شينجياڭ ەگىنشى - مالشىلارعا قوسىمشا قاراجات، سيلىق بەرۋ ساياساتىن اتقارۋدى باستادى
بيىل جالپى 691 ميلليون مۋ جايىلىمعا قوسىمشا قاراجات، سيلىق بەرىپ، 300 مىڭعا جۋىق ەگىنشى - مالشى وتباسى يگىلىككە كەنەلدى
2019.08.29 15:11 كەلۋ قاينارى : حالىق تورابى
حالىق تورابى، 8 – ايدىڭ 29 – كۇنى، بەيجيڭ. شينجياڭ گازەتىنىڭ 8 – ايدىڭ 27 – كۇنى ۇرىمجىدەن بەرگەن حابارىنا قاراعاندا، ٴءتىلشىنىڭ شينجياڭ ۇيعۇر اۆتونوميالى رايوندىق مال شارۋاشىلىعى، مال شيپاگەرلىگى مەكەمەسىنەن ۇعىسۋىنشا، تاياۋدا باسىپ تاراتىلعان «شينجياڭ ۇيعۇر اۆتونوميالى رايونىنىڭ ەگىنشى - مالشىلارعا قوسىمشا قاراجات، سيلىق بەرۋ ساياساتىن اتقارۋ جوباسىنا (2019 - جىل)» ساي، بيىل شينجياڭ جالپى 691 ميلليون مۋ جايىلىمعا قوسىمشا قاراجات، سيلىق بەرىپ، 2 ميلليارد 477 ميلليون 250 مىڭ يۋان قوسىمشا قاراجات، سيلىق تاراتىپ، شينجياڭدا 300 مىڭعا جۋىق ەگىنشى - مالشى وتباسى مۇنىڭ يگىلىگىن كورىپ، ءار وتباسى ورتا ەسەپپەن 8000 يۋاننىڭ ۇستىندە قوسىمشا قاراجاتقا، سيلىققا يە بولعان.
تانىستىرۋعا قاراعاندا، بيىل شينجياڭ ەگىنشى - مالشىلارعا قوسىمشا قاراجات، سيلىق بەرۋ ساياساتىندا بۇكىل شينجياڭداعى پايدالانۋعا بولاتىن جايىلىمداردى تولىق قامتۋدى جۇزەگە اسىرعان. مال جايۋعا تيىم سالىنعان 150 ميلليون 100 مىڭ مۋ جايىلىمنىڭ ىشىندە مال جايۋعا تيىم سالىنعان 5 ميلليون 100 مىڭ مۋ كەلەتىن ماڭىزدى سۋ قاينارلارى مەن شىم تۇرىندەگى جاراتىلىستىق قورىقتاردىڭ ءار مۋىنا 50 يۋان ولشەممەن قوسىمشا قاراجات بەرىلگەن، مال جايۋعا تيىم سالىنعان 145 ميلليون مۋ كەلەتىن ءبىرشاما اۋىر دارەجەدە شەگىنگەن ازعىنداعان قوڭىرجاي ءشولدىڭ، ءۇستىرتتى سۋىق ءشولدىڭ جانە ءۇستىرتتى سۋىق جايىلىمنىڭ ءار مۋىنا 6 يۋان ولشەممەن قوسىمشا قاراجات بەرىلگەن. سونىمەن بىرگە بۇكىل شينجياڭدا مال جايۋعا تيىم سالىنعان وڭىرلەردەن باسقا 540 ميلليون 900 مىڭ مۋ كەلەتىن جايىلىم جايىلىم مەن مالدىڭ تەپە - تەڭدىگى بويىنشا باسقارىلىپ، جايىلىمنىڭ كوتەرىمدىلىك قۋاتىنا قاراي ۇيلەسىمدى مال مولشەرى بەلگىلەنىپ، جايىلىم مەن مالدىڭ تەپە - تەڭدىگى مىندەتىن اتقارعان مالشىلارعا جىل سايىن ءار مۋىنا 2.5 يۋان سيلىق بەرىلگەن.
شينجياڭ ۇيعۇر اۆتونوميالى رايوندىق مال شارۋاشىلىعى، مال شيپاگەرلىگى مەكەمەسى جەم - ءشوپ باسقارماسىنىڭ قاتىستى جاۋاپتىسىنىڭ تانىستىرۋىنشا: ەگىنشى - مالشىلارعا قوسىمشا قاراجات، سيلىق بەرۋ ساياساتىن اتقارۋ جايىلىمعا مال جايۋعا تيىم سالۋ جانە جايىلىم مەن مالدىڭ تەپە - تەڭدىگى ءتۇزىمىن جاپپاي جولعا قويىپ، جايىلىم ەكولوگياسىن قورعاۋدى جانە قۇرۋدى جەبەۋگە سەپتىگىن تيگىزەدى. سونىمەن قاتار، مال شارۋاشىلىعى ءوندىرىس تاسىلىنە جەدەل بۇرىلىس جاساپ، جاسىل مال شارۋاشىلىعى ونىمدەرىمەن قامداۋ دەڭگەيىن جوعارىلاتىپ، ەگىنشى - مالشىلاردىڭ كىرىستى ارتتىرۋ ارناسىن كەڭەيتىپ، ەگىنشى - مالشىلاردىڭ كىرىسىن نىق قاداممەن جوعارىلاتۋعا سەپتىگىن تيگىزەدى.
سول ءۇشىن، شينجياڭ جايىلىمدى كوتەرمەگە الۋ، مالشى وتباسىلارىنىڭ ينفورماتسياسىن جيناپ، كىرگىزۋ سياقتى نەگىزدىك قىزمەتتەردى اناعۇرلىم كەمەلدەندىرىپ، مال جايۋعا تيىم سالۋ جانە جايىلىم مەن مالدىڭ تەپە - تەڭدىگى ساياساتىن اتقارۋدىڭ ونىمدىلىگىن بەكەمدەپ، نىسانداردى بىرىكتىرۋ، قارجىنى ماتاستىرۋ ارقىلى «كاسىپ سالاسىنان ادام اۋىستىرۋ، جايىلىمداعى مال سانىن ازايتۋ، ءوندىرىس قابىلەتىن قۋاتىن كوشىرۋدى جوتكەۋدى» كۇش سالا اتقارىپ، جايىلىم مال شارۋاشىلىعىن دامىتۋ ۇلگىسىن جاڭالاپ، ەگىنشى - مالشىلاردىڭ ءوزىن دامىتۋ قابىلەتىن جوعارىلاتىپ، ءداستۇرلى مال شارۋاشىلىعىن وزگەرتۋ، ءوسىرۋدى جەدەلدەتەدى. سونىمەن قاتار، قوسىمشا قاراجات، سيلىق قارجىسىن تاراتۋ بارىسىندا، ءار دارەجەلى قاتىستى تاراۋلار ەگىنشى - مالشىلاردى قارجىنى مال شارۋاشىلىعى ءوندىرىس قۇرىلعىلارىن جاقسارتۋعا جانە ءوندىرىس ماتەريالدارىن ساتىپ الۋعا جەتەكتەپ، مال شارۋاشىلىعىنىڭ ءوزىن دامىتۋ قابىلەتىن كۇشەيتىپ، قوسىمشا قاراجات، سيلىق قارجىسىنىڭ ەگىنشى - مالشىلاردىڭ ءوندىرىس جۇرگىزىپ كىرىسىن ارتتىرۋداعى بەلسەندى رولىن ويداعىداي ساۋلەلەندىرەدى.
ەگىنشى - مالشىلارعا قوسىمشا قاراجات، سيلىق بەرۋ ساياساتى پارتيا ورتالىق كوميتەتىنىڭ مال شارۋاشىلىق وڭىرلەرىنىڭ ەكونوميكالىق، قوعامدىق دامۋ جالپى جاعدايىن ءبىر تۇتاس جوسپارلاپ شىعارعان كەلەلى شەشىمى، ەگىنشى - مالشىلاردىڭ كىرىسىن ارتتىرۋدا، جايىلىم مال شارۋاشىلىعىنىڭ تيبىنىڭ تيپىنىڭ وزگەرىپ، دارەجەسىنىڭ ءوسۋىن جەدەلدەتۋدە، مال شارۋاشىلىق وڭىرلەرىنىڭ ەكونوميكاسى مەن قوعامىنىڭ جاراسىمدى، ورنىقتى دامۋىن جەبەۋدە كەلەلى ماڭىزعا يە. ەگىنشى - مالشىلارعا قوسىمشا قاراجات، سيلىق بەرۋ ساياساتى «جاڭا كەزەكتى جايىلىم ەكولوگياسىن قورعاۋعا قوسىمشا قاراجات، سيلىق بەرۋ ساياساتىن اتقارۋ جەتەكشى پىكىرىنىڭ (2016 −2020 − جىل)» تالابى بويىنشا اتقارىلادى، بيىل بۇكىل شينجياڭدا قوسىمشا قاراجات، سيلىق قارجىسى 10 - ايدىڭ 1 - كۇنىنەن بۇرىن تاراتىلىپ بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
