شينجياڭ تەمىر جولىنىڭ جازدىق دەمالىستاعى تاسىمالداعان جولاۋشى مولشەرى ون ميلليون ادام – رەتتەن استى
2019.09.04 14:26 كەلۋ قاينارى : حالىق تورابى
حالىق تورابى، 9 – ايدىڭ 4 – كۇنى، بەيجيڭ. ءتىلشىنىڭ جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، 8 – ايدىڭ 31- كۇنى شينجياڭ تەمىر جولىنىڭ 62 كۇندىك جازعى تاسىمالى ءساتتى اياقتاپ، جولاۋشى جونەلتۋ مولشەرى 10 ميلليون 195 مىڭ ادام ـ رەتكە جەتىپ، بىلتىرعى ۇقساس مەزگىلدەگىمەن سالىستىرعاندا % 6 . 20 ارتىپ، ارتۋ مولشەرى بۇكىل ەل بويىنشا 1 ـ ورىندى يەلەگەن.
بيىل جىل باسىنان بەرى، شينجياڭ تەمىر جولى «قويمادا تۇرۋدى ازايتۋ، قارقىنىن جوعارىلاتۋ، قۇرىلىمدى رەتتەۋ، ۋاقىتقا قامتاماسىز ەتۋ، قىزمەت كورسەتۋدى كۇشەيتۋ» سىندى جولاۋشى تاسىمالىن دامىتۋ وي جەلىسى مەن «پويەزدى جاقسى جۇرگىزۋ، بەلەتتى جاقسى ساتۋ، جاقسى قىزمەت وتەۋ» جالپى تالابىنا ساي، جولاۋشى اينالىمى بازارىنىڭ وزگەرىسىن دالمە ـ ءدال ۇشتاستىرىپ، تاسىمال ۇيىمدارىن اناعۇرلىم ساپالىلاندىرىپ، تاسىمال قۋاتىن ارتتىرىپ، قىزمەت كورسەتۋ ساپاسىن جوعارىلاتىپ، بيىلعى جازعى تاسىمال مولشەرىنىڭ قاۋىرت ارتۋىن جەبەدى.
شينجياڭ تەمىر جولى جولاۋشىلار پويەزىنىڭ قاتىناۋ كارتاسىن كوپ رەت رەتتەپ، 77.5 جۇپ پويەزدى تىڭنان كوبەيتىپ، 125 جۇپ پويەزدىڭ قاتىناۋ ۋاقىتىن قىسقارتىپ، 60 جۇپ جولاۋشىلار پويەزىنىڭ قاتىناۋ بولىگى مەن بەكەتىن ساپالىلاندىرىپ رەتتەدى. قازىر شينجياڭ تەمىر جولىندا كۇنىنە 118.5 جۇپ جولاۋشىلار پويەزى (22.5 جۇپ ۇشقىر پويەزدى قامتيدى) قاتىنايدى، مۇنىڭ ىشىندە شينجياڭ ىشىندە 89.5 جۇپ پويەز قاتىنايدى، شينجياڭنان شىعاتىن پويەز 29 جۇپ بولىپ، 2018 - جىلعى ۇقساس مەزگىلدەگىدەن تاسىمال قۋاتىنىڭ ارتۋى 57.7% كە جەتتى.
شينجياڭ تەمىر جولىنىڭ جولاۋشى تاسىمال بولىگى ۇزدىكسىز كەڭەيىپ، قارامايلىدان شاۋەشەككە دەيىنگى تەمىر جول اشىلىپ، ىسكە قوسىلىپ، شينجياڭ ىشىندەگى تەمىر جول قاتىناماعان ەڭ سوڭعى ايماقتاعى قالاعا تۇتاستى. ءۇرىمجى - جوڭعار تەمىر جولىنىڭ ۇرىمجىدەن شىعىس جوڭعار ارالىعىنا قاتىنايتىن جولاۋشىلار پويەزى شىعىس جوڭعار ەكونوميكالىق - تەحنيكالىق اشۋ رايونىنداعى بۇقاراعا جاڭا جول اشتى.
شينجياڭ تەمىر جولى جاڭا لەنيا اشۋدان سىرت، بيىل تاعى دا كۇنيۇي، حىجيڭ، دابانچىڭ، شيحۋ، شاۋەشەك، تەمىرتام، ءدوربىلجىن، شىعىس جوڭعار سياقتى جولاۋشى تاسىمال بەكەتتەرى اشىلدى، بۇكىل شينجياڭ جولاۋشى تاسىمال بەكەتتەرى 54 كە جەتتى، بەكەتتەردىڭ قامتۋ كولەمى ءتىپتى دە كەڭەيدى.
جازعى تاسىمال باستالعاننان بەرى، شينجياڭ تەمىر جول باسقارۋ جۇيەسىندەگى ءارقايسى بەكەتتەردىڭ جولاۋشى جونەلتۋ مولشەرى جوعارى دەڭگەيدە جۇمىس جۇرگىزدى، ءۇرىمجىنىڭ ەكى جولاۋشى تاسىمال بەكەتىن مىسالعا الساق، ەكى بەكەتتەن 4 ميلليون 33 مىڭ ادام ـ رەت جولاۋشى جونەلتىلىپ، بىلتىرعى ۇقساس مەزگىلدەگىدەن 506 مىڭ ادام ـ رەت ارتىق تاسىمالدانىپ، ارتۋ مولشەرى 14.3% بولعان. ءۇرىمجى بەكەتىنىڭ 8 – ايدىڭ 10 – كۇنى جولاۋشى سانى ەڭ كوپ بولىپ، سول كۇنى 81 مىڭ ادام - رەت جولاۋشى جونەلتىپ، ءبىر كۇندىك جولاۋشى جونەلتۋ مولشەرىنىڭ جاڭا رەكوردىن جاراتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
