عىلىم - تەحنيكا مينيسترلىگى مەن شينجياڭ بىرلىكتە 2019 - جىلعى مينيسترلىك - رايون قىزمەت كەڭەسىن وتكىزدى
2019.09.02 14:42 كەلۋ قاينارى : حالىق تورابى
حالىق تورابى، 9 – ايدىڭ 2 – كۇنى، بەيجيڭ. 8 - ايدىڭ 30 - كۇنى تۇستەن كەيىن عىلىم - تەحنيكا مينيسترلىگى مەن شينجياڭ ۇيعۇر اۆتونوميالى رايوندىق حالىق ۇكىمەتى ۇرىمجىدە 2019 - جىلعى مينيسترلىك - رايون قىزمەت كەڭەسىن وتكىزىپ، مەملەكەتتىك عىلىم - تەحنيكا سيلىعى جينالىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، شينجياڭنىڭ عىلىم - تەحنيكا ىستەرىنىڭ دامۋىن ىلگەرىلەتىپ، جاڭالىق اشۋ سيپاتتى شينجياڭ قۇرۋدى جەدەلدەتتى.
عىلىم - تەحنيكا مينيسترلىگى پارتيا گرۋپپاسىنىڭ شۋجيى، مينيستر ۋاڭ جىگاڭ، شينجياڭ ۇيعۇر اۆتونوميالى رايوندىق پارتكومى شۋجيىنىڭ ورىنباسارى، شينجياڭ ۇيعۇر اۆتونوميالى رايونىنىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى، مينيسترلىك - رايون قىزمەت كەڭەسى ءتۇزىمى كەلىسىمىنە بىرگە قول قويدى.
پارتيا 18 - قۇرىلتايىنان بەرى، مينيسترلىك - رايون سەلبەستىگى تىڭعىلىقتى ىلگەرىلەتىلدى، عىلىم - تەحنيكا مينيسترلىگى ءىرى عىلىم - تەحنيكا ارقىلى شينجياڭعا كومەكتەسۋ ۇستانىمىنان جازباي، بۇكىل مەملەكەتتىڭ عىلىم - تەحنيكا بايلىعىن ءبىرتۇتاس جوسپارلاپ، شينجياڭنىڭ عىلىم - تەحنيكا نىساندارىن اتقارۋىنا، جاڭالىق اشۋ قابىلەتىن جوعارىلاتۋىنا، جاڭالىق اشۋشى دارىندىلاردى جەتىلدىرۋىنە، عىلىم - تەحنيكا ستراتەگيالىق اقىل كەنىشىن قۇرۋىنا جەتەكشىلىك ەتىپ، قولداۋ كورسەتىپ، مول تابىستارعا قول جەتكىزدى. وسى رەت عىلىم - تەحنيكا مينيسترلىگى مەن شينجياڭ ۇيعۇر اۆتونوميالى رايونى نازاردى «ءۇرىمجى، سانجى، شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىن جەدەلدەتىپ، جوعارى ساپالى دامۋعا جەتەكشىلىك ەتۋ»، «شىعىس پەن باتىس بولىكتىڭ عىلىم - تەحنيكادا جاڭالىق اشۋ سەلبەستىگىن تەرەڭدەتىپ، اشىق، ءوزارا قارايلاساتىن جاڭا جاعدايىن ورناتۋ»، «حالىق تۇرمىسى عىلىم - تەحنيكاسىن تەز قارقىنمەن دامىتىپ، شينجياڭنىڭ قوعام ورنىقتىلىعى مەن باياندى تىنىشتىعىنا تىرەك بولۋ، قىزمەت وتەۋ» سياقتى كەڭەس تاقىرىپتارىنا شوعىرلاندىرىپ كەڭەس وتكىزدى.
عىلىم - تەحنيكا مينيسترلىگى مينيسترىنىڭ ورىنباسارى شۇي نانپيڭ عىلىم - تەحنيكا مينيسترلىگىنىڭ وسى رەتكى كەڭەسكەن ىستەر جونىندەگى قاتىستى پىكىرلەرىنە تۇسىنىك جاسادى. كەڭەستى شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، شينجياڭ ۇيعۇر اۆتونوميالى رايونى ءتوراعاسىنىڭ ورىنباسارى ەركىن تۇنياز باسقاردى. شينجياڭ ۇيعۇر اۆتونوميالى رايونى مەن بيڭتۋاننىڭ باسشىلارىنان ماڭلىك سەيىت، لۋ شۇيپيڭ جەكە - جەكە وتكەن كەزەكتى مينيسترلىك - رايون كەڭەس قىزمەتىنىڭ ورىستەتىلۋ جاعدايىنان مالىمەت بەردى ءارى وسى رەت كەڭەسكەن ىستەردى ىلگەرىلەتۋ جونىندە تۇسىنىك جاسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
