ءبىر نيەتپەن سەلبەسىپ، تاماشا بەينە كورسەتتى
شينجياڭ ۋاكىلدەر ۇيىرمەسى ءبىرىنشى دارەجەلى 6 سيلىققا يە بولدى
2019.09.17 15:53 كەلۋ قاينارى : شينجياڭ گازەتى
ءتىلشىمىز جىڭ ييۋان 9 - ايدىڭ 15 - كۇنى جىڭجوۋدان حابارلايدى. 9 - ايدىڭ 15 - كۇنى بىرنەشە كۇن تىم - تىرىس بولىپ كەتكەن شينجياڭ ۋاكىلدەر ۇيىرمەسى التىن مەدالعا كوپ يە بولعان كۇندى قارسى الىپ، جيىنى ءبىرىنشى دارەجەلى 6 سيلىققا يە بولدى.
سول كۇنى تۇستەن بۇرىن كۇز جاڭبىرى تولاسسىز جاۋدى، از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسى جاياۋ تارتىس ءتۇرىنىڭ شەشۋشى جارىسى جىڭجوۋ داشۋەسىندە وتكىزىلدى، شينجياڭ ۋاكىلدەر ۇيىرمەسى جاياۋ تارتىس قۇراماسىنىڭ 3 سپورتشىسى ىلگەرىندى - كەيىندى الاڭعا شىعىپ، مۇلدە باسىمدىقپەن قارسىلاستارىن وپ - وڭاي ويسىراتىپ، ەڭ جوعارى سيلىق ساحناسىنا كوتەرىلدى.
ەڭ الدىمەن الاڭعا شىققان شينجياڭدىق شەبەر بولات بوكەي مىقتىلىعىن تانىتىپ، 3 رەتتىڭ 2 رەتىندە جەڭۋ تۇزىمىندەگى جارىستا شيزاڭدىق شەبەر جۋزوكانى جەڭىپ، وسى كەزەكتى از ۇلتتاردىڭ مەملەكەتتىك سپورت جارىسىنداعى شينجياڭ ۋاكىلدەر ۇيىرمەسىنىڭ ءبىرىنشى رەتكى اعا جۇلدەگەرى بولدى. وسىدان كەيىنگى جاياۋ تارتىستىڭ 85 كيلوگرام دارەجەسىندەگىلەردىڭ جارىسىندا شينجياڭدىق 45 جاستاعى وزبەك ۇلتىنان شىققان ساقا ساڭلاق ابىلاپ عاريپوللا ارت - ارتىنان 2 رەت جەڭىپ، سىچۋاندىق شەبەر چىن يوۋگۇيدى وپ - وڭاي ۇتىپ الدى. جاياۋ تارتىس جارىسىنىڭ ەڭ سوڭعى ءتۇرى − 95 كيلوگرام دارەجەسىندەگىلەردىڭ شەشۋشى جارىسىندا، شينجياڭداعى قازاق ۇلتىنان شىققان شەبەر ارعىن قۇمار 2 رەت باسەكەگە ءتۇسىپ، شاڭحايلىق شەبەر ما ۋيدان باسىم شىعىپ، اعا جۇلدەگەرلىكتى الدى. وسى كەزەكتى از ۇلتتاردىڭ مەملەكەتتىك سپورت جارىسىندا شينجياڭ ۋاكىلدەر ۇيىرمەسىنىڭ جاياۋ تارتىس قۇراماسى ءبىرىنشى دارەجەلى 3 سيلىققا، ەكىنشى دارەجەلى 3 سيلىققا يە بولدى.
جاياۋ تارتىس ەكبەتتەي جاتىپ ارقان تارتىساتىن سپورت ءتۇرى، 2 سپورتشى جەكە - جەكە الاڭنىڭ ەكى جاعىنا ەكبەتتەي جاتادى، ەكەۋىنىڭ يىعىنا ءبىر ۇزىن جىبەك ارقان سالىنىپ، جەكە - جەكە قارسى باعىتقا قاراي تارتىپ ەڭبەكتەيدى، بەلگىلەنگەن جەردەن تارتىپ وتكىزگەن ادام جەڭىمپاز ەسەپتەلەدى.
”ىنتىماق كۇش بىرىكتىرەدى“. شينجياڭ ۋاكىلدەر ۇيىرمەسى جاياۋ تارتىس قۇراماسىنىڭ جاتتىقتىرۋشىسى لۇي شينگۇي تەبىرەنىپ بىلاي دەيدى: ”قۇرامامىزدا 8 ادام بار، 4 ۇلتتان قۇرالعان، كوپشىلىك شىن پەيىلدەرىمەن ىنتىماقتاسىپ، ءوزارا دەم بەرىپ، ءسوزسىز، جەڭەتىن سەنىمدەرى مەن جاۋىنگەرلىك قۋاتتارىن ارتتىردى“.
سول كۇنى جارىس الاڭىنان تاعى دا قۋانىشتى حابار جەتتى، ونەر كورسەتۋ تۇرىندە شينجياڭ ۋاكىلدەر ۇيىرمەسى داۋاز، سارعايدي، ءماررا دوبى قۇرامالارىنىڭ ناتيجەلەرى دە بەلگىلى بولىپ، تۇگەلدەي ءبىرىنشى دارەجەلى سيلىقتى يەلەدى، جاياۋ تارتىستا العان 3 ءبىرىنشى دارەجەلى سيلىقتى قوسقاندا، شينجياڭ ۋاكىلدەر ۇيىرمەسى وسى كەزەكتى از ۇلتتاردىڭ مەملەكەتتىك سپورت جارىسىندا جيىنى ءبىرىنشى دارەجەلى 6 سيلىققا يە بولدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
