەۋ - وڭاۋ قىزمەتىن جاپپاي ورىستەتىپ، ”بۇقارانىڭ اناعۇرلىم جاقسى ەمدەۋ، سالاماتتىق قىزمەت وتەۋىنە يە بولۋىنا مۇمكىندىك جاساۋ“ نىساناسىن مىقتاپ ارقاۋ ەتىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن اناعۇرلىم تەرەڭدەتىپ، بۇقارانىڭ ”اۋرۋ كورسەتۋىنىڭ قيىنعا سوعۋى“، ”اۋرۋ كورسەتۋىنىڭ قىمباتقا توقتاۋى“ ماسەلەسىن شەشتى.
بۇقارانىڭ اڭىسى كۇشتى بولعان سوزىلمالى اۋرۋلارعا ءدارى جازۋ پەريودىنىڭ قىسقا بولۋى، ءبىر - ءبىرىنىڭ مەديتسينالىق تەكسەرۋ، ساراپتاۋ ناتيجەسىن مويىنداماۋ، اۋرۋ كورسەتۋ، ەمدەلۋ ۇلكەن رەتسەبى، بەتالدى تەكسەرۋ سياقتى شەشۋدى كۇتىپ وتىرعان ماسەلەلەرگە ساي، رايونىمىز «ەمدەۋ قۇرىلىمدارى اراسىندا مەديتسينالىق ساراپتاۋ ناتيجەسىن جانە مەديتسينالىق كەسكىن، ۋلترا دىبىس تولقىنىمەن تەكسەرۋ، پاتولوگيالىق تەكسەرۋ ناتيجەسى ماتەريالدارىن ءوزارا مويىنداۋ قىزمەتى ەرەجەسى (سىناق رەتىندە اتقارىلادى)»، «اۆتونوميالى رايونداعى ءار دارەجەلى ەمدەۋ قۇرىلىمدارىنىڭ سوزىلمالى اۋرۋلارعا ۇزاق ۋاقىتتىق رەتسەپ جازۋعا قاتىستى قىزمەتتەردى جاقسى ىستەۋى جونىندەگى حابارلاندىرۋ»، «اۆتونوميالى رايوننىڭ ەمدەۋ قۇرىلىمدارىنىڭ رەتسەپتەرىن باعالاۋ قىزمەتىن باسقارۋ ەرەجەسى (ۋاقىتشا اتقارىلادى)»، «ەمدەۋ ۇلكەن ساندى مالىمەتىنەن پايدالانۋدى كۇشەيتۋ جونىندەگى قىزمەت جوباسى» سياقتى 7 حۇجاتتى جاسادى.
بۇقارانىڭ اۋرۋدى ەمدەتۋدەگى قايتالاپ تەكسەرۋ، اۋىرتپالىقتىڭ شەكتەن تىس اۋىر بولۋى ماسەلەلەرىنە مەڭزەس، «ەمدەۋ قۇرىلىمدارى اراسىندا مەديتسينالىق تەكسەرۋ ناتيجەسىن جانە مەديتسينالىق كەسكىن، ۋلترا دىبىس تولقىنىمەن تەكسەرۋ، پاتولوگيالىق تەكسەرۋ ناتيجەسى ماتەريالدارىن ءوزارا مويىنداۋ قىزمەتى ەرەجەسىن (سىناق رەتىندە اتقارىلادى)» شىعارىپ، مەديتسينالىق ساراپتاۋداعى 4 ۇلكەن ءتۇر بويىنشا 62 ءتۇرلى تەكسەرۋ ءتۇرىن، مەديتسينالىق كەسكىن تۇسىرۋدەگى 2 ۇلكەن ءتۇر بويىنشا 9 ءتۇردى، B تيپتى ۋلترا دىبىس تولقىندى اپپاراتىمەن تەكسەرۋدە 2 ءتۇر بويىنشا 8 ءتۇرلى اعزا تەكسەرۋىن، سونداي - اق پاتولوگيالىق ماتەريالداردى ءوزارا مويىنداۋ ءتۇرى مەن ولشەمىن ايقىنداپ، ۇقساس دارەجەدەگى ەمدەۋ قۇرىلىمدارى اراسىندا ءوزارا مويىندالاتىن تۇرلەردى تەكسەرۋدە پرينسيپتىك جاقتان ءوزارا مويىنداۋدى باسا دارىپتەدى.
«اۆتونوميالى رايونداعى ءار دارەجەلى ەمدەۋ قۇرىلىمدارىنىڭ سوزىلمالى اۋرۋلارعا ۇزاق ۋاقىتتىق رەتسەپ جازۋعا قاتىستى قىزمەتتەردى جاقسى ىستەۋى جونىندەگى حابارلاندىرۋ»دا دياگنوزى ايقىن، اۋرۋ جاعدايى تۇراقتى، ۇزاق ۋاقىت ءدارى تۇتىنۋ قاجەت بولعان سوزىلمالى ناۋقاستار جونىندە امبولاتوريادا تەكسەرىلگەندە اۋرۋ جاعدايىنا قاراي حاۋىپسىز، ۇيلەسىمدى، ءونىمدى بولۋ العى شارتى استىندا، امبولاتوريادا جازىلاتىن رەتسەپتىڭ مولشەرىن ۇيلەسىمدى ۇزارتىپ، ەڭ ۇزاق بولعاندا 2 ايعا جەتەتىن ءدارى جازۋعا بولاتىندىعى اتاپ كورسەتىلدى.
«اۆتونوميالى رايوننىڭ ەمدەۋ قۇرىلىمدارىنىڭ رەتسەپتەرىن باعالاۋ قىزمەتىن باسقارۋ ەرەجەسى (ۋاقىتشا اتقارىلادى)»ندە ءار ايدا جەكە تۇردەگى ءدارىنىڭ مولشەرىن، سوماسىن كلينيكالىق ءبولىم، شيپاگەر قاتارلىلار ساناققا الىپ، ىزىنە ءتۇسىپ باقىلاپ، پايدالانىلۋ مولشەرى قالىپتان تىس ارتقان نەمەسە الدىڭعى قاتاردا تۇراتىن ءدارى تۇرلەرىن جانە شيپاگەرلەردىڭ رەتسەپتەرىن ءتۇيىندى تۇردە باقىلاۋ - تىزگىندەۋ جانە باعالاۋ ايقىندالدى.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ليۋ جيانگو بىلاي دەپ تانىستىردى: ەمدەۋ - دەنساۋلىق ساقتاۋ سالاسىنداعى ارناۋلى رەتتەۋ - وڭاۋ قىزمەتى باستالعاننان بەرى، اۆتونوميالى رايوندىق دەنساۋلىق ساقتاۋ، سالاماتتىق كوميتەتى بۇقارانىڭ مۇددەسىنە ەلەۋسىز قاراۋ جانە زيان جەتكىزۋ ماسەلەلەرىن قاتاڭ جونگە سالىپ، كەزەڭدىك ناتيجەگە قول جەتكىزدى. كەلەسى قادامدا اۆتونوميالى رايوندىق دەنساۋلىق ساقتاۋ، سالاماتتىق كوميتەتى كوپ تاراۋدىڭ بىرلەسىپ سەلبەسۋ مەحانيزمىن اناعۇرلىم اقاۋسىزداندىرىپ، كەمەلدەندىرىپ، شارالاردى اشالاپ، جۇمىس ءبولىسىن ايقىنداپ، جاۋاپكەرشىلىكتى ساتىلار بويىنشا تياناقتاندىرىپ، ساياساتتى دالمە - ءدال قولدانىپ، ارناۋلى جونگە سالۋ قىزمەتىندەگى جاقسى ادىستەر مەن تاجىريبەلەردى بەلسەندى تۇردە قورىتىندىلاپ، ناتيجەنى پايدالانۋدى كۇشەيتىپ، باياندى مەحانيزم ورناتىپ، كەمەلدەندىرىپ، بۇقارانىڭ اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلۋىنە مۇمكىندىك جاسايدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
